طـغيان إِحمِرار السآعد

بارت 42

طِـــغيان إِحمـــرار ألســـآعد

~ عشتار ~
بسرعة البرق انأخد التليفون من ايدي شهكت بصدمة اباوع على تعابير وجهه اللي توضح انه هاليوم ما راح يعدي على خير ابد رجف كلبي من كلامه ونبرة صوته

مشعل _ " تجيب اسمها اقطع لسانك واحطه بحضنك الله وكيلك محمد كفيلك أحطك بنار وأطلعك عظم بلا جلد كل حرف من اسمها تنطقه بعزيز ما ابقيلك نسل إلا اخلي هالكاع شاهدة على موتك "
سد الخط
التفت عليه وكام على حيله واشرلي بمعنى اوكفي وكفت رافعة راسي اباوعله نزل نفسه وجهه بوجهي ويحجي باستهزاء
مشعل _ عشتار عبدالله محمد
عشتار _ سلمان عبد الرحمن
مشعل _ توضيح لحد هسه لازم أعصابي أنا
عشتار _ جنت نايمة وسمعت التليفون دك فتحت الخط وصار اللي صار
مشعل _ وبهاي السهولة صار اللي صار ؟
عشتار _ من تلكه رقمه مسجل عندي وكاتبه عليه حبيبي امجد وتشوفني راده عليه هذاك الوكت الك حق تحاسب وتحجي وتعيط وتكسر هسه ما الك حق
مشعل باستهزاء  _ مالي حق ها
ما رديت عليه اباوع بعيونه بلكت يتأثر اريد انسي الموضوع ماكو يا جبل ما يهزك ريح يمشي روحه ورجعه حاير أعصابه تلفانة وكف كبالي آخر شي اجه يمي يحضني بقوة يعصر بخصري رجف جسمي واني اسمعه يحجي بنبرة هووس
مشعل _ انتِ الي عشتار مُلك الأشعل ودوه جروحه وروحه وحياته وسعادته
عشتار _ اني مُلك النفسي مو مُلك احد
مشعل _ لا لا انتِ مُلكي ويا عشتار لو ينزل مُنزل ما اعوفج حلم حلم اعوفج
عشتار بصوت خافت _ مشعل لا تنهووس بيه اكثر تتأذى
مشعل _ شحلاة الاذية منج حبيبة كلبي
دفن خشمه بشعري ياخذ نفس طويييل ويصيح اوووف يا عشتار لزمني من ايدي كعدني عالسرير تربعت وهو حط راسه على رجلي كال وهو يدفن وجهه بطني
مشعل _ اقريلي شي بصوتج عشتاري
عشتار _ صغيرًا وأحتوى قلبي أواكَ
حُسينًا وا حُسينًا وا حُسينا
وجئتُ اليوم زحفًا كَي أراكَ
حُسينًا وا حُسنًا وا حُسينا
براءة صُغري وترافِت عُمري
دمعتي التجري الك عُذرية
سمعت الناعي واجيتك ساعي
اي احس أضلاعي الك محنيه
حِرت بضنَونِي وتغيَر لوني
لو ان سألوني على عشكِ البيه
البصر ما شافك اي لمست الطافك
واحس بوصافك صور قُدسية

مغمض عيونه مبتسم مجلب بيدي بقيت اقرأ وامسح على شعره وجهه زنده صدره ساعتها حسيت نفسي صدك احبه حب مو طبيعي خلصت القصيدة نزلت بست خده بنعومة فتح عيونه ذبلانة وكال بنبرة حنونة
مشعل _ انتِ ليش هيج حلوة ؟ عجل شبقيتي للنسوان وانتِ ماخذه جمال الدنيا وليدي حلو وجهك حلو ابتسامتك تخليني ادخل بعالم ثانيا
ابتسمت بخجل وجهي احسه راح يطك قهقه وكرص خدي بهدوء كمل كلامه
مشعل _ حرمة الأشعل البارحة جنتي حلوة بس اليوم احلى قبلها هم جنتي حلوة بس البارحة احلى
ضحكت على سوالفه وهو ابتسم على ضحكتي فجأة راحت ضحكته وكام من مكانه كعد على تاج السرير وفتحلي ايده ابتسمت فرحانة وهو قهقه مبتسم على فرحتي حطيت راسي على صدره حاضنته دكات كلبه عالية بشكل مرعب ابتسمت ولزمت صدره جهة كلبه امسح عليه ودكاته تعلى رفعت راسي اباوعله وهو رافع راسه مغمض عيونه ذايب بيه وبلمساتي ضحكت من لزم فكي يبوس بوجهي ختمها وهو يبوس خدي بقووووة
مشعل _ اوووف ولا ينشبع منج يولو
عشتار بابتسامة وهدوء _ شفطت وجهي الأشعل
ضحك ايد على خصري وأيد لازم بيها ايدي رفع ايدي يباوعلها بابتسامة رفعت راسي اباوعله وهو يحجي مستغرب
مشعل _ شلون هيج انتِ
عشتار وهي تضحك _ شنو داده
باوعلي المسافة قريبة بكل هدوء باس راسي ورجع يباوع على ايدي ويتلمسها متعجب ضحكت رفعت راسي لزمت خده بسته ورجعت راسي على صدره دافنة نفسي بحضنة مدفاية ابتسمت واني اسمع كلامه الرجف كلبي
مشعل _ لو تعرفين شكد سعيت حتى احصل هاللحظة شكد كسرت وصرخت شكد هددت ونفذت شكد تعبت وهلكت حتى تبقين الي
عشتار وهي تبتسم _ ابقى الك حتى مو اصير
ضحك خفيف وباس ايدي وهو يكول
مشعل _ لان من انولدت عشتار هي المشعل ومُلكه
عشتار _ مهووس
مشعل _ مو بس مهووس ميت بيج أنا وحك هو علي
عشتار _ انتَ اماني ومأمني
باس خدودي حاضني بقوة نزل راسه باس ركبتي من وره يشمني بشوغة
ابتسمت وغمضت عيوني واني بين احضانه احساسي بالأمان اللي فقدته غفيت على أمان صدره ودفو احضانه .......،