طـغيان إِحمِرار السآعد

بارت 40

                              طِـــغيان إِحمـــرار ألســـآعد

~ عشتار ~
هشام بعصبية _ كل همج مشعل كل همممججج ما همتج مشاعري سنين اني المحلج وانتِ ماكووو لا ارى لا اسمع لا أتكلم ليش ها الأشعل بشنو احسن
عشتار بصدمة _ استاااذ هشااام شنو هالكلام عيب عليك
هشام _ الأشعل بشنو احسن مني جاوبيني على هالسؤال
عصبت كلش باوعتله بحدة وحجيت بهمس كازه على اسناني بعصبية
عشتار _ الأشعل عجبني لان نظيف داخلياً وخارجياً ما وكف بنية مزوجة وكالها كلامك يا استاذ
ما احس غير كال بأنكسار مو متعودة عليه تعودت يكون بهدوء وثكل ورزانته اللي الكل يخاف منها ما أشوفها بس أشوف الانكسار بي
هشام _ اني اللي حبيتج بالاول مو هو انييي دائما المح واذب كلام وذليت روحي علمود نظرة حب منج مو نظرة ثانية
عشتار _ please خليني محافظة على اعصابي ما اريد احجي كلام ممكن يجرحك خليك بطريقك اللي كله ظلم وزور واكل حقوق الآخرين واني بطريقي بين اهلي وخواتي ومشعل وحتى الشغلة اللي طلبتها منك كنسلها
هشام _ لا لا عشتار الشغلة اللي طلبتيها بعيوني انفذها
نزل راسه بعد ما خانته دمعة من دموعة صادمتني وكمل كلامه بقهر
هشام _ اللي تردي انتِ يا عشتار انفذه وبعيوني وأسف على الكلام اللي بدر مني واتمنى يبقى هالكلام بيناتنه
عافني وراح يمشي السيارته اللي ثنين من الحراس واكفين يمين ويسار دخلت للمطعم دايخة استغفر الله بكل شغلة بحياتي لازم يطلعلي شي ينكد عليه كلامه انطبع براسي ما كاعد يروح ياربي اني شعندي بهالمعمعة
فزيت على صوت شمس تكولي
شمس _ عشتااار وين سرحتي
عشتار _ هيج ماكو شي خلصتوا ؟
آسيا _ اي خلصنه بس احم احم حبااابه اريد اروح للميار
عشتار _ اسيا الميار بعيد هسه خليها على باجر
آسيا _ ترفضيلي طلب ؟
عشتار _ تمام نروح نروح
صفكت بحماس وكامت تغسل رحت للسيارة دخلت طلعت حمرتي عدلتها وبعدني افكر بكلامه طابع براسي شكد احتقرته زوجة صديقه وعشرة عمر هو وياه يحجي هيج الزوجته صدك ماكو مستحه
صفنت اتذكر هو شوكت ملمحلي ما اتذكر صفنت بعمق عززززه اي والله واني ثوله عبالي يعتبرني مثل اخته

دخلت للمكتب مالته بابتسامة هادئة باوعلي وذي الأوراق اللي بيده كام من مكانه وكال بابتسامته الخبيثة
هشام _ يا اهلا وسهلا نور نور مكتبي بيج يا احلى عشتار
استغربت بس سكتت يمكن يعتبرني مثل اخته او زميلة ليش اظلم الرجال
عشتار _ اشكرك اخي العزيز هذا كتاب بابا جابه الك يريد توقيعك هنا وهنا وهنا وهنا بس الاسم ما يحتاج توقيع
افتح بالأوراق افهمه وهو ساكت رفعت راسي لكيته يباوعلي رفعت حواجبي بمعنى شكو انتبه على نفسه اخيرا وأخذ الكتاب مكلوب وجهه وقع وكتب اسمه ورجع كالي
هشام _ الكتاب يبقى عندي لو يرجع الأستاذ عبدالله
عشتار _ يرجع البابا يمكن بس لحظة اتاكد
طلعت تليفوني واتصلت على بابا شويه وجاوبني
عشتار _ بابا الكتاب يرجعلك لو يبقى عند استاذ هشام
عبدالله _ جيبي وياج بابا
عشتار _ تمام
سديت الخط وحجيت واني ادخل التليفون بالجنطة
عشتار _ يرجع البابا
باوعتله جان يباوعلي بهيام بس بوكتها ما جنت فاهمة نظراته يمكن لان جنت صغيرة او بالأحرى صفيت نيتي
هشام بصوت خافت _ عشتار شكد عمرج
عشتار _ شنو استاذ العفو ما سمعت
هشام _ أحمم سلامتج ماكو شي تفضلي الكتاب
اخذته منه اترخصت وطلعت مستغربة من تصرفاته