طـغيان إِحمِرار السآعد

بارت 40

                              طِـــغيان إِحمـــرار ألســـآعد

~ العنود ~
نزلت والبنات طلعوا من غرفهم ما عدا رميم نزلوا ورايه فتحت الباب والصدمة الكبرى من شفت رجال كبير شايب لحيته مخربطة ملابسه كلها تراب ومبين عليه محتاج باوعتله وهو يباوعلي ساكت ما نطق بحرف
العنود _ عمو شنو دخلك هنا وشرايد
الرجال _ لا رد
العنود _ عمو ؟ عمو دا احجي وياك شنو دخلك هنا
باوعلي من فوك ليجوه وابتسم بخبال حسيته مخبل اباوعله بتفحص خايفة اخاف شايل شي او جاي من طرف جاسر عزززه شلون ما فكرت
بكل سرعة اريد اسد الباب وحط ايده شهكت بصدمة من دفع الباب بقوة ملامحه تحولت صار يباوعلي بحدة واخيراً نطق
الرجال _ ساعديني
بلعت ريكي من نبرته وباوعت على البنات وهم صافنين اريد اصيح العشتار ما اكدر رجعت عيوني عليه اباوعله بتوتر حجيت واني احاول اكون طبيعية كدامه
العنود _ حاظر هسه اجيبلك
باوعت على البنات والصدمة من دخل للبيت يمشي سريع كعد بالارض على ركباته كدام الطاولة الصغيرة وأخذ الفواكه اللي بيها وصار يأكلها بتجوع وشراسة كأن صارله اسبوع ما ماكل حزن كلبي عليه بس بعدني خايفة منه باوعت على البنات واشرتلهم بيدي
راحت شمس صعدت فوك دقيقة ونزلت عشتار وراها شمس باوعت العشتار لابسة بنطلون جينز من فوك ضيق ومن جوه عريض وتيشيرت اسود لأول مرة تلبس هيج لبس احس عقلي راح ينشل
باوعت على الرجال باستغراب وهو ما دار عيونه حتى بس ياكل بقت تباوعله وراحت وكفت كباله وحجت بهدوء
عشتار _ منو انت ؟
الرجال _ لا رد
كنبصت كباله تباوعله ساكته وهو ياكل خلص كل الفواكه بعد ما خلص رفع راسه اخيرا باوعلها ساكت وهي هم ساكته طلعت فلوس من جيبي ورحت يمه مديت ايدي اله وهو كام كال بكل هدوء
الرجال _ حطيها
اشرلي على جيبه استغربت ليش ما يلزمها هو حطيتها بجيبه وهو مشه ديطلع وصاحت عشتار
عشتار _ عمو اوكف
وكف ما التفت عليها وهي مشت للباب وكالت
عشتار _ منو انت ؟ وليش داخل هنا بأي حق ؟
الرجال _ هالشي ما يخصج
عافنه وطلع بصدمتنا حجت اسيا بتذمر
آسيا _ احس حياتي فلم كل شي يصير بيها مو واقعي ابد
ما احس غير عشتار اخذ سويج سيارتها وطلعت تركض ركضت وراها وهي صعدت السيارة دتحرك صعدت وياها وحجيت
العنود _ شبيج انتِ مخبله ؟
ما جاوبتني ورجعت السيارة بكل سرعة طلعت من البيت حتى الباب عافتها ومشت شويه وشفت هذا الرجال ديمشي وكفت السيارة بعيد عنه وهي تباوعله بترقب
العنود _ ولج شبيييج خبلتيني
باوعت بعيونها عيونها بيها لمعة باوعتلي وحجت بابتسامة بيها خيبة وألم
عشتار _ يشبه بابا مو
سكتت ماعرف شنو ارد فعلا كلش يشبه أبوها شويه وتحركت مشت وراه وكفت كدامه ونزلت الجامة باوعلنه ودار وجهه يريد يروح صاحتله وكالت
عشتار _ اركب اني أوصلك عمو الدنيا باردة
وكف وباوعلها وهي نزلت وكفت كدامه عيونها تلمع لمع حجت بكل هدوء
عشتار _ اركب اني أوصلك وين ما تريد
ركب السيارة ساكت وهي ركبت ترجف بالكوة تسوق حجت بصوت راجف
عشتار _ وين بيتك عمو
الرجال _ يمين
مشت على اليمين دخلت بشارع عام شويه مشت وكال
الرجال _ اوكفي
وكفت تباوع بتفحص ماكو بيوت بس رصيف ومثل الكراسي المسطبات نزل من السيارة وكف كدام الجامة على جهتي نزلت الجامة
عشتار _ عمو ارجع إذا تحتاج شي
ما رد علينه وراح يمشي حركت السيارة هي ترجف رجيف مو طبيعي تهتز وأيدها تختض حطيت ايدي على ايدها امنعها
العنود _ عشتار كافي
عشتار _ اشتاقيت الأبوية والأمي
سكتت ماعرف شنو ارد حاسه بشعورها اهلي ما يقلون عن اهلها هم اربعة وعشرين ساعة مسافرين بس ما انكر اهلي اهتموا بيه وباخوية لحد ما كبرنا وعافونه نتحمل مسؤوليتنا واحنه كبار يا عيني عليج يا عشتار