سهم الغرام

سهم الغرام 🤍 الجزء 44

🏹سهم الغرام🏹
بقلم:راضية عابل ✍️

✨الجزء44✨

وردية:  (كانت مسخنة غلاي ديال الما طايب  ومدخلاه للخيمة) مالك مكتهضرش معاية واش قلقتك بشي حاجة.. غير ندخل للخيمة تخرج نتا من نهار جبنا نورية
الهادي بقا ساكت وتم خارج من الخيمة.. وهي تغوت  وردية حيت تخوا عليها الما طايب.. مشا الهادي كيجري جيهتها
الهادي ؛مالكي على هاد الخفة فين عقلك... شوفي يدك كي حرقتيها
وردية : بانت ليك غير حرقة يدي ما بانش ليك حرق قلبي... كنتي فالأول كتموت عليا دابة مللي ما بقا عندي هل ما بقاو ليا حباب وتيتمت ما بقيتيش كاتبغيني ومنخلني (بدات كتبكي وتقول عز الطفلة مع بوها و بلا بيه تتهان واخة يكون شيخ القبيلة خوها و راجلها ولد السلطان)
الهادي؛ شوف على حمقة كي كتهضر.. عنقها وقاليها أنا هلك وكل ناسك.. ومازال ما تزاد هادا لي يهينك و لا يقلل منك و أنا حي. . ولايني آخر مرة تصرفي ورا ظهري.. منقبلكش تجسي عليا و خباري مع رجالي تشيعيها
وردية:عذرني أ الهادي رآه كية با خلاتني نحس بنورية واخة باها خايب أو وعدها كثر من وعدي مقدرتش نعرفو غادي يموت ونبقا ساكتة رآه الغدر هادا وكيفما ناصر صاحبك تا نورية كثر  من ختي
الهادي : صافي ألالة أنا الغالط، سمحي ليا يالله وا مسحي دوك الدميعات.. و أنا اخر واحد فهاد الدنيا يجور عليك نتي رآه هي الروح هي العقل غير ديري عقلك
وردية:ما تعاودش تقطع كلامي  هانا نقوليك😌

*************
(فخيمة ناصر جا يطل عليه الهادي)
ناصر؛ وليت بخير دابة الهادي وقتاش غادي نهجمو على الباهي ونرجعو حقوقنا
الهادي: ضميت النص من جنودو لرجالي... حيت اغلبهم ها للي رد بناتهم جواري ليه ها للي صفاها لشي حد من عائلتهم
هجمنا على تلاتة المخازن وجوج بدلو ليهم البلاصة
ناصر: منبغيش شي حد من العامة يموت... رسل للناس رجالك يعلموهم تا حد  هاد الليلة ما يخرج من دارو

**************
فجناح نورية و بالضبط فالشرفة تحت ضو القمرة الباهي كان موسد ركبة مو
الباهي: مزال مادخلت لراسي حارسك يهرّب ناصر.. حارسك الجيلالي يغدرك وهو كنتي تقولي ليه تلاح فبير يتلاح.. شي حاجة تم
ذهبية: أيييه أوليدي.. أنا وياك ما عندنا زهر، ضايرين بينا غا الغدارة و للي كينساو الملحة و الطعام... شفتك باقي مخللي اليازيد وصفية.. شنو ناوي دير معاهم
الباهي؛ قلت للسجان يحبس عليهم الماكلة والشراب.. تا يموتو على خاطرهم
ذهبية؛ ونورية ما جاتك عليها خبار
الباهي : بدا كيفرك صدرو بيديه وهو كيشوف فالسما و جمع الوقفة بالزربة و بدا يدور فجناحها للي رجع كينعس فيه ويشم ريحتها فيه كل ليلة..... نورية عمرها تحلم بغيري غير لا مت... دير لي دارت فيا.. ساكنة ليا فالدم والعروق غادي نبقا ملازمها كيف خيالها
ذهبية: غير قول ليا شنو خلاك تولي تهتهت بيها.. ياك السلطة وشديتيها عطا الله البنات لي كيتمناو يكونو عبدات عند رجليك و لنفرض هاد نورية ماتت شغادير
الباهي : هانتي قلتيها عبدات... نورية ماشي بحال البنات... ما عمرها تبيع راسها ولا تكون ساهلةللرجال .. ديما كانت دافعا عليا كبير ماشي حيت بنت السلطان... حيت هي هكاك  عزيز عليها تكون الفوق وللي بغاها يتقاتل باش يوصل ليها وأنا سلباتني حيت كنموت على الحاجة  لي ما تجيش بالساهل...  وكيما خذيت هاد العرش غادي ناخدها.. لماتت غادي نتبعها.. مالكي كتفايلي على مرات ولدك الله يجعل نهاري قبل نهارها
ذهبية: عمر حبك ليها ما تحول لكره زعما بسباب كرها هيا ليك
الباهي: أنا نكره نورية ما حدها هي كا تكرهني وكاتبعد و أنا كانزيد نهيم بيها.. لكرهتها ما يبقا نفع لتنواحي لي خلا شفاري طاحو... كنبغيها لدرجة لبغات عينيا نجبدهم ونحطهم فيديها... كنموت على تراب رجليها... عمرك جربتي الغرام أ مّي عليها داويا
ذهبية : ( قالت فنفسها آآآآآآه على الغرام سولني أنا عليه.. شكون من غيرو رشاني من الداخل وقصحني من برّا.. كنت فين تبان نتا.. كنت غير لشفتو قدامي نوللي نغزل و تشدني السخفة.. نبات نهتهت بيه .. سميتو نقشتها على كل شجرة فهاد القصر.. كنت نتبعو و نهز حفنة من تراب خطاويه و نبوسها...  حتى عادو خديم القصر يقولو خرج ليا العقل ونهار صارحتو بحبي ليه، طلّع فيا و هبّط و قال ليا نتي أخر وحدا نفكر نشوف فيها وخّا يفناو نسا الدنيا... هاهو دابا للي مشا من هاد الدنيا) .
الباهي: هاد ليام كايراودني حلم كايتعاود كل ليلة، كايخليني نفيق عرقان وكنلهث
ذهبية: أما هو هاد الحلم