الباهي :الطاهر يا الطاهر.. حرمتي رزقك بيدك كنت ناوي بعد الحكام نديرك دراعي ليمن ولايني لي راضية عليه ميمتو كيبانو ليه ولاد الحرام على حقيقتهم... مالي ما عندي زهر فالناس؟ ناصر: لكان شي ولد الحرام بيناتنا هو نتا... سير سول مك منين جايباك أ ترابي من وَالا وشوف تشوف واش تكون حتى هي مك ( نورية كانت عودات لناصر على الباهي وقالت ليه بللي شامة معاودة ليها بللي ذهبية خرجات واحد الليلة وهي تجيب معاها الغد ليه ولد و قالت بللي ولدها و شاع فالقصر بللي والداه فالحرام والسلطان سترها ورباه ليها )
الباهي: (نزل عليه بشحطة للظهر بالظهر ديال سيفو.. شدو من وجهو وبدا يتحلّف عليه و هي تكلع ليه اللحية نتفها بيدو وبقا كايشوف فيه) شكون نتا ولاش دخلتي للقصر بهاد الهيأة.. (قلبو مزيان وهو يبان ليه الخنجر) طحتي بين يدي.. ما خليت عليك حتى قنت (شاف رجالو وقال ليهم) ياك قلت ليكم غادي يجيني برجليه مكبل.. ناصر ولد عدي مرحبا بيك فقصر السلطان الباهي ديو عليا هاد الكلب او وريوه الترابي كي كاتكون... تهلاو فيه مزيان بيدما نوصل عليكم (مشا الباهي مكشكش عند مو يسولها على هاد القضية حيت المرا الثانية للي كيسمعها فيها قلب عليها القصر قنت بقنت وهو جاهل حتى وقف عليها عند الخصة للي فساحة الحمام، نترها من يديها وسولها.. مللي سمعات هضرتو وبللي ناصر كاين هنا ولات بحالا مخوي عليها سطل ديال الما كتعرق وتنشف حيت هي للي عارفة شنو تابعها... بداو سرار زمان يتكشفو والباهي لعرف سرها المكتوم غادي يكْزرها الباهي:شفتك سكتي هي كلامهم بصح تحنا على رجليها وقالها ياك نتي مي و با ميت.. ياك..؟ (جمع الوقفة وبدا يهضر مع راسو كيف الحمق... الباهي نوض نتا سلطان دابا والسلطان مكايتحناش.... بلحق نتي مي.. مي ياااك) وا هضريييي ذهبية: (قفزات من صوتو او وجهها صفار) آه نتا ولدي وباك ميت... هادي غير شي تنوعيرة دايرينها باش يهدمو كاع للي بنيناه عنقاتو وهي كتقول فخاطرها خاصني نصفيها ليك... نفطر بيك قبل لا تعشا بيا.. ولفتك وربيت عليك الكبدة ولايني على قبل مصلاحتي ندير للي كان وفاللول وللخر نتا ماشي من دمي ولحمي .. فالقرييب غادي يتكشف سري اللهم نكوي الجرح قبل لا يكيح و أصلا هاد العرش مكاينش لي يستاهلو قدي.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
