✨الجزء 33✨ مشات نورية لجناحها يالله غادا تقرا المرسول وهي تدخل عليها صفية.. خباتو بالخف تحت السرير صفية: مهدية خرجي نتي والوصيفات باغا نتكلم مع نورية بوحدنا خرجو الوصيفات وبقاو الخواتات الراس فالراس صفية؛ برد قلبك دابة مللي طّمَّن على حبيبو ههه.. يا ختي العقل كان غادي يخرج ليك نورية: شكون قالها ليك.. كنت غير أنا و مهديةو الباهي البارح صفية: ديرها غير زوينة فهاد القصر... صفية ما كتخفا عليها المدفونة فعمق البحر ولا المكتوبة فوراق الشجر ولا المطمورة تحت الصخر... نورية: العجب.. كاع الخبارات عندك صفية: فين كان.. خفتي عليه ياك ههه نورية: نوضي نوضي خليني نعس شوية صفية : ايوا لهلا يطيح حبنا على حجرة.. أما ماشي غير نسهر الليل...نشرك ليل ونهار نورية: رآه حتى أنا عارفة شلا حوايج غير كندير عين ميكة ومنهم حبك للباهي للي مذوبك ومطيح فيك النص صفية: وملي عارفة مالك اختي مزاحمة معايا عليه.. بغيت نعرف غير أش عجبو فيك ومالقاهش فيا ونتي غير منخلاه نورية: انا نتزاحم على هداك.. غير نعسي من جيهتي على جنب الراحة.. هداك فعيني كيف ولد موكة.. عبد الجاه و حكام مو للي مسيراه وعمر ولد موكة ما يكون كيف الطير الحر... ونزيدك الراجل قدما تعفرتي وتنفختي عليه فاللول و دفعتي شبابك غالي كيبقا تابعك و طالب رضاك... أما لكنتي قليلة نفس و غير مدفكة عليه عمرو يحاشيها ليك صفية: ايوا حاشاك أبنت بويا المعيور هذا و فوجهي كاع شامة: (جاية كتجري) نورية عتقيني با كيتقيا الدم... قلت ليك با حنيني بيه شي علة مشات كتجري معاها.. صفية بقات تا هزات المرسول عاد تبعتهم لجناح السلطان لقاوه ضايرين بيه الطبة و الحكام.. قالو لهم يخرجو من الجناح لايكون بيه شي مرض كايعادي.. كانت ذهبية واقفة ومقابل معاها الباهي و ناصر مقابلهم.. كانو كيهضرو غير بالعينين و باينة عليهم الفرحة، فهاد الوقيتة صفية قتلها الفضول مشات لقبة الحريم وبدات كتقرا فالمكتوب
سلام الله عليك أ نورية أ الوردة الجورية لا تيقي فالقريب راجل كان و لا ولية... جاتني خبار الباهي و ذهبية متافقين يقتلو باك و ياخدو الحكام.. ما تقولي قلت ليك ستري عليا
طوات المرسول و رجعات وقفات حدا ذهبية... همسات ليها فودنها بشوية صفية: بداو يبانو العلامات على با نخاف عليك غير تحصلي.. أجي الباهي فراسو... اه نسيت رآه طامع فعرش با بقات ذهبية مصمرة فبلاصتها... شدات من جلايلها و مشات وقفات بعيد و عيطات براسها على صفية.. دخلو لجناح وبداو كيهضرو صفية: شوفي قبل ما تبداي تبرري ليا ولا تكذبي و ترسمي عليا... أنا ما قلت كلامي حتى مأكدا منو ذهبية: شكاتخربقي... الباطل هادا... كيفاش أنا غادا نسمم اليازيد و كيفاش الباهي باغي الحكام صفية: ايمتى قلت ليك سممتيه.. شتي فلطتي فهادي، سمعي نقوليك.. عندك حل من الجوج... نخرج دابة ونقولهم شنو واقع و يصفيوها ليك نتي والباهي يا مريضنا ما عندو باس نكونو حباب و صحاب ذهبية: و شنو المقابل ديال سكوتك صفية: هااااا المعقول... لبغيتي نستر جرايمكم و نخللي الباهي يوصل للحكام و نتي توللي سلطانة تقنعي الباهي يتزوج بيا.... يتزوج الباهي بصفيةباش تتهنى ذهبية من السعد السْوَد و الميمون المكعد كان شي حد فالجناح وسمع كلامهم.. بان لصفية الخيال وهي توقف عليها... كانت الصكعة ديال مهدية مسيكينة... طاحت مع هاد قلالين الرحمة.. قالت ليها ذهبية شنو سمعتي... قالت ليها مسكينة بصوت مبحوح والو ألالة قربات حداها صفية و قالت ليها... لنطقتي بحرف رقبتك طير مهدية : بالعما والصمك ما شفت ما ريت تمات خارجة وهي تجي وراها صفية و دوزات الخنجر على عنقها و خلات دمها يفرفر ماتت مهدية مسيكينة باقة حتى ما مدات يديها للحنة... ذبحتها بلا محنة ذهبية: صحابلي نيت غادا تخليها تمشي... كون ما دوزتي عليها كون صفيتها ليها أنا.. درتي فيا خير ونقصتي عليا ذنبها.. باركة غير الرواح لي فاتو ههه صفية: على أنا حمقة ندير الحجة عليا هادي رآه هي روح نورية يعني فالبلاصة غادا تكشفنا، خليني نيت نحرق قلبها عليها كيما حارقة قلبي، و أنا كاع لي غادي يوقف فطريق فرحتي نفضيها ليه... باقا ما شفتي مني والو أ عجوزتي .. مسحات خنجرها وهي كتهضر مع مهدية لي شبعات موت صفية: شحال بقيتي فيا أ مسيكينة و شحال غادا نبكي عليك الله يرحمك كنتي دريويشة... ايوا جات ساعتك شنو ندير ربي مكتّب ليك هاد الموتة خرجو من الجناح بحالة ما وقع والو وخلاوها مليوحة كيف ذبيحة العيد تا نشفات من الدم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
