يَ سعُود : قُل لِرِيمَ المَكَاحِيل تِعِز عَزّهَا

١٨ يَ سعُود : قُل لِرِيمَ المَكَاحِيل تِعِز عَزّهَا

صراخ منه وصراخ منها لين ضربها كف طيحها عالأرض وقال بعصبية: تطلعين وغصب عنك وعن اللي جابوك...

وطلع برا البيت وهو معصب وبركان ثاير وتركها في مكانها تبكي من الصدمة وحاطة يدها على خدها دخلت عليها راني وقومتها بشويش وخلتها تجلس عالكرسي وجابت لها ثلج وحطته لها على خدها اللي صار أحمر كأنه ينزف من قوة الكف وهي لا حول لها ولا قوة ...

طلع من البيت وهو منهبل من العصبية مو شايف قدامه ركب سيارته ودق على علي وقال له تعال على الشاطئ وكلها دقايق ووصل وبعده وصل علي وشافه معصب ...

علي: هيي سلام شفيك قالب وجهك أسود؟
عزيز: تكفى لا تنكت انا بنهبل من هالبنت...
علي وهو خايف داخلياً: ليه شسوت لك عسى ما شر؟؟..
عزيز: يخي هذه صارت طويلة لسان صارت نفسية مجنونة لا تطاق مدري كيف الواحد يبلعها بحالها هذه كأنها جنية....
علي: اصبر عليها وبتتحسن...
عزيز: كيف اصبر عليها وهي كذا كيف كل ما قلت شئ ردت علي بأقوى لا وتطول لسانها وترفع صوتها بعد شتبغاني اسوي لها حتى الكف ما يسكتها...

علي وهو بدأ يعصب: اي وش عليك انت حاول تهدأ انت شايف نفسيتها ذي الفترة كيف تعبانة طبيعي انها تعصب وتبدي ردات فعل قوية حاول تصبر عليها انت خرجها وغير لها جو وخلها تضحك ومع الأيام بترجع طبيعية صدقني...
عزيز: كيف هي نفسها ما تطيقني ولا تبغى وجودي معاها بالبيت...
علي: اجل وش بتسوي بنجلاء وانت كذا حالك لا تنسى ان ملكتك بعد اسبوعين ولازم تجهز له ما تدري تراكض ورا زوجتك الأولى ولا زواجك الثاني؟؟؟؟

عزيز وهو يتنهد: شسوي يخي مو بيدي المشكلة بعدت الملكة قد ما اقدر واقصى حد كنت احسبه شهر وشكل عرسي بيعدي وانا اعاني مع هذه المجنونة...
علي: استهدي بالله ولا عاد تسبها انت كذا تزود المشاكل بينكم...
عزيز: تخيل حاولت تخنقني وتذبحني وشفت بعيونها شر الله لا يوريك كأنها حاقدة علي مو من قلب بس الا من عقل بعد تناظرني كأني جني قدامها...

علي: لا حول ولا قوة الا بالله مرة واحدة تخنقك وهي حرمة قدرت عليك؟؟؟؟
ناظره عزيز بطرف عين: شقصدك ترا اشك انها مسحورة ولا ملبوسة من الشكل اللي هي فيه لما جبت طاري الشيخ والقراية سوت سالفة وصلت بيننا للطق...
علي: وليه رفضت؟
عزيز: تقول انها تعبانة وانا شايفها تناقز وتصارخ وتهاوش وطبيعية ما فيها شئ بس يوم جبت طاري الشيخ فصلت علي وكأني قايل لها جني بيجيك....
علي: وانت شفيك على الجني ماسك عليه شئ؟؟؟
عزيز: وهو في اسوأ من الجني عشان اشبهها فيه؟؟؟
علي وهو يضحك: يخي زوجتك حرام عليك المسكينة ما تدري تعاني من تعبها ولا منك ههههه....
عزيز: مرة يضحك انت وشكلك لو انك مكاني تذبحها مو بس تضربها...

علي " اه بس ي ولد الخالة ياليتني مكانك واحتوي اختي بحضني واطمنها وأقول باقي وراك سند ي خيتي " قال: تعوذ من الشيطان ولا تحتك فيها كثير واكتسب فيها اجر ما وراك شئ وانا قايم اشغل نفسك بالدوام وما عليك....
عزيز بسخرية: الله يسعدك ي شيخ وش انا بدونك؟؟؟
علي: لا تبالغ هههههه...
ضحكوا مع بعض وعزيز يحس ان روحه انتعشت بوجود ولد خالته ...