🏹سهم الغرام 🏹
بقلم:راضية عابل ✍️
✨الجزء36✨
الباهي: (طلق السيف من يديه و تحنا على ركابيه وهو شاد فيديها) كيفاش.. ما يمكنش.. كنت غادي نقتلك بيديا أ نورية... أش داك لهاد الطريق.. أش وصلك لهادشي
نورية: باقي عندك الوجه تشوف فعينيا وتهضر أ عيفة الرجال...باغي تغضر بالسلطان للي رباك ودار فيك خير بلحق ولد الحرام كايعمل بأصلو
الباهي: (ما رضاش بكلامها ليه قدام رجالو.... هز حاجبو فيها وهو مخنزر) ما تخلينيش نمد يدي عليك أ نورية وزني كلامك كيفاش ولد الحرام.. رآه حيت كنبغيك مازال مراعي
نورية: لا مراعي تبارك الله.. أخير مرة تنطق سميتي على فمك... باغي ترزيني فبا... جالس تكوش فالسلاح باش تنقالب عليه و تصفيه و كاتقولي كنبغيك... شمن بغو هادا للي يخليك تحرمني من با واش عاد طامع مزال غانصد جيهتك... و مالي كذبت سير سول مك منين لقطاتك أ الشياطة... ونزيدك أنا كانبغي سيدك وكيبغيني و عمرك تحلم غادي نكون ليك ولا تقيس شعرة مني... غير فوت عليك جرتي
الباهي: (زير بيديه عليها فوجها).. شتي فحلمك وعمرك غادا تزوجي غيري ابنت اليازيد... واخة ظفري الشيب كيما كاتقولي للناس عمر ولد المرا ما يقرب جيهتك....
طلعات معاه برجليها وبغات تهرب وهو يشدها من شعرها وبقا جارها وهو صاعر وعروقو بارزين كايزدحو و عقلو خارج
الباهي: نتي للي بغيتي هادشي أ نورية نتيييييي.... ما بغيتيش دخلي بخاطرك عروسة لداري غادي ناخد منك للي بغيت بزز فوكر من وكاري...و نهرس ليك هاد هزان النيف للي فيك... غادي نخليك طلبي الموت وما تلقايهاش
واحد من رجالها كان كلو مجروح ولاكن باقي عايش ركب على عودو و قصد القصر
وفالطريق من زهرو تلاقا بناصر للي كان قاصد الهادي... وقفو وقاليه
****: سي الطاهر عتق لالة نورية رآه الباهي جرها لغابة وناوي يصفيها ليها... أنا عارفك ماشي بحالو واخة صاحبك.. لحكها قبل لا يتكرفص عليها
مشى بحال الحمق قاصد الغابة وهو خايف على نورية ليجرا بيها ما جرا لغيثة... لاجينا نشوفو غانلقاوه تحركات شي حاجة عندو من جيهتها.. ولكن هو ماباغيش يسلم راسو للعشق تاني.. ناصر كان ناوي يخليها تبغيه غير باش ياخدها للباهي ويرميها من بعد المهم يحرق قلب الباهي عليها.. ساعة قلبو لي غايتحرق من جديد..
كان خوفو عليها ولهفتو باش يعتقها كايبينو حاجة وحدة بللي رآه فعلا ولا كيبغيها ولاكن ما مستوعبش
وصل للغابة وما عرف لاين يعطي بالراس حتى بانو ليه رجال الباهي جايين... حيت الباهي مللي دخّل نورية لخيمتو وناوي على الشر أمرهم يرجعو بحالهم
تقاتل معاهم ناصر و صفاها ليهم واحد بواحد.. واخة الحمية كا تغلب السبع...ربي ورضاة الوالدين وقفو معاه.. وصل للخيمة وجراحو كاتفرفر.. لقا الباهي لايح نورية فالارض ومقطع ليها لباسها.. و هي كادفع فيه.. و تعاير.. . وهو يتلاح عليه بحال الذيب بعدو عليها
الباهي: خليك بعيد أالطاهر من هادشي بلامة تخسر رفاكتي.. خليني نربيها.. نوريها تخليني مجرجر وراها سنين و دابة تقول ليا كاتبغي غيري... أش فيه و ما فياش... خرج أ الطاهر... تشوف واش دابة باقي غايقبل عليها شي حد
ناصر: بعد منها الباهي حسن ما نتعايبو... بعد بخاطرك(دفعو حتى طاح و شد من يد نورية دارها وراه)
الباهي: شفتك تجرأتي عليا ياكما نسيتي راسك... راك غير فقيه درت فيه خير دخلتو لقصري ورديتو من العيان.. راه ندفنك هنا وما يجيب ليك حد الخبار.. جبد سيفو كيهدد فيه وبداو مقاتلين..
..... يتبع.....
أنت تقرأ
سهم الغرام
Tiểu thuyết Lịch sửفراشي النوم جفاه و طابو جناب الليالي حتى طرزتي معاني العشق فظلام ديجاني
