يَ سعُود : قُل لِرِيمَ المَكَاحِيل تِعِز عَزّهَا

٤٤ يَ سعُود : قُل لِرِيمَ المَكَاحِيل تِعِز عَزّهَا

كانت جالسة وهي تتأمل نفسها وكل ما تتذكر ضحكته يحمر خدودها وتضحك بخجل كررت الحركة أكثر من مرة وهي تتذكر نظراته لها وملامحه عن قرب ولا كلامه مع أخته صوته وحركاته ولمسته ليدها ولا ريحته اللي آه من حلوها ما تبي تشم غيره ...

اسمك
هذا حكاية ما يحكيها حروفي

وصوتك
ألحان ما لحنها مغني

عيونك
نوادر ما اكتشفها الا قلبي

كلامك
أشعار ما توصفها أشعاري

وشعورك
لذة الدنيا اللي ما شفتها بعيني

جعل ربي يحفظك
ويحفظ كل ما فيك لي .

سمعت صوت رنة الجوال قامت وهي ترد وكانت نهال اللي اتصلت بس عشان تطقطق عليها قالت ريم: اقول بيجي دورك لا والله اوصي علي مخصوص يستلمك لا تطقطقي...

تغيرت نبرة نهال وهي تتذكر اللي صار ...

قبل ملكة ريم بعديوم من شوفة ريم كانت بالمول مع ريم بحكم إنها كانت فاضية فطلبت من ريم يطلعوا يتسوقوا منها تقضي ريم لعرسها وتتسلى شوي ...

هي كانت تنتظرها بالكوفي وتلعب بجوالها رفعت رأسها وهي تحس باللي وقف قدامها ...

تجاهلته ورجعت تطقطق بجوالها لكن اللي خلاها توقف هو صوت الولد اللي جلس قدامها بالطاولة وقال: ي حلو جايه لوحدك هنا؟...

قامت وأخذت شنطتها تبي تطلع لكن اللي وقفها مسكته ليدها نفضت يدها بقرف وقالت: أبعد لأنك ما بتشوف طيب لو قربت...
قال لها الولد بابتسامة مستفزة: تتحدين؟؟..

تنفست بغضب من تحت النقاب وهي تشوف ريم جايه ومعاها واحد خمنت إنه أخوها علي غمضت عيونها بإحراج من الموقف اللي بتحطهم فيه بس ما كان قدامها حل تجاهلت الولد وهي تتوجه لريم لكنه لحقها وهو يقول: طيب رقمك ي حلوة ما يصير تروحي وانتي مأخذة قلبي بلا مقابل...

سلمت على ريم بدون ما تتكلم ولاحظت ريم اللي يلاحقها لكنها تجاهلته بما إن نهال ما أبدت أي رد فعل توجهوا لإحدى الطاولات وكان علي مراقب الموقف وهو من البداية اتجه لإحدى الطاولات لحتى يعطيهم خصوصيتهم لكنه عصب يوم شاف الولد يلحقهم للطاولة ...

جلسوا بالطاولة وريم مقابلها لكن الولد جلس بينهم وقال: ماني رايح لين تعطيني رقمك ي حلوة انتي...

ناظرته ريم بقرف وهي تشوف علي جاي من خلفه وهالشئ خلاها توقف محاولة لمنع حدوث أي مشاكل لكن بدون فايدة لأنها تعرف علي لو عصب ما يخلي الواحد نفس طبع عزيز يوم يعصب وفعلاً ما خاب ظنها يوم مسك الولد وهو يضربه بأقوي ما عنده مسكته ريم بسرعة وهي تقول: علي اهدأ ي علي لا تورط نفسك في مشاكل علوشش مو وقت مشاكل الحين هدي...