سهم الغرام

سهم الغرام 🤍 الجزء 25

🏹سهم الغرام🏹
بقلم : راضية عابل ✍️

✨الجزء 25✨
ناصر:ها!! ؟ لا والو... سمحي ليا أ لالة نورية كيتسناني الباهي(ناض مزروب وخلاها حايرة وعقلها كيفكر فهاد غيثــة شكون تكون)
تلاقا ناصر مع الباهي عند لامين ديال التجار.. مللي تمو خارجين من عندو قال الباهي لناصر غير سير نتا للقصر أنا عندي ما نقضي
خلاه ناصر حتى زاد تلثم وتبعو بلا حس... بقا تابعو حتى لقاه لحقو عليه رجالو وكملو المشي معاه.. فاتو السوق و بقاو غادين بلا شمعة بلا قنديل.. فالزناقي الضيقة .. الدنيا خاوية كيتسمع غير صوت سراق الزيت كاينقز.. . حتى قربو  لواحد الزنقة وهو يتحل باب واحد المحال يالله غايدخلو منو
ناصر مع الظلمة للي كانت مشافش شي برامل كانو محطوطين وهو يتعكل وتسمعات الزدحة لرجال الباهي وهما يتبعو منين جاي الصوت... وما حس حتى لقا يد جراتو و دخلاتو لواحد الدار بلخف...
ناصر : شكون نتا وشنو باغي مني
الشخص للي جر ناصر كان لابس الكحل داير سلهام و عمامة كحلة و ملثم ما كايبانو غير عينيه.. بلامة يتكلم.. شار بيديه لناصر باش يسكت... و لمح ليه باش يتبعو 
عرف ناصر بللي  كون ما جرو كان غادي يحصل ويمشي فيها هاد الليلة...
ناصر: واش كنتي تابعني... ولاش.. قول شكون نتا قبل ما نصفيها ليك
كانو ديك الساعة فوق السطح.. و حاضيين رجال الباهي منين غايدوزو...
داك للي ملثم كان قدام ناصر ملسقو على الحيط وداير يدو على فمو و ما كيتسمع غير صوت نفاسهم و دقات قلبهم... مللي همدات القضية.. قال واحد من رجال الباهي ليه بللي غير القطوط للي دارو داك الصوت
داز ناصر و الملثم لفوق السطح للي فيه المحال للي دخل ليه الباهي وبقاو كيتصنتو من واحد الشقة فالسقف  ديال السطح على الحديث للي ضاير
*********
الباهي : قول ليا السلعة موجودة
*** موجودة أ مولاي.. كنتسناو غير البارود يوصل و تعطينا أمرك و ريوسنا تفديك
الباهي : عندكم من هنا للعيد يكون كلشي واجد...  بغيت نهار ثالث عيد يكون كلشي ناضي

دار ناصر جيهة الملثم لقاه حبة ملح وذابت... تخفى ليه الأثر ما عرف تا منين غادي يرجع للقصر غير بالكشايف

..... يتبع.....