يَ سعُود : قُل لِرِيمَ المَكَاحِيل تِعِز عَزّهَا

٣٣ يَ سعُود : قُل لِرِيمَ المَكَاحِيل تِعِز عَزّهَا

مرت الأيام وكلٍ انشغل بحياته ورجعت ريم لحياتها الطبيعي بعد ما تعافت شوي وخرجت من المستشفى لكن لسوء حظها اضطرت تبقى على كرسي متحرك لكم اسبوع لين تشفى الجروح بشكل كامل وترجع تمشي من جديد وبهالفترة تذكرت لما صحت من الغيبوبة وجلست بالكرسي المتحرك لأول مرة وحست بغرابة انها ما تمشي نفس الشعور رجع لها لكن هوّن عليها وجود امها وأخواتها معاها اللي ما خلوها تحس بالوحدة ودايم يسولفون معاها ويسلوها ...

~~~~ بيت جاسم ~~~~
كان سعود يلعب بالحديقة لوحده والمربية جالسة بالكرسي ومشغولة بالجوال ومركبة سماعات سمع فجأة صوت قطوة جاية ناحية الزرع قام بشويش وتوجه للزرع بما انهم رجعو للفيلا اللي احتُجزت اوقات الأزمة اللي عانت منها الشركة ...

توجه للصوت وكل ما يقرب للزرع يزداد الصوت قرب اكثر وشاف بين الزرع قطوة عالقة بين الزرع وخايفة خاف هو يقرب لها بس حزن عليها لما شاف انها بتنجرح قرب بيفك الزرع من عندها وأول ما فك الغصن الا والقطوة تنقز من الخوف لحتى تهرب واللي ادى انه يطيح على يده وينجرح آلمه الموضوع وبدأ يبكي وهو يتعور ...

قام وخاف يتوجه للمربية او جدته لأنه عارف انهم بيهاوشونه لما يعرفو بس ما عنده احد فتوجه للمربية وهو يبكي وهي لما شافته يبكي عصبت وقالت: انتا في يبكي ليش؟؟؟
مد لها يده وعصبت زيادة لما زاد بكاءه ومسكته وضغطت على يده وقالت ( عربي مكسر): انتا يبكي يتعور زيادة...
ناظرها وهو يتألم لأنها مسكت يده بقوة وهو متألم من الجرح زاد بكاءه اكثر وهنا ضربت يده مكان الجرح وقالت: انتا لو في بكا مو يعور زيادة؟...

سكت وهو يتعور لأنه يدري لو زاد بكاءه بتزيد من ضربها مسكته بقوة وشدته معاها وهو مو عارف يسابق خطواتها مشى وراها ركض لأنها مسرعة بخطواتها ودخلته بالصالة وجابت له ثلج وحطته عالجرح آلمه الموضوع بس تحمل لأنه تعود كل من هب يضربه بهالبيت مأخذينه آلة للتنفيس عن غضبهم مدت له الثلج وأشرت ليده إنه يحطها بنفسه ...

مسك الثلج واول ما قامت شالها من أيده وهو ينفخ عليها شوي شوي ويتعور ويبكي بصمت شافها راجعة ورجع الثلج بسرعة ليده اما هي فحطت له الدوا على يده وتركته زي ما هو وقالت: انت يبقا هنا ما في يلعب مرة ثاني ...

ناظرها وعيونه مليانة دموع وأول ما طلعت قام بسرعة وركض لفوق على غرفة ابوه اللي ما يطلع الا لو بيروح الشركة ولا بيقابل احد دق الباب ودخل وهو يبكي وشافه عزيز وعقد حواجبه وقال: اطلع برا لا تزعجني...
وقف سعود معند وكرر عزيز كلامه قال سعود وهو يبكي: ابي ماما...
ناظره عزيز بغضب وقال: امك ميتة ي سعود انقلع عن وجهي لا اسطرك اطلع برا...
زاد بكاه وقال: ابي ماما....
مسكه عزيز من يده بقوة وطلعه برا الغرفة وقال: لا عاد ترجع ما صارت كل يوم تبي امك اذبحك يعني تروح لها؟؟؟؟...

نادا على مربيته وجات وهي تتمخطر بدلع يغث وقال: شيليه من عندي لا اشوفه مرة ثاني...
قالت المربية بدلع: حاضر سير....