يَ سعُود : قُل لِرِيمَ المَكَاحِيل تِعِز عَزّهَا

١٩ يَ سعُود : قُل لِرِيمَ المَكَاحِيل تِعِز عَزّهَا

مرت الأسبوعين بأسرع ما يمكن وجا موعد ملكة عزيز ونجلاء اللي كانت طايرة فرح اما عزيز فكان ضايق خلقه ولا يبغى يسوي شئ لكن بما إنه الملكة عائلي فقال يعجل ووقع ودخل عليها وسوا اللي عليه وقعد عندها نص ساعة بس بعده خرج من عندها وسحب على الدنيا وما فيها وراح للشاطئ ...

رهف: هيوف اللي تزاعلوا امي وامك شفيكم انتي وياها مكشرين؟؟؟
هيفاء: يعني ولو...
منال: هيا وشفيكم ترا بنصالحهم لكن لازم تكونون معانا احنا متعاهدين اننا مع بعض بكل شئ الحين بسبب زعل سخيف تخربون صداقة سنين وتقطعون رحم؟؟
منى: يعني بالله اللي صار عجبك انتي وياها شوفي ماما وامك اللي دايم بالمناسبات مع بعض الحين كل واحدة بجهة....
رهف: يعني ما تفكرون تصالحونهم زينا بالله؟؟؟

هيفاء بحماس: شرأيكم نخليهم يروحون مطعم ويتصالحون هناك؟؟؟
رهف: ونعم الفكرة بس مطعم ليش بنكون متعشيين هنا....
منال: طيب شرأيكم نروح الشاطئ وعلى آذان الفجر نرجع ونصالحهم؟؟
منى: حلو كذا اجل كلمو خالي وبنكلم علي يأخذنا...
رهف: تمام...

وكل البنات استلموا أمهاتهم من بين الحوسة واقنعوهم بصعوبة ورضوا فعلاً والبنات تحمسوا للفكرة وبعد ما خلصت الملكة زي ما اتفقوا راحو للشاطئ وبما انه الجو ليل فكان المنظر مرة حلو لكن البحر مو باين ...

رهف بهمس: يمه مو ناوية تتصالحين مع خالة وفاء؟؟
أم عزيز: اسكتي واذلفي من وجهي...

هيفاء: يمه تكفين انتو اخوات بتقطعون بعض عشان سالفة ما تسوى؟؟؟
وفاء: هيوف اذلفي لا اصفقك الحين؟؟؟
منى: يمه وهي الصادقة هذه اختك ما يصير...
وفاء: وليه ان شاء الله جايبيني هنا؟؟
هيفاء: يمه شوفي حتى بنات خالتي يحاولون فيها هيا يمه تصالحوا واللي يجي خير من الله...

تنهدت وفاء وسكتت أما أم عزيز فاقتنعت لما قالت لها منال: يمه لا تخلي الشيطان يفرق بينكم ويقطع صلتكم هذه اختك الصغيرة اللي شافتك امها لا تخليها زعلانة الحين وهي طول عمرها أخذتك مكانة امها...

اجتمعوا البنات وخلوا الأختين يتصالحون وفعلاً رجع الوضع طبيعي ولا كأن شئ حصل وكلهم فرحانين وعلي وأبو عزيز يراقبونهم وفرحانين لصلحهم سمعوا آذان الفجر ورجعوا البيت تعبانين ومتكسرين صلوا وكل واحد أخذها نومة عميقة ....

تحدد موعد الزواج بعد ست شهور ونجلاء طايرة للسماء من السعادة هي وأمها أما عزيز لا زال متأمل أن ريم تصحى من غيبوبتها ...

وفاء كل ليلة بصلاتها تدعي الله بحرقة قلب أم ان الله يشفي بنتها ...

أما الباقيين فانشغلوا بحياتهم معاهم عزيز اللي بدأ يجهز لزواجه وهو مو راضي تماماً ....

لما يمر يومك بدون شخص كان كل يومك هنا تحس بأهميته بحياتك فلا تستهين بمحبوبك وقت وجوده لأنه الزمن بيستهين فيك بغيابه ...