سهم الغرام

سهم الغرام 🤍 الجزء 27

🏹سهم لغرام🏹
بقلم:راضية عابل ✍️

✨الجزء 27✨

فجوف الليل فالدجا وقبل ما يهلل هلال الفجر كانت ذهبية كتحلم وكتقطر بالعرق
ذهبية: (فغرق نعاسها) غانعدبك و نحرق قلبك كيما حرقتيني غدار.. غدرتيني... غدار... غدااار

وصيفتها: لالة لالة نتي فعار الله فيقي.. باسم الله عليك
ذهبية: (ناضت كتنهج).. مدي ليا كاس ديال الما.. و أري ليا سلهامي
.. خرجات للجردة وجلسات. ودموعها بداو هابطين سخان تقول كانو على الجمر.. لاش سمحتي فيا لاش.. لاش خليتني كنقاسي... بسبابك قلبي ولا حجر... لاش..شاب شعر راسي ومازال غرامك فقلبي حي..عمري غادا نسمح ليك على ما درتي فيا

الباهي: (كان يالله داخل للقصر وهو يسمع صوتها).. مال لالة القصر خاطرها خاسر.. شكون بكا ليا ميمتي... نقطع ليه لسانو ونحطو بين يديه
ذهبية: والو.. ما بيا والو.. غير تفكرت باك
الباهي: نتي بعدا شفتيه وكاتفكري وجهو شنو نقول أنا لي من نهار عقلت وأنا كنسعا المحنة ديال البو من اليازيد..ياك صفيتها للي كانو سباب حرقتنا... لاش باقا كتعذبي راسك
ذهبية: شكاتقول... كيفاش صفيتيها للي كان سباب
الباهي: والو نساي عليك حريق الراس.. فيا النعاس خليني نمشي نرتاح من بعد ونتكلمو، وحتى نتي خاصك ترتاحي دابة ونساي الهم ينساك ما حدي فكتافك ما ترفدي هم حتى حاجة، راك عارفاني ألميمة جني وجنوني نشوفك مغبونة
ذهبية: وقف و أجي لهنا  باقا ما كملت كلامي، لمن صفيتيها علامن داوي
الباهي : قتلت للي قتلو با.. وللي حرقو ليا هاد الوجه وعقدوني فحياتي...  نحرت القبيلة كاملة ولكن فلت ليا واحد منهم.. وغانجيبو يبوس تراب رجليك عاد نفنيه
ذهبية: معامن تشاورتي... أش داك.... و كيفاش وصلتي لطريقهم... ياك قلت ليك  خليني أنا قادة بشغلي... لاش تقتلهم... لاش.. بغيت نتمرمد أنا فدمهم
الباهي: تال دابة عاد كاتقولي لاش... ياك من نهار عقلت ونتي كتشحني فيا على قبيلة عدّي.. شنو تبدل دابة... كبرتني كيف الغول.. ومللي صفيتها ليهم كتلومي فيا دابة... ياك هادشي للي كنتي باغة
ذهبية: لحد اليوم بقيت عايشة باش نتاقم..ومكنتش عارفة راني مزال عايشة حيت قلبو هو باقي كيضرب
وبدات كتخبط فالباهي لسدرو حتى سخفات
هزها بين يديه وهو ما فاهم والو... لاش دارت هاد الحالة كاملة... حطها فسريرها وبقى جالس حداها وميات سؤال كيدور فراسو