يَ سعُود : قُل لِرِيمَ المَكَاحِيل تِعِز عَزّهَا

١٠ يَ سعُود : قُل لِرِيمَ المَكَاحِيل تِعِز عَزّهَا

* حابة أنوه على سالفة ، الرواية كلها خيالية لا ترتبط مع الواقع بصلة ابتداءًا من الأسماء نهايةً للأحداث تتضمن الشخصيات والوقائع وحتى القصايد اللي تنكتب كلها من كتابتي أنا * .

جاسم بعصبية وصراخ وهو يقوم من مكانه: وش تقول انتت صاحييي مزعل بنت الناس وتبي تتزوج عليها؟؟؟؟
عزيز ببرود وهو يكتم غضبه: يبه كلامي وقلته لك وبنت الناس ماني مرجعها لين تخطب لي نجلاء...
جاسم وهو يحط يده على وجهه من القهر: اطلع لا بارك الله فيك من ولد اطلع لا عاد اشوف وجهكك....
خرج عزيز وهو متضايق ركب سيارته ورجع بيته دخل الغرفة وهو يحس بشئ بالبيت ناقص فصخ ثوبه رماه بالأرض ودخل يأخذ شور بارد يبرد قلبه وعقله ....

أما أبو عزيز خرج من المجلس وراح غرفته دخلت عليه ام عزيز بخوف وقالت: وش صاير اشوف عزيز خرج معصب؟؟
جاسم بعصبية: ولدك هذا ما منه رجا مزعل بنت الناس ومخليها عند اهلها ويبي يخطب بنت عمه هاللي ما يستحي...
تنهدت ام عزيز وهي تقول: ووش شورك انت من البداية ندري انه يحب بنت عمه ما كان لازم نزوجه ريم...
ابو عزيز: تبين تكسرين بخاطر اختك اللي انكسرت بزوجها وتبين تكسرينها مرة ثاني بقلبها؟؟؟
ام عزيز: يخسى...
ابو عزيز وهو يمسح وجهه: شتسوين بولدك مسود الوجهه وين ما راح طلع لنا سالفة؟؟
ام عزيز: انت شتقول؟
ابو عزيز: شنسوي له لو ما رضينا خاطره ما حيرجّع ريم...
ام عزيز: هذه بنت الغالية ولدك مزعلها ويبي يتزوج عليها بعد لا هذا مو ولدي اللي ربيته لا بارك الله فيه مأخذ منك حتى تاريخك....
أبو عزيز: اقصري الشر يا مَره ماني ناقص...
صدت أم عزيز بزعل وانتهى نقاشهم باتفاق يخطبون له نجلاء ويرضون ريم باللي تبغاه ....

~~~~ بيت محمد ~~~~
كانت جالسة بحالها فجأة دخلت زوجة ابوها وهي انفجعت لكن متعودة ناظرتها وقالت
ابتسام: قومي غسلي المطبخ والحمامات...
ناظرتها ريم وقامت بدون كلام بعد ما قفلت اللاب وبدأت تشتغل بدأت تنظف المطبخ وبعدها الحمامات وبعد ثلاث ساعات تقريباً خلصت وجات بتروح غرفتها سمعت ابتسام تقول: تعالي امسحي الصالة ما عادت نظيفة من يوم دخلتي البيت ولا تنسي تسوين العشاء...

قالت بنفسها " من يوم دخلت ولا ما كلفتي نفسك تنظفينه أصلاً من يوم رحت حسبي الله عليك " ....

وقامت تمسح وهي ساكتة وبعد ما خلصت طبخت العشاء وانهد حيلها وانكسر ظهرها حست بدوخة وغثيان دخلت الحمام واخذت شور وبعدها ما تحملت افرغت اللي بداخلها (الله يكرمكم) وقالت وهي تناظر وجهها: شذا الوجه من متى بدأ يطلع لي هالات حسبي عليهم ما بقوا فيني حيلل افف ...

قامت وتوضأت وصلت العشاء وهي منهد حيلها من التنظيف اللي نظفته بعدها نزلت تحت وتعشت بالمطبخ وهي تسولف مع الشغالة ...

في اليوم الثاني قرر جاسم يسمع كلام ابنه ويشوف نهايته ولا يظلم بنت الناس اتصل عليه وقال له يجيه البيت ...