🏹سهم الغرام🏹
بقلم :راضية عابل ✍️
✨الجزء39✨
قربات نورية للخيمة يالله غادا تعيط باش تدخل وهي تسمع الهادي كيهضر.. رجعات بخطاويها اللور باش تخليهم فراحتهم حتى يساليو كلامهم وهي تسمعو كيقول
الهادي: ناصر نورية ماعندها حتى ذنب تأديها... قلبها بيض مع الناس كاملين و شوفاتها ليك صافيين .. وكتبغيك من نيتها.. فتح أ صاحبي قلبك حتى نتا ونسا الماضي..وعيش للي جاي من حياتك والباهي رآه غادي نربيوه على ما دار فينا بجوج ولايني هيا ما تبقاش مطمعها
ناصر: كيفاش نسى الماضي... و باها لي حرم با من الجاه ومن باه بسباب الطمع... كيفاش نرحمهم و ذهبية و ولدها قتلو با و مي و قتلو صاحبي و قتلو ليا مراتي نهار عرسنا وهي باقة ما شافت والو فالدنيا... هاديك شنو ذنبها..
الهادي:هانتا قلتيها... كلهم ليهم يد ولايني هي ما أداتك بحتى حاجة.. ياك حلفتي تاخدها للباهي وخديتيها.. دابا يا تفرق معاها يا دير حل
نورية ما عرفات تدخل ولا شنو دير هبطو دموعها بلاما تشعر مشات كتجري ركبات على عود و بقات غادا فالمجهول
الهادي؛ ناصر جاوبني واش كتبغيها ولا لا
ناصر: اه... ااااه كنبغيها....كنعشقها.. و حبها خلاني نسا لاش أنا هنا... غرامها خلاني ضعيف... مابقيتش عارف شنو ندير... رآه منقدرش نخليها ورا هادشي كامل... ما نقدرش نشوفها مقلقة بسبابي... بغيت نصارحها وما عرفتش كي ندير... تلفت ودارت بيا الدنيا.. ما بغيتش نخسرها أ صاحبي
عنقو الهادي وقاليه غير تهدن كلشي غادي يرجع مزيان سير عندها وعاود ليها كلشي وهي غاتفهمك وتحس بيك مللي غادا تعرف لاش وصلتي لهاد المواصل
وردية: ( دخلات علهم بلهفة) شنو درتو ل لالة نورية خلاها هزات عودها وطجات
الهادي : كيفاش
ناصر: غادا تكون سمعات هضرتنا أ الهادي
(تجمعو رجال الهادي كلهم وخرجو يقلبو عليها.. ناصر شد طريق القصر ويا ريتو ما دار هاد الغلاط.. حيت من الهبال تقصد عرين الذياب ونتا بلا حمية بلا سلاح
غير شمو ريحتو فجوايه القصر تلاحو عليه كيف الشتا قاومهم ولكن بلا فايدة.. كتفوه ولاحوه مسلسل قدام رجلين الباهي)
.... يتبع....
أنت تقرأ
سهم الغرام
Fiksi Sejarahفراشي النوم جفاه و طابو جناب الليالي حتى طرزتي معاني العشق فظلام ديجاني
