يَ سعُود : قُل لِرِيمَ المَكَاحِيل تِعِز عَزّهَا

٢ يَ سعُود : قُل لِرِيمَ المَكَاحِيل تِعِز عَزّهَا

نرجع شوي ليوم ملكة ريم ...
كانت بغرفتها لابسة فستان ناعم خفيف مشاعرها ما بين الفرح والحزن ما بين المبادرة والصد تبادر لإيش وتصد عن ايش ما تعرف من لخبطة مشاعرها ما تعرف وش تسوي بهاليوم ما عندها أخت يعلمها ولا أم توجهها ...

وقفت وهي تشوف صديقتها الوحيدة من المتوسط الوحيدة اللي ممكن تقول عنها إن هي أمها وأبوها أختها وأخوها صديقتها ودنيتها وقفت وهي تناظر نهال اللي أقبلت عليها بابتسامة بفستانها البنفسجي وهي تضم ريم وما أن شعرت ريم بأنها باحضان امانها حست بخدودها تحترق قالت وهي تصيح: خفت ما تجين واكون لوحدي...
نهال: ما تركتك بأسوأ حالاتك تبين اتركك بهالمناسبة اللي يشهد عليها التاريخ ريم اللي كل الشلة اتفقت إنها بتتزوج آخر واحدة فينا تتزوج أولنا؟؟ وبعدين وشهالجمال ترا أنا اذوبب خفي علينا شوي عريسك بيذوبب ...
ريم: كني بتزوج برضاي إلا كيفهم هم ما بيجون؟
نهال: ما أظن كلهم اعتذروا يقولون ان الملكة عائلية ونستحي نروح...
اومأت ريم رأسها وقالت: ولو عائلية انتو مو عيلتي؟؟...
نهال: ما عرفت وش اقول لهم بس يسلمون عليك ويباركون لك...
ابتسمت بحزن وهي تشوف بنتين أقبلوا عليها سلمت عليهم بهدوء وعرفت إنهم أخواته بعدها جات ابتسام وبيدها الكتاب وبتمخطر: أبوك يقول وقعي...
ناظرتها ريم بهدوء ما عرفت تحتقرها ولا تحقد عليها كانت لابسة فستان أقل ما يقال عنه جلابية ما استغربت تصرفها لأنها متأكدة إنها مو فرحانة بهاليوم أخذت القلم ما تعرف كيف حافظت على هدوءها وما انهارت رغم إن الرجفة باينة على يدها وقعت بعد ما سمت بالله وبعدها زفوها ببساطة ودخلت مع أبوها للمجلس...

ما تجرأت ترفع رأسها مضت ربع ساعة وولا واحد منهم بادر شافته يطلع بهدوء رفعت رأسها وشافت ظهره وهو يقفل الباب تنهدت وهي تمسح دمعتها وبداخلها كلام كثير هذه البداية الله يستر ...

صحت من أفكارها على طق الباب فتحت وشافت ابتسام قالت: هلا...
ابتسام وهي تلف تعطيها ظهرها: ولا شئ بس بشوف لو عايشة ولا ميتة قومي جهزي العشاء أبوك دقايق وبيجي ولا اعرستي ونسيتي إنك مكانك المطبخ؟؟
غمضت عيونها ما يفيد العصبية بهالوقت كل اللي تحمد ربها عليه إنها بتفتك من هالعذاب وهي خايفة وش بيصير لو دخلت في عذاب أكبر مع اللي اسمه زوجها؟؟ ...

ابتسمت بخفة وهي تتوجه للمطبخ بعد ما استوعبت إنها ما تعرف اسمه حتى بدأت تشتغل وهي تشوف الشغالة تناظرها بشفقة ما اهتمت لأن هذا وضعها رغم وجود شغالة ببيتهم إلا إن ريم وهي بنته تشتغل أكثر من الشغالة خلصت العشاء عالسريع وقالت للشغالة تنظف المطبخ وهي تدري إنها بتتهزأ لأنه باعتقاد ابتسام إنه ما يحق لأحد يأمر الشغالة الا هي ....

~~~ بيت جاسم (أبو عزيز) ~~~
رهف: كلولولولولوللوشششش الف الصلاة والسلام عليك ي حبيب الله محمددد كلولولولولولولوششش (وبصوت شبه عالي) فكةةةةةةةةةة كلها شهرين......
أم عزيز: اقول انطمي ياللي ما تستحين تصارخين وتقولين هالكلام لأخوكك...
رهف وهي تدور: بنفتك منه يمه هو ومصايبه اللي ما تنتهيي وأخيراً أخونا الوحيد بيعرسس...
عزيز كان يناظرهم ساكتت...
منال: انتي شعليك بالولد يتزوج ويتهنى والله عاد تدرين خقة زوجة اخوك وش جمال وش اخلاق وش هدوء نسخة اخوك بالضبط....
رهف:احلفي بيكون ببيتنا نسخة ثانية من نفسيته؟؟
منال: ومن قال ببيتكم حبيبتي اكيد بيسكن ببيته مع زوجته وش يبي بوجهك انتي كل صباح ما يكفي صريخك اللي يسد النفس؟
رهف وهي تمد بوزها: زعلتت...
ناظرها عزيز بطرف عينه وقال: انا طالع يمه تبين شئ؟
أم عزيز وهي تتنهد: تعال بكلمك...
عزيز: يمه تكلمنا والموضوع انتي أنهيتيه قفلي السالفة...
رهف: يخي انت شفيك عالبنت والله حلوة صورها تجنن...
ناظرها عزيز بحدة ورجع نظره لأمه وقال: أنا قايل لكم من البداية مو موافق عليها مو من زينها وانتو اكثر ناس تدرون اني احب نجلاء وما اتوقع يحتاج شرح...
أم عزيز: شوف ي عزيز انت ولدي واحبك بس نجلاء هذه انساها انت بتتزوج لا تظلم بنت الناس معاك ولو ما تبيها بيأخذها اللي ارجل منكك...
ما شاف نفسه الا وهو مكسر طاولة الزجاج اللي بالصالة وقال بصوت عالي: يمه انا بعيونك مو رجالل؟؟؟...
ام عزيز بغضب: لو هذه حركاتك فانت مو رجال وهذا انا امك واقولها ولا ترفع صوتككك....