يَ سعُود : قُل لِرِيمَ المَكَاحِيل تِعِز عَزّهَا

١٤ يَ سعُود : قُل لِرِيمَ المَكَاحِيل تِعِز عَزّهَا

علي: سم..
عزيز: ما فكرت تصارحها؟
علي: ما اتوقع رح تتقبل الموضوع بعد كل هالسنين والوالدة رافضة...
عزيز: طيب زوجها؟
علي: هذا الداهية ما اتوقع رح يتكتم عالموضوع...

كان علي يتألم من الشعور اللي جاه مو عارف يفسر هو ضيق ولا قهر ولا زعل ولا عتاب لكن عرف انه ما فيه أمل يخلي ولد خالته وأخته يتصالحون ويعيشون حياة سعيدة لكنه محتار شيسوي ما يعرف كيف يتصرف ما يعرف وش يقول او لمن يقول؟؟ ...

كان بيقول الداهية انه زوجها يبي يتزوج عليها يبي يشكي لصاحب عمره لكن اللي يألم لما الألم يجي من اللي متعود تشكي له ألمك ...

تنهد ولف بوجهه ورجع يتأمل الشاطئ وغرق ببحر افكاره من جديد ....

~~~~~ بيت عزيز ~~~~~
دخل البيت بعد صلاة العشاء ولقاها بالمطبخ تسوي العشاء طلع غرفته ودق عليها ووصله صوتها اللي تقول: واضح زوجتك لاهيتك عني؟؟
عزيز: المفروض نخفف كلام عشان لا تزوجنا يزيد شوقنا لبعض مو كذا؟
نجلاء: هو صحيح كلامك بس تقطع عني حتى رسايلي تشوف وما ترد هذا وش تسميه؟؟؟
عزيز: طيب ي الزعولة ي جعلني فديتك اناا قولي كيفك انتي؟؟
نجلاء بدلع يخالطه زعل: بخير بدونك...
عزيز: افا ما حترضين؟
نجلاء بدلع: انت ما عدت تحبني زي اول بس ما تبي تكلمني...
عزيز: ومن قال هالكلام لو ما احبك دقيت عليك انا الحين؟
نجلاء: طيب خلاص تحبني تعشيت؟
عزيز: لا باقي يسوون العشاء انتي تعشيتي؟
نجلاء: يب الحمدلله وكنت جايه بنام بس انت دقيت...
عزيز: احبك جعله بالعافية على قلبك ي قلبي انتي...
نجلاء: يعافيك ربي وانا أموت فيك...

سمع طق بالباب وقال لها بصوت واطي: بكلمك بعدين هذه هي تناديني للعشاء...
نجلاء: عوافي...
وقطع الاتصال وقال بصوت عالي: تفضل..

دخلت ريم وهي رافعة حاجب وقالت بدون مقدمات: تحبها أجل؟؟
انصدم عزيز من اللي قالته وقال: شتقولين انتي...
ريم: لاتنكر ما عندك فرصة سمعتك توه تقول لها احبك ولابتنكر؟؟
عزيز: ريم اطلعي برا...

ريم وبكل هدوء قربت منه شوي وقالت وهي تناظره: بسألك سؤال واحد بس ليه تزوجتني وانت تحب؟؟
ما رد عزيز وجلس يناظرها وقالت هي: ليه ظلمتني معاك وانت بقلبك واحدة ثانية...
وحطت اصبعها على صدره وقالت: لو هذا مو لي ليه تزوجتني وخليتني زوجة باسم وبس ليه ما اخذتها هي من البداية وتهنيتوا مع بعض كان يمديني ادعي لكم واقول الله يهنيكم لكن انت ما تركت لي فرصة ي عزيز عسى الله يأخذ حقي منكم ولا يخليكم تذوقون طعم الهنا...

ولفت بتخرج لكنه مسك يدها بقوة وقال بصوت ضعيف لكنه يكابر ويتصنع العصبية: استغفري ي ريم استغفري...
قالت ريم وهي تحاول تفلت يدها اللي ماسكها بقوة وقالت: وزود عن هذا الله يذبحها زي ما ذبحت قلبي...

وفلتت يدها منه بقوة وخرجت دخلت غرفتها انسدت نفسها عن الاكل جلست عالسرير هي تدري انها تهورت بتصرفها لكن قهرها تصرفه حرق قلبها يكلمها وبنص بيتها بعد ليه طيب هي راضية كلمها وحبها وسوي فيها اللي تبغى لكن انك تكلمها وتقول لها الكلام اللي ما تقوله لزوجتك هذا ما ترضى عليه ....