سهم الغرام

سهم الغرام 🤍 الجزء 4

🏹سهم الغرام🏹
بقلم :راضية عابل ✍️

✨4 الجزء✨
فدار القايد دخل واحد طويل وعريض العفطة ديالو تحرك الأرض تحتك و دخلو معاه شي رجال
الباهي: واش أنا ضاير برباعة ديال الشلاهبية محزم بمخورجين ما تعرفو ديرو تا حاجة، كيفاش يهرب من قلب الدار و نتا كتقول ليا سديتي عليه بقفل صديد من الحديد  ما يحلو عبد من العبيد لا جن شديد، وصف لينا كي داير و غانجبدوه وخا يكون تحت الارض ومن بعد نتفاهمو
القايد :( جاوبو وهو كيتفتف) مشفتوش أ مولاي
الباهي: (شنق عليه حتى خرجو عنيه) واش باغي تحمقني كيفاش ما شفتيهش وهو بايت عندك فالدار
القايد : والله أ مولاي ما شفناه، رآه قال لينا فيه مرض فوجهو كيعادي و مقدر حد فينا يزعم  يحيد ليه اللثام مللي شفت الخنجر وتشابه ليا معا خناجر القصر قلت حتى نجيبوه ليكم أمولاي وتشوفو شغلكم معاه
الباهي:(رخاه من يدو ولاحو على الحيط) و تيقتوه يا رباعة المهابيل.، هادا الي عندو خنجر من  خناجر رجالي  خاصني نعرفو شكون ليكون وراه شي مُنتيف

بلحاج: (واحد من رجال الباهي) مولاي الباهي لقينا هاد المنديل عند بنت القايد و أنا بنفسي شفتو فيد العروسة لي  قتلنا فقبيلة آيت عدي حيت أنا اللول بديت بيها أ مولاي و نترتو من يديها لقيت مكتوب  فيه غيثة و لحتو

الباهي: واحد من قبيلة عدي باقي حي، ياك قلتو صفيتوها لكلشي ايوا مايحتاجش نقلبو عليه  غادي يجي برجليه هو يقلب علينا باغي مسكين  يعرف مول الخنجر مزيان، جيبو ليا بنت القايد

الباهي:(مرمقها معاها حتى عنقها دار) منين جاك هادا هضري نتي لي هربتيه دوي
القايد  : عافاك أ مولاي عذبني أنا و سمح لبنتي
وردية : معاونتوش الصباح ملي دخلت ورا با البيت فين كانو حابسين ناصر لقيتو

وباش عرفتي سميتو ناصر؟ ، ناصر!! ما قتلتوش ولد الغالي أ الكلاب مقتلتوهش لا تزوج و ولد غادي ترجع تاني تذكر سمية ايت عدي و أنا باغي نحش ليهم الجذر ونقطع سلاللتهم كان عليا نقتلو بيدي
كلاب ما لايقين لوالو  كون ما عطلني السلطان كون أنا لي مشيت صفيتها ليه ديك الليلة
ديوها معاكم  إلا كَرّات فين مشا  هي هاديك ما بغاش تهضر حلال عليكم قصرو بيها هاد ليام تا تنطق بلهلا يطريه ليها
القايد :ها العار امولاي ، إلاّ عرضي أ مولاي
الباهي: زرعتو الشوك و حيرو دابا فحصادو، جُرو علي الزمر من قدامي، كاع للي يعاون ناصر ولد عدّي سوا كان قاصد ولاّ   لا كيولي عدويا، كاع للي فالدار  دفنوهم فيها و أثارهم غبروه و  ديك اللفعة خليوها حية تا توريكم طريقو ، حفيد  عدي  دارها بيكم ولكن دمو غادي يكون  شرابي وجلدو هو فراشي والله مني لا فلت

#يتبع...

✨️الظُّلم عاد نْزاهة
والْجاه حلّل الحرام✨️