🌙الجزء 13🌙 كان عود ناصر كيتسابق مع الريح.. قوي كيف للي راكب عليه.. تقول كان حاس بمولاه باغي يوصل بكري... وصل وسلم العود لواحد من رجال الهادي و مشى دخل عندو للخيمة.. تسالمو مع بعضياتهم الهادي : شي خبار جديدة هادي للي تخليك تجي فهاد الوقت ناصر: جمع رجالك باش تكونو قبل الفجر فطريق الغابة دايزا قافلة تجار الذهب من تم.. الباهي باغي ينشلها و يرتاح شي شهورا حيت بحالا بدا كيعيق بيه السلطان الهادي: شكون وصل ليك هاد الهضرة ناصر: مشيت معاه لقصارة الليلة و جا عندو واحد جار معاه بنت وشوش ليه فودنو وراها ناض وتبعوه جوج من رجالو.. للي خلاني ساهي هي البنت للي معاه بقات كتشوف جيهتي و بسطات صبعانها ليا بحالا بغات تلمح لشي حاجة... حسيت بللي كينا من ورا مجية هاد خينة إن ..تبعتهم وسمعت للي سمعت الهادي: فين كانت هاد القصارة... ناصر: فرياض.. فتنا السوق و دخلنا ليه من زنقة ضيقة الهادي: البنت للي جابو ليه ما تكون غير وردية..حيت أنا لي معلمها الحركة للي دارت ليك بيديها... ... غادا تكون عرفاتك ملي شافتك... ولد الكلاب بغا يخليها تسلاية لرجالو.... كون ما كنتي باغي تقتلو بيديك وتصفيها لتريكتو واحد بواحد كون الليلة نحرتو... . واش عاقل على طريق الرياض ناصر:اه.. الهادي: سمع نقوليك غادي نصيفط رجالي يعلمو قايد القافلة يبدلو طريقهم... و غنمشي معاك توريني طريق الرياض... وسير نتا للقصر بحالا مخرجتيش منو.
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
