دخل ناصر كيتسلت بلا حس... كانو قدامو دروج مهرس ظلامهم شي شميعات محطوطين فقنت كل درجة.. هبط بشوية حتى لقى قدامو غير حيط تاني.. بقا كيقيس فيه وهو يتدفع... لقى راسو فجنان الرمان... بقى غادي حتى بان ليه شي حد فوق عودو وصل جيهة صور القصر و غبر ليه الأثر رجع بحالو وهاد المسألة شغلات بالو... شك بللي الباهي ولكن تقطع شكو مللي تلاقاه جيهة ساحة الحريم واقف مع ذهبية كيتكلمو.. وقف بعيد حاضيهم ودّرّق كيتصنت للغاهم ********** ذهبية: حيوط هاد القصر ليها ودنين داكشي لاش جبتك هنا نتكلم معاك.. البارح قجرت عليك حيت تبدلتي عليا ومابقيتيش كاتشاورني وليتي كادير رايك.. نتا قتلتي قبيلة على قدها بسباب جوج ديال الناس.. أنا بغيتك تقتل غير ديك الوصيفة الذليلة للي دات مني الغالي هي او ولدها... ياك قلت ليك جيب ليا الغالي مكبل بالسلاسل ووانا نعرف شغلي معاه.. ملي عرفتك ناوي على خزيت ما وريتكش فين حاطين الحطة ديال خيامهم... بغيت نعرف شكون دلّك عليها الباهي: كيفاش دآت منك الغالي.. واش نتي كنتي باغة نتاقم لبا لي رزاوني فيه ولا للحرقة للي مشوهة ليا سيفتي ولاّ كنتي باغة ترجعي حبيب القلب ليك هضرة جديدة هذي... وانا للي حتال اليوم صحابلي متزوجتيش حيت صاينة عهدك ببّا.. قول نتي كنتي طامعة يرجع ليك لي كان سباب عذابي ذهبية: نسيتي راسك... الباهي راك كتكلم معا مك... لالاك ذهبية ماشي مع أيها الناس... لزم حدودك....سمع نقوليك نسا عليا هاد التخربيق دابا و حل معايا دماغك للي عطا الله عطاه.. ونتا دابا ولدي حبيبي لي طلعت بيه فهاد الدنيا... اليازيد قربات ساعتو ونتا خاصك تجلس على العرش قبل ما توللي وحدة من بناتو سلطانة علينا الباهي: باش عرفتي ساعتو قربات...هضري معاية بلا ألغاز.. كيفاش غانشد الحكام وهو عندو بنات و حفايد ذهبية: وا غير سكت و سمع كلامي غانسرد ليك حكايتو فهاد القصر تا وصل لذاك المقام... غانديرو ليه كيفما دار لخوه باش قتلتي باش تموت... وديك الساعة غادي نبلغو مرادنا، بالحق مللي تتنصب سلطان تعلني سلطانة رسمية و يكون ليا نفس حكامك..وعرش جنب عرشك
✨✨✨✨#فلاش باك#✨✨✨✨ (ذهبية كانت كتهضر مع اليازيد) ذهبية:غادا نطرطق أ اليازيد... كيفاش خلاّ بنت القاع والباع و ختار يامنة ديك الخديمة الذليلة للي ما توصل حتال وسخ رجليا من ايمتى الجواري كيتزوجو بيهم السلاطن... وعارفك كنتي حاط عليها العين و ختاريتيها من جواريك وغدرك اليازيد: سكتي آ ذهبية... باراكة غير للي أنا فيه.... كيفاش يتجرأ يشوف فوحدة من حريم الخلوة ديالي للي ختاريت من وسط عرام الجواري ذهبية؛ حاجة باينة حيث هو ولي العهد..وعندو سلطة عليك... عول على راسك غادي تبقى مدلول وتحت جناحو حياتك كاملة... غادي تاخد غير شياطتو
قجها اليازيد و لسقها مع الحيط اليازيد: باقي ما تزاد هاذا للي غايذلني... وزني كلامك عاد خرجيه من فمك ذهبية؛ طلقني غادي تقتلني... مللي طلقها بدات كتكحب بجهد وهي شادة من عنقها ..قالتليه عندي ليك الحل شاف فيها بعينيه الحمرين وقاليها نطقي طلقينا ذهبية: السلطان دابا مقاطع مع خوك الغالي بسباب هاد القضية ونتا أصلا كتكره السلطان بسباب الفرز للي داير بيناتكم وباغيه غير امتى يودع.. غادي ضرب جوج سبوعة بسهم واحد ، غاتقتل باك و تنسبها للغالي حيت كلشي كان شاهد على خصومتهم.. وهكا الحكام يوللي ليك.. و ترجع الغالي بين رجليك بقى اليازيد كيشوف فيها وقالها نتوما الحريم ما يقد عليكم غير للي خلقكم.. كيفاش غادي نقدر نقتل با ذهبية: بسم لفعة غابرة فجوف الغابة...ما ضرب حساب تعرف غير نتا تتربع فوق داك العرش... هاك هاد القرعة.. قطرة منها فالما غاتخللي السلطان يودع الدنيا و يشد الرحال للاخرة.. ويبدا زمان خر.. زمان السلطان اليازيد.. بلحق حتى يجي الغالي ويشتد الخصام بينهم تاني عاد عطيه نتا الما و بدا تغوت مللي يطيح و كلشي غايلقي لومة عليه قولهم هو للي قتل بّا
دارو فعلتهم و تعماو ليهم العينين بالطمع و طاوعاتهم نفوسهم يغدرو بالسلطان و الغالي... نقولو ذهبية هاداك غير عمها واخة هو للي رباها مللي ماتو واليديها وكبر ها بحال بنتو.. و الغيرة خالاتها تفقد عقلها و لايني اليازيد شنو عذرو يغدر بخوه ولد مو و بوه و يقتل باه بدم بارد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
