سهم الغرام

سهم الغرام 🤍 الجزء 38

🏹سهم الغرام 🏹
بقلم :راضية عابل ✍️

✨الجزء 38✨

نورية: منين ما بديتي هانا كنسمعك
ناصر :انا...بغيت نقوليك...
وقفات عليهم وردية وهي تقاطعهم وقالت لناصر سمح ليا غادا نسرق منك لالة نورية هاد العشية
نورية: نسيت ما قلت ليك بغينا نفرحو ب وردية و الهادي هاد الليلة... جا زواجهم وسط هاد المشاكيل ما فرحوش براسهم كاع
دايرين لامة صغيرة نشطو شوية.. ونساو الهم على الله حتى هو ينسانا
(جرات وردية نورية لي كانت غادة كاتلفت لناصر وقالت ليه بشفايفها بلاما يتسمع صوتها "كنبغيك" ومشاو... شد ناصر من قْفا راسو وبقا كيحرك شعرو و كيفكر كيفاش غادي يفاتحها فالموضوع)
كان عرس الهادي و نورية خفيف ظريف.. عرس من عراس القبايل كان الغنا بدوي و الرقص خاتر ديال الرُّحّال... طاح على العرسان السر ديك الليلة و لكن زين ناصر و نورية كان طاغي... ضحكو ونشطو و شطحو معا بعضياتهم و قلوبهم ترابطو... قدرات بطيبة قلبها و زينها الفتان و كلامها المعسل معاه تنسيه فغرامو اللول غير بالمهل
بقاو كيشطحو وهوما شادين فبعضياتهم وكلشي حاضيهم... عينيه ما طاحوش عليها ولا حتى رمشو
ناصر: شنو درتي فيا
نورية :(جاوباتو بصوتها الناعم وهي كتلعب فشعرها المسبسب) والو غير عويناتي كايغرقو العوام و يطيحو الصياد فالشبكة و زيني كايخلي الشايب يرجع شباب و لساني كايخلي ليهودي يسلم
ناصر:(تبسم ليها وقال) ..دابا كتباهاي عليا بزينك ولا شنو رآه حتى أنا زيني متلف البنات
نورية: ههه حاشة الزين لا زين الفعل.. نلقى شي وحدة كتشوف فيك نجبد ليها عويناتها كيفما كانجبدو الببوشة
ناصر: ههه تال هاد الدرجة كاع.. اجي بعدا عاد تفكرت... قول نتيا هي للي كنتي معايا داك النهار فوق السطح وملثمة ونتي لي خرجتي من القصر من باب جنان الرمان
نورية؛  اييه.. خلينا من هادشي دابة وا قولي شنو كنتي قبيلة باغي تقول...
يالله غايعاود ليها تاني حبسو الغنا..و عيط ليه الهادي بقا واقف معاه تحت واحد الشجرة شوية دخلو لخيمة.. و نورية وقفات هي و البنات شادين فوردية... بقات كتقلب بعينيها على ناصر شوية تسلات من البنات ومشات تشوف فين رآه... حتى سمعات حديثو مع الهادي

... يتبع...