طـغيان إِحمِرار السآعد

بارت 39

                               طِـــغيان إِحمـــرار ألســـآعد

~ عشتار ~
سندت ايدي على حايط اباوع على مكان السيارات اللي شخطوها وطلعوا ودموعي تنزل كلبي منقبض احس راح يصير شي
دخلت للبيت مسحت دموعي وركضت بقوة صعدت فوك وكفت عن الركض وين اروح اريد مكان مابي احد اريد ابقه وحدي صعدت للسطح وكفت بالنص رفعت ايدي وما اكدر احجي بس دموعي تشرح شبيه
كعدت بالارض منهارة اريد اعيط سديت حلكي بأيدي ودموعي عشرة عشرة شي مؤكد بداخلي راح يصير بيهم شي واتمنى هالاحساس يروح صرت احجي بشكل مجنون اهمس وابجي واضرب على صدري
عشتار _ ياربي وخره وخره وخره ياربي هالاحساس يروح يروح يروح خلي يروح خلي يروح
سكتت فازه على صوت قوي كلش من جوه رجلي جمدت ما اكدر اتحرك واروح كمت بصعوبة اركض ما يهمني اي شي ما احس غير عثرت وحسيت رجلي طكت مادري انلوت ما كدرت اكمل كعدت يم الدرج اصيح
عشتار _ شكوووو هاي شكووو العنوووود شبيج رميم شمس آسيااااا
آسيا بعياط هستيري وبكاء _ ماتووووا ماتوا ماتوا ماتوا
سكتت الأصوات كلها صار كلامها ينعاد ويزداد بأذني ماتوا ماتو ماتو ؟ كامت ايدي ترعش وتنشمر لا ارادياً كزيت على اسناني وعيوني غمضت فجأة صرت ما أشوف شي بعدها ....

~ آسيا ~
صوتها اختفى شويه وصرنه نسمع صوت مثل الاحد داخل بنوبة صرع بالضبط ركضت اول وحدة صعدت والصوت جان من السطح ركضت اصعد والبنات وراي صعدت وانصعقت باللي شفته
نايمة بدون روح جثة الدم بكل مكان خشمها دم ونازل على شفايفها وركبتها واكو كدمات زركة على ايدها كعدت يمها والبنات اللي تعيط واللي تلطم واللي تبجي إلا اني كعدت بصفها لزمت ايدها باوعت على الكدمة مثل العضة وفعلاً اكو طبعة أسنان خفيفة من الوسط ومن الجوانب محفور مثل الأنياب وعاضتها بقوة وأيدها الثانية نفس الشي
راحت العنود تركض جابت مي واجتي رشت على وجها ماكو اي استجابة منها ماتت روحي من الخوف لزمتها من وجها اهز بيها بخوف
ايدها اللي جانت على بطنها ما اشوف غير وكعت بالارض باوعت على البنات اللي كعدوا يمها حايرين شيسوون عليها حطيت أذني على صدرها اسمع صوت دقات كلبها سريعة بشكل غير طبيعي باوعت على العنود ودموعي بدون شعور نزلت بألم
آسيا بصوت مكتوم من القهر _ العنود اختي دكي على الإسعاف
طلعت تليفونها ايدها ترجف دكت على الإسعاف عشر دقايق بالتمام وبعد كل المحاولات اللي انتهت بالفشل انها تصحى اجت الإسعاف دخلوا شالوها لبست جبة وطلعت حتى بدون شال اركض صعدت اني ورميم بالاسعاف وشمس والعنود ويا السايق
ماتت روحي من القهر على اختي حبيبتي امي ابوية سندي حمايتي ضهري اباوع على وجها يا خسارة عمرج اللي راح على ناس ما تستاهل اي احنه ما نستاهلج ما نستاهل عدنه اخت مثلج
فجأة وبدون سابق إنذار فتحت عيونها وصاحت بكل صوتها
عشتار _ ياااااا الله
انصعقت روحي من منظرها وحتى الممرض اللي ويانه اخترع فاتح عيونه بكل قوته كعدت من السدية لازمة راسها وتهمس بوجع
عشتار _ اخخخ راسي ياربي لا تاخذ عمري هسه اخخخ ياربي
باوعتلنه عيونها دم دم دم ما تنشاف من الحمار حجت بصوت موجوع وبقوة صوتها بي بحة غريبة
عشتار _ ارجع لا اكلب السدية فوك روسكم رجعني للبيت
سايق السيارة دار وجهه يباوعلنه ما مصدك عاطت بي خازرته وهي عيونها حادة بشكل يخوف تباوعله بحقد
عشتار _ دا اكولك ارجع لا وحق هو علي أخابره هسه اخلي يخليكم ما تعرفون راسكم من رجلكم
السايق بخوف _ آنسة انتِ مر..
عشتار وهي تقاطعة بصياح _ كتلكككك رجعنييي
هز راسه ورجع اباوعلها مدا اصدك احس هذا حلم ماكو هيج شي بالواقع اباوعلها كازه على سنونها احسها حاقدة على الكل وحقها وصلنه للبيت وهي كبل نزلت دخلت تمشي بالكوة ركضت اريد أساعدها باوعتلي وكالت برود
عشتار _ ما اريد حبيبتي اني اكدر امشي
هزيت راسي خايفة اناقشها وصلنه للبيت دخلنه للصالة وكفت بهدوء تباوع عيونها تنتقل على الدرج وعلى الطاولة عرفتها كاعد تتذكر كل شي صار الها نزلت دموعي عليها واني أشوفها راحت تمشي بهدوء كعدت بالارض باوعتلي وهي تضحك مبتسمة بتوسع اشرت على الارض وكالت بضحك