سهم الغرام

سهم الغرام 🤍 الجزء 17

🏹سهم الغرام 🏹
🌙🖋️بقلم :راضية عابل 🖋️🌙

⭐الجزء 17⭐

ناصر : حاشة واش نتقدم قدام لالة ذهبية للي عقلها وازن بلاد.. أنا غير بغيت نفتي عليكم واحد  الرّي.. إلا لاق لمقامكم عملو بيه.. والا ما عجبكمش... عفوكم سبق غضبكم عليا

دابا العواشر هادي شبان ليكم نعام أ مولاي فعاوض ما تشريو ثوابكم وثواب حريم القصر وحتى الناس للي حجرتهم وازنة  من برا البلاد.. . تشريو من تجارنا.. باش تعاونوا اللي يالله باديين.. وتسكتو فام التجار القدام.. و هكا الحركة متبقاش ميتة.. و  خاصكم تساعدوهم باش يروجو سلعتهم خارج البلاد كي شتي القبايل عندنا تبارك الله الزيتون فيها غير مزلع.. و الزرع حتى هو و التمر  بجميع نواعو وعاد الحرير.. وشلا حوايج خرا بحال السلاح.. . وشي بلدان ما فيهاش هاد الخيرات...  وغادين يجيو العيان و التجار من كل القبايل و البلدان  هاكا التجارة عندنا غادا تروج ولكن للي بغا يشري شي سلعة من تجارنا ولا الفلاحة غادا تكون عندكم أ مولاي واحد القدر من الرباح من عند الشاري أما البايع خلاص راكم فارضين عليه ضريبة

اليازيد:  عندك الحق وهكا  ماغانقصوش الضريبة على التجار حيت غايزيد عندهم الرباح و غادي نربحو  من الشاري فكل بيعة
ناصر: اييه أمولاي و لابغيتو نعام أسيدي من هنا القدام تفرضو قدر من المال على كل قافلة جات البلاد باش تشري منا شي بضاعة ويخلصوا قبل ما يفوتو الحدود
اليازيد: شبان ليك أ ذهبية.. كلامو معقول غانوليو حنا الرابحين فكاع الحوال... خاصنا غير نشددو العسة على القوافل... حيث لا تنشلات شي قافلة برانية  ما يبقا حد يعتب بلادنا
ذهبية: كلام صاحبك عجبني أ الباهي.. حتال ايمتى عاد كنتي غادي تعرفنا بيه.. و بحال هادو للي نبغيك ترافك
ناصر: من حسبك ألالة ذهبية رآه سي الباهي للي ورا هادشي كامل باش يخدمّ  الشبان  .. وهكا غادين تكسبو محبة الناس الالة
اليزيد: هادي كرامة مللي الباهي رجع يفكر فمصلحة البلاد.. هكا نبغيك.. وهاد صاحبك ما تفرطشاي فيه.. ظاهر ليا غادي نتنفعو من وراه

بقات ذهبية كتشوف فناصر وكتمعن و الباهي فرحان مللي السلطان رجع يتيق فيه و عند راسو ناصر داير هدشي محبة ليه
ناصر مللي قال للسلطان القوافل قبل ما دخل للبلاد خاصها تخلص.. يعني ولابدّا خاص الحدود يكون فيه مخازنية حاضيينها وهكا ولا مستحيل على الباهي ينشل شي قافلة حيت غاتولي العسة كثيرة وهنا غادي ينساو عليهم الهادي شوية من التهم للي تاهمينو باطل و يخواو مخازن الباهي من الغنايم المسروقة
وحتى مللي ذكر السلاح رآه بغا باش يمهد للباهي باش يتقلب على اليزيد حيت مادام هو للي قايد الجيش غاتولي الداخلة والخارجة على يديه و حس بيه ناصر طامع فالحكام يعني غا يبدا يخبي السلاح باش ينقالب على السلطان
يعني ناصر شعل فتيلة الفتنة بشوية بشوية و باقي ما شافو منو والو...

#يتبع