سهم الغرام

سهم الغرام 🤍 الجزء 37

🏹سهم الغرام 🏹
بقلم :راضية عابل ✍️

✨الجزء37✨

فالقصر كانو شي رجال ديال الباهي كيتسناو فيه يجي حيت ناويين يهجموا على اليازيد ،وحيت كان هو قايد الجيش كان كل السمع والطاعة ليه، بالخصوص مللي عرفو كلشي تحت يدو، مللي شافوه ما جاش فالميقات ديالو دخلهم الشك
و قصدو الغابة للي كانو باقي مقاتلين فيها...هزات نورية حفنة ديال التراب لاحتها على عينين الباهي و هو ينزل عليه ناصر بضربة وحدة خلاه طايح مجبد وشد من يدين نورية و هربو قاصدين الهادي
فوق العود كانت نورية راكبة ورا ناصر و ضاغطة على جرح فكتفو كاينزف ومحَوطة يدها لاخرا على خصرو... حسات معاه بالأمان لي عمرها حساتو، تقاتل على ودها وما فكرش فشنو يقدر يوقع ليه
نورية تلفتات وراها بانو ليها تابعينهم بالخيل.. هازين المشاعل وكيقلبو.. وهي تقولها لناصر
ناصر: خاصنا نتخباو فشي قنت حتى يقطعو يّاسهم ما نغامروش... نخاف يتبعونا ويعرفوا مكان الهادي، هبطو من العود و دخلو بين الشجر حتى بان ليهم واحد الغار قالو باسم الله و دخلو... كانت نورية  حاسة بناصر كيتألم من جراحو وكيعافر باش يحميها، قطعات من حوايجها و حزمات ليه  بهم
نورية: سمح ليا أنا سبابك حتى كاتقاسي فهاد العذاب
ناصر: عذابك راحة... كنت غادي نتعذب بصح كون وقعات فيك شي حاجة
بقاو مخزونين حتا قرب الفجر... كانت نورية جالسة  على سلهام  ناصر  وحاطة يدها على حنكو وهو مْوَسّد رجليها  ..حس ناصر بداك البرد ديال الصباح وهي ضربو الفيقة.. بقا ساهي فوجها للي كيف الملاك.. وملامح البراءة ديالها زادو علقوه بيها..ما حدو كايشوف فيها وهو كايندم لاش دخلها فحساباتو الخاوية...
ناصر:( بصوت خافت)  ما فيك حتى عيب يتنعّت.. عيونك نساوني فْحَرْ ما فات..  وبثغرك الضاحك فوجهي كُربتي تفاجات
( حلات عينها فيه و هي مبسمة)
نورية: كاع هذا زهر عندي نفيق على صوتك و صورتك.. يا كامل البها، كي صبحتي..
ناصر: ما تسوليني على حالتي مادام نتي قبالتي... نسيتيني الضر و عقلي فتنتي
ناض ناصر  ساس سلهامو ولبسو لنورية على البرد و خرج تأكد بللي ما كاين حد عاد كملو على طريقهم.. فاش وصلو كان ناصر كلو مجروح و لاكن كان همو غير يوصل نورية لبلاصة مأمنة.. كيف دخل على الهادي... قالو نورية أمانة فرقبتك وطاح مغيب، هزو الهادي وهو كايسول نورية على شنو واقع... وحطو فوق سرير بشوية وعيط على الحكيم يداويه.. قدرو يعتقوه من الموت ضمضو ليه جراحو و غطاوه خلاوه يرتاح.. مللي نورية طمن بالها عليه جراتها وردية غسلات ليها وبدلات ليها كْسيها ... بقات حداه الليل كلو كاتبرد عليه حر الحمة بكمادات و مرة مرة كاينين بسميتها وكتقولو هي أنا حداك أ حياة نورية.. دازو يامات للي بدا فيهم ناصر كايتشافا.. فهاد الفترة قدر الباهي يهجم على القصر بسباب السلاح للي كان جامع وناضت الفوضى فالبلاد بعدما وقفو ضددو شلا عباد... قتل منهم للي قتل و أسر للي طاح فيدو و منهم السلطان للي حبسو هو و صفية حتى يشوف شنو غايدير معاهم بعدما يقاد أمورو... جلس الباهي على العرش و حداه مو راس المصايب... البلاد للي كانت زينة بماليها عادت  تحت رحمة الباهي كلشي ساد عليه وخايف على راسو و  على بناتو من السيبة للي فرجال الباهي... كان للي عارض الحكام يطير راسو ولا يترزا فكبدتو داكشي لاش الناس حناو الراس

فجنان حدا الحطة ديال خيام الهادي  كان ناصر متكي على الربيع داير يدو تحت راسو وساهي فالسما حتى جات حداه نورية وجلسات ،شاف فيها ومع ديك الشوفة طلعات تنهيدة من عمق جوفو و حدر عينيه
نورية : مالك جالس بوحدك هنا
ناصر: والو كانفكر فهاد الدنيا للي معطاتني والو وخدات مني كلشي
نورية: معطاتك والو كاع... هي أنا ما مدخلنيش فحساباتك، وشنو دآت منك...
ناصر: شلا منو هاز فقلبي غا خليها تال عند ربي
نورية؛ مالك كتهضر معايا ومكاتشوفش فعيني... شكي عليا همك بالاك نهون عليك شوية
طحت من عينك بسباب ديك الليلة ياك.. رآه مخليتوش يقرب ليا
ناصر : متفكرينيش فديك الليلة
(تمات نورية غادا بحالها وهو يشدها  من يديها  و جلّسها حداه حط يدو على وجها وبقا كيتمعن فيه وهي من الحشمة تزنكو خدودها و زادت زين على زين...)
أنا مكنبغيش نتفكر ديك الليلة حيت كرهت راسي مللي تحطيتي فداك الوضع... كون ما وصلت فالوقت شنو كان غادي يدير فيك داك الكلب وزايدون أنا عارفك قاومتيه بكل قوتك و لكن...
نورية: ولاكن شنو... رآه قلت ليك ما قاسنيش
ناصر:(حط يدو على فمها وسكتها)  كنبغيك أ نورية...بغيت نقولك شي هضرة وخايفك ما تفهمنيش وما عارف منين نبدا
نورية: حتى أنا كنبغيك كثر من اي واحد فالدنيا... نتا الحاجة للي واضحة فحياتي ما فيك غش ما فيك خديعة... يالله قول.. منين ما بديتي هانا كنسمعك