✨الجزء 12✨ جا عند ناصر مرسول من الباهي قاليه تعطلتي على مولاي وراه سبقك و أمرني نوصلك لعندو بقاو غادين كل واحد فوق عودو و ناصر دقة دقة كيحاول يحفظ الطريق.. فاتو السوق و دخلو من واحد الزنيقة ضيقة وهما ينزلو.. جا ليهم واحد خدا لكل واحد عودو و مشى وقفو قدام باب من الخشب عالي وكلو نقش فتحاتو ليهم بنت كيف الكمرة لابسة لباس خالي من الحشمة ناصر تدهشر من داكشي لي شاف... بنات فكل قنت من الرياض ضايرين برجال الباهي.. ما فيهم حيا و لا عراض... وهو متكي كيتفرج فيهم كيرقصو و يتمايلو مع الغنا.. ها للي كتلعب فشعرو ها للي كا توكلو الباهي : مرحبا بالسي الطاهر.. اليوم غادي تنسا الهم و تنسا الجاوي والبخور... (مد ليه كأس ديال الشراب) ناصر: ما كنشربش الباهي: علاش.. ياكما جنونك مسلمين.. هههه نقزات وحدا من البنات و جابت الكاس حتال فم ناصر وهي كتغنج عليه وقالت ليه حتى واحد ما كايرفض عراضة مولاي الباهي... ولا غايخلص الحق شد منها ناصر الكاس ودار راسو غايشرب منو... و مرة مرة كيخوي منو شوية فالمحبق للي حداه بلا ما يرد ليه شي حد البال وكيشوف فالباهي للي مفتون بوحدة فالبنات كتغني عند راسو وتوكلو العنب حبة بحبة 🎶🎶🎶🎶🎶🎶🎶 و الحب وما دار فيا نساني فالسمية وزاد حتى والديا و أنا قلبي من كواه و الحب وما دار فيا نساني فالسمية وزاد حتى والديا و أنا قلبي من كواه وا العيطة عليك وا يا الحبيب يا الحادر عينيه... وا العيطة عليك جرحتي القليب وما حسيتي بيه.. وا العيطة عليك يا العار العار غير شوفة فيا... وا العيطة عليك للي طلبتي مني وراني نعطيه.. وا العيطة عليك القليب يبغي يلقا للي يبغاه... وا العيطة عليك سهران يشكي ديما يلغي بلغاه....وا العيطة عليك وا تسنيت عليك شهورا وعوام... وا العيطة عليك وانا يا الحبيب نعدي في ليام... وا العيطة عليك
دازت شي نص ساعة وهو يتم داخل واحد لابس كلشي كحل وداير اللثام جار وحدة معاه مدخلها بزز.. شدوها منو البنات... وجا تال ودن الباهي و وشوش ليه و مشا.. موراها ناض الباهي دخل لبيت من بيوت الرياض وتبعوه جوج من رجالو.. وقف ناصر دار راسو سكر و بدا كيشطح مع البنات و كيقرب بشوية جيهة الباب... حتى بان ليه واحد الشريجم محلول مشى كيتصنت حداه
الباهي: وجدو راسكم قافلة الذهايبية للي كنتسناو هادا عام دايزا اليوم من الطريق الشرقية.. نعوضو الخسارة للي دازت كونو رجال ولا ما يعجبكم حال.. حللو عينيكم لا يغفلنا شي حد تاني...نضربو ضربتنا اليوم و نميكو شي شهورا... رآه الطرح حما عند مولاي اليزيد و بداو الشكاوي كيوصلوه ****: والا عليك أ سيدي كون هاني قول لينا غير البلاصة و الوقت الباهي: البركاك قال ليا بلي فميقات الفجر غادا تكون القافلة قريبة دخل من الغابة و هو غايكون مخبي وسط الشجر غادي يرمي نبلة شاعلة بالعافية فالسما.. تم غادي نهجمو حنا
تسحب ناصر بشوية ورجع لبلاصتو و دار راسو سكران وقريب يغيب... جا جيهتو الباهي ومللي شافو فداك الحال عيط على خديم يديه يوصلو للقصر
مشى ناصر للقصر وغير تحرك الخديم... ركب على عود ومشى عند الهادي فهاد الوقيتة كانت صفية تم وشافت كيفاش حتى دخل ناصر سكران و فرمشة ملي مشى الخديم هو يرجع لوعيو وركب على العود وخرج من القصر
صفية: هاد القضية من وراها إن... خاصني نعرف شنو قصة هاد خينا.. كيفاش دخل ورجليه بالسيف هازينو.. و فرمشة عين ولا صحة سلام
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
