خلصت ريم اختباراتها وكانت اكبر فرحة لها هي وصديقاتها انهم خلصوا وجات الاجازة لشهرين ...
جهزت اغراضها وحجزوا للسعودية وكل واحدة متحمسة تقابل أهلها أول ما وصلوا استقبلوهم بالأحضان ريم جاها علي يستقبلها صحيح علاقتهم مو ذاك الزود بس كانت حلوة كأخ وأخته اما ديما وجود فجوهم أهاليهم أباءهم وأخوانهم يستقبلونهم ...
~~~~ بيت وفاء ~~~~
كانت أحلى دخلة لما دخلت ريم لبيتها واستقبلتها وفاء بالأحضان حست ريم بإحساس أن امها تكون جنبها لأول مرة وبكت شوق لها بعدها ضمت خواتها وبكت معاهم مسكها علي وقال: بس بس سويتوها عزا....
هيفاء: والله أختك اللي مسويه لنا عزا وشاركتها البكاء وانا مدري شالسالفة...
ضربتها منى على خفيف وقالت: وش اللي تبكين وانتي ما تدرين حمارة انتي؟؟؟
هيفاء: والله الموقف مؤثر ما قدرت...
ضحكوا كلهم عليها وقالت وفاء: بسوي عزيمة لرجوع ريم الخميس عشان تجهزون...
ريم: مالها داعي....
كانت بتقول يمه بس حست ان الكلمة غريبة عليها من زمان ما نطقتها بس بعدها على طول تداركت نفسها وقالت: ما لها داعي يمه وجودك لوحده كفاية بلا ما تتعبين...
وفاء: تستاهل بنيتي...
هيفاء: ماشاءالله بنيتك تستاهل وولدك يستاهل واحنا على الطير يلي....
وفاء: كلكم بنياتي...
ريم وهي تغمز لهيفاء: بدينا نغار ها؟؟؟
هيفاء: والله عاد مو من زينك بس عشانها مامتنا تستاهل نغار...
ريم وهي تضم وفاء: ما انتو قدامها 24 ساعة طفشت منكم خلها تشبع فيني...
مسحت وفاء على رأسها وقالت: الله لا يحرمني منكم كلكم...
الكل: آمين...
قالت ريم: بطلع فوق اغير وحدّي تعبانة من امس مو نايمة...
هيفاء بغمزة: من الشوقق ها؟...
فهمتها ريم على انها تلمح لعزيز بس قالت: ايه طبيعي اشتاق لمامتي واخوي اما انتو فكل يوم اشوف امثالكم بالشقة 24 ساعة هواش...
هيفاء: قومي نامي بسرعة واصحي ابي احقق معاك مع اللي عايشة معاهم...
ريم: لا بتشوفينهم يوم العزيمة يمه عادي اعزمهم؟
وفاء: ايه اعزميهم...
ريمم وهي تبوس رأس امها وتقوم: من عيوني يمه يلا استأذنكم انا...
منى: اذنك معك...
قالت بعده: ماشاءالله نفسيتها معبية فل فلل....
علي: ايه واضح انها ارتاحت بعد السفر...
هيفاء: يلا عقبالي...
علي: حلم ابليس بالجنة...
هيفاء بشهقة: بدينا تفرقة هي ايه وانا لا ليه؟؟؟
وفاء بضحك: اكبري اول بعدين احلمي ههههههههه....
بعدها جلسوا يضحكون ويسولفون واستأذنهم علي يروح للشركة ....
قامت وفاء ترقد لها شوي واستفردوا البنات بالحش قالت هيفاء: دقي على رهوف سريعع...
دقوا عليها وردت عليهم وهي صوتها مبحوح قالت هيفاء: رهوفف...
رهف: عيونها...
منى: شفيه صوتك انتي؟؟؟
رهف: مزكمة شوي قولوا شعندكم؟؟
هيفاء: ريموه رجعت وجابت معاها سوالف طازةة...
منى بضحك: وش اللي سوالف طازة ي مجنونة ما امداها سولفت باقي ههههه...
هيفاء: يربي ودي اسولف معاها عن البنات اللي هي عايشة معاهم احسهم فلةة...
منى: بتشوفينهم بعد كم يوم...
رهف: الحمدلله على سلامة ريم...
هيفاء: ماما تقول بتسوي عزيمة الخميس ي ويلك ما تجين اصفقك...
رهف: وجلساتكم تتفوت؟؟؟
منى: لا طبعاً لأن بيكون فيها افراد جدد هههههههه....
أنت تقرأ
يَ سعُود : قُل لِرِيمَ المَكَاحِيل تِعِز عَزّهَا
General Fictionوَ مَاذا عَن قَلبٍ عَجِز عَنِ النَّــسيَـــان؟ هَل سَيَقِفُ مَكتُوفَ الأَيدِي بِنَفسِ المَـــــكَـــــان؟ مَاذَا حَدَثَ بَعدَ الحُبِّ لِلإِنـــسَــان؟ أَمَعقُولٌ رَضَخَ لِلْحُــرمَــــان؟ . (أخطو هنا أول خطواتي بطريق الكتابة والطريق وعر لذا أرجو...
