يَ سعُود : قُل لِرِيمَ المَكَاحِيل تِعِز عَزّهَا

٣ يَ سعُود : قُل لِرِيمَ المَكَاحِيل تِعِز عَزّهَا

~~~~ بالصالة ~~~~
لما طلع عزيز جلست أمه عالكنب بتعب وهي ماسكة رأسها وقالت: ي ويلي على هالولد من هالبنت اللي ساحرته ما بقت فيه مخ...
منال: اهدي يمه لا يرتفع ضغطك لا تأكلي همه مع الأيام بينسى نجلاء وطيفها بعد ما يعيش مع ريم....
رهف: ي ان اللي اخترتوها ونعم الاختيار ما عرفت ذوقكم حلو كذا...
ناظرتها منال بنظرة تحذير وما لقت الا من غبار رهف اللي ركضت لغرفتها وهي رجعت تهدي بأمها ....
~~~~ غرفة ريم ~~~~
كان بيدها صورة أمها اللي مخبيته عن أبوها وزوجته لأن ابوها لو يدري ان في شئ يخص امها موجود بالبيت بيذبحها وما بيخلي لها أثر ...

كانت تبكي بشكل يقطع القلب وهي تقول بنفسها " يمه ليه تركتيني يمه ليه خليتيني بينهم يمه شوفي بنتك بتصير عروس وانتي مو معاها يمه شوفي بنتك بكرة بتصير ام وانتي باقي ما جيتي وينك يمه ارجعي تكفين يمه عشاني يمه ارجعي محتاجتك يمه محد يحس فيني يمه الخبيثة قلبت بابا علي وخلته يزوجني غصب ويحرمني من الجامعة كل صحباتي كملوا دراسة الا انا يمه تكفين ارجعي يمه " ....
استمرت تبكي وهي تشاهق وطبعاً محد سامعها لأن ابوها وزوجته نايمين والساعة 2:46 ومحد صاحي بذا الوقت يسمعها ....

قضت ريم شهر وهي من مشكلة لمشكلة مع زوجة ابوها كل ما شرت شئ زوجة ابوها قالت تصرف فلوس عالفاضي ما تحتاج كل ما بغت شئ قالت غالي ما تحتاج لين طفشت من الوضع لين ما راحت زوجة ابوها لأهلها زيارة وما بترجع الا بعد يومين ...

طقت الباب وقالت: يبه عادي ادخل؟...
محمد: ادخلي...
دخلت وجلست قدامه عالأرض على ركبها هو كان عالسرير جالس وقالت: يبه عادي اطلبك طلب...
محمد: قولي شعندك واخلصي..
ريم: يبه بروح المول ناقصني كم غرض...
محمد: مو فاضي لك روحي بأجرة...
ريم: بس يبـ....
محمد: قلت لك مو فاضي ولا اشوف وجهك قدامي روحي مع من تبين واذلفي...
ريم: بس انا محتاجة فلوس...
قام محمد وصفقها كف وراح لثوبه طلع منه 2000 رماه عليها وقال: انقلعي والله لو اشوفك مرة ثاني ما تشوفين خير...
خرجت وهي تقول بداخلها " وهو شفت منك خير يبه من يوم راحت امي وأنا ما شفت الا شرّك الله يهديك " ...
لبست عبايتها ودقت على نهال صديقتها الروح بالروح وطلبت منها تروح معها لكن نهال تعذرت بحكم إن عندها محاضرات لكن قالت لها برسل لك السواق وفعلاً رسلت سواقها وريم خرجت وكملت الباقي من أغراضها وهي طالعة صادفت شلة شباب صدمت بواحد منهم وطاح منها كيس بها أغراض ناظرته باحتقار ونزلت رأسها تشيل الكيس اللي طاح منها لكن الشاب نزل لمستواها وقال: ي حلوة على وين؟..
ما ردت ولا عبرته وهو عاد الكلام لكن ما ردت عليه فمد يده يمسك يدها لكنها سحبته وقامت بسرعة ومشيت تجاه السيارة صادفت بطريقها بنتين كانوا جالسين ناظرت وراها وهي خايفة ومرعوبة خصوصي انها لوحدها محد معها وناظرت البنتين اللي مشغولات يسولفون جلست جنبهم بالكرسي وقالت بتردد وخوف واضح: جيتكم شوفوا شجبت معاي...
ناظروها باستغراب وناظرت ريم وراها ورجعت ناظرتهم كأنها تترجاهم يساعدونها لكن هم ما فهموها وقالوا: شتقولين؟
ريم بهمس: تكفون ساعدوني * قالت بصوت شوي مرتفع عشان تبين ان الوضع عادي * شريت أشياء بتعجبكم شوفوا مدت لهم الكيس واحدة منهم قالت بصوت عالي: علوششش...
جاهم واحد شكله كنه بالعشرينات ملامحه حادة ورجولية معضل وبنيته كبيرة وقال: شعندك؟....
قالت البنت وهي تناظر الشباب اللي واقفين ورا ريم: شوفهم يضايقونا...
وأشرت له عليهم وهو أول ما شافه حط رجله وهج رجع الشاب وقال: منى شتقولين انتي؟؟
منى: بعدين افهمككك روح الحين...
علي وهو يناظر للي جنبهم: ابشري...
وانصرف لفت منى لريم وقالت: من انتي وليه لوحدك محد معاك ووش هذا؟...
واشرت للكيس وتنهدت ريم وقالت: الله يجزاكم الخير ما قصرتوا وشكراً مرة الحين انا مستعجلة مقدر ارد بس ان الله يسعدكم مرة...
قالت الثانية: طيب اعطينا رقمك عالأقل عشان نعرف وش صاير؟..
طقتها على كتفها منى وقالت: هيفوههه يا قليلة الحيا وش هالطلب توك تشوفينها وش هاللقافة؟؟؟...
ناظرتهم ريم وللحظة تمنت يكون عندها خوات صحت على نفسها بسرعة وطلعت من شنطتها نوتة صغيرة وقلم وكتبت رقمها فيه وقالت: كلموني انتو لأن ما عندي رقمكم وبأي وقت ابشروا...
وراحت ومعها الاكياس ودقت على السواق ورجعت للبيت وهي مرعوبةة...

أما منى وهيفاء فقالو لعلي اللي صار وعلي رحمها البنت كان واضح عليها ان ما معاها احد....

احتمال أصير انزل فصلين باليوم ◕‿◕.