يَ سعُود : قُل لِرِيمَ المَكَاحِيل تِعِز عَزّهَا

٢٠ يَ سعُود : قُل لِرِيمَ المَكَاحِيل تِعِز عَزّهَا

~~~~ بيت عزيز (نجلاء) ~~~~
نجلاء: كيف كشفوك مو المفروض يكون سر ما يقفطك أحد ها؟؟؟
الممرضة: ما سويت شئ غلط ونفذت اللي علي وحولي لي الفلوس والا بفضحك عند زوجك واخو زوجته...

نجلاء: بحول لك بس تتخلصي منها غير كذا انسي سالفة الفلوس...
الممرضة: وانتي تجهزي لورقة طلاقك يا الفلوس ترسلينه يا ترجعين بيت اهلك مطلقة...
نجلاء: بتوصلك الفلوس واذلفي لا عاد يشوفون وجهك عشان لا يذبحونك...

قفلت منها وهي معصبة رمت الجوال بالسرير وجلست فيه وهي تتوعد بالأسوأ ....

~~~~ بيت عزيز (ريم) ~~~~
دخل عزيز وقابلته راني اللي باقي تشتغل وما تخلت عن شغلها بهالسنتين وقال لها تجهز له العشاء طلع لغرفته اللي هي غرفة ريم وغير ملابسه وجلس زي العادة بالسرير وبيده بلوزة انسدح وهو يشم ريحتها ببقاياها اللي تركته لها غرق بعالم ذكراها وهو هايم يفكر متى ترجع صحاه من أفكاره طق على الباب والشغالة اللي تقول: العشاء جاهز بابا عزيز ...

ترك بلوزتها وقام وهو قلبه ينزف نزل للأسفل وجلس يتعشى وهو يذكر طيفها بكل مكان يوم تطبخ له وتنتظره يوم يتجاهلها ويطلع يوم تلف كل المطبخ عشان تطبخ يوم تسوي وصفات جديدة عشان تطور من مهاراتها بالطبخ دمعت عيونه وهو يأكل لقمته افتقد اكلها وافتقد وجودها وحركتها بالبيت ....

" فتحت عيوني وأنا أحس بألم فظيع في رأسي وجسمي وتحديداً صدري أحس بثقل في كل جسمي أحس بشئ على وجهي احس اني اختنق من كل هالأشياء اللي علي رفعت يدي وانا خلاص ببكي من الألم اللي فيني وسحبت اللي على وجهي اكتشفت انه جهاز اكسجين حاولت اقوم بس ما اقدر احس اني مشلولة مو قادرة اتحرك حسيت بأحد دخل علي شفتها الممرضة حاولت اتكلم بس احس صوتي ما يطلع ناظرتها وشفت السعادة بوجهها وكلها دقايق وامتلأ غرفتي بالأطباء كلهم يسألوني قادرة اتحرك؟ قادرة اتكلم؟ قادرة احس برجولي؟ قادرة اتنفس؟ وش احس به؟ اتألم؟؟؟ ...

ناظرتهم وانا نفسي اقول خلاص لا عاد تسألون انا مو قادرة اتكلم لكن محد يفهم علي .. " .....

~~~~ بيت عزيز (نجلاء) ~~~~
كان عند نجلاء يسمع لها هي وشكاويها وانها تأخرت بالحمل وأنها تبي تروح للمستشفى وتكشف قام على رنة جواله وكانت المستشفى فز قلبه وهو خايف من اللي بيقولونه له رد عليهم وسلم وجاه الخبر اللي كان ينتظره من سنين متلهف لسماع هالخبر ....

طلع بسرعة وركب سيارته وتوجه للمستشفى وما هي الا دقايق وهو واصل لعندها شاف عيونها وشاف نظراتها توجه لها وهو عيونه تدمع من الشوق حضنها بحب حضنها بشوق حضنها يروي السنين اللي فاتت بدونها ابعد عنها بصعوبة وهو يناظرها ونظراتهم تحكي كل شئ ....

* فرقاك ي حبيبي خلاني أحس نور الدنيا عن عيني انعمت وظلام الدنيا على عيني طغت *

كانوا كلهم بغرفتها يبغون يتطمنون عليها لكن الدكتور استدعى عزيز ولحقه علي وقال لهم: نظراً لإن المريضة ريم كانت بغيبوبة سنتين واللي أدى لعدم عمل أعضائها الكلية بشكل كامل يمكن يكون هناك خلل يخليها ما تقدر تمشي او تتكلم او حتى تتحرك بشكل سليم رح تحتاج وقت عشان ترجع تتأقلم عالوضع وترجع أعضائها سليمة...