طاح الخبر بقلبه زي الصاعقة ما توقع هالخبر كان عنده أمل انها تصحى وتربي ولدهم كان عنده أمل انه يسمع ولده يقول لها ماما طاح الجوال من يده وهو يحاول يستوعب اللي سمعه ....
~~~~ بيت جاسم ~~~~
رهف: بشري وش صار؟؟
نهال: اخوي قال بيتكفل بالمهمة بدون ما يذكر اسمك ويتعامل معاه بالقانون...
رهف: قدر يوصل له؟؟
نهال: ايه وقابله بعد بس باقي يسحب منه الصور وانتي لا تخافين اعرفه اخوي بيتمم المهمة باكمل وجه...
رهف: الله يعطيك العافية انتي واخوك ويسعدكم ي ربب جميلكم هذا برقبتي مستحيل انساه لكم جزاك الله خير...
نهال: ولو عادي ما سوينا شئ...
قفلت منها وهي متوترة من بعد ما سافرت ريم وهي ما تفارق غرفتها وكل وقتها تدعي ربها ييسر امرها ويحل مشكلتها دق باب الغرفة ودخلت الخدامة وقالت: ماما نورة تبغاك...
رهف: جايتها...
قامت على حيلها ونزلت وشافت أبوها موجود سلمت عليهم وجلست معاهم وقالت: يقولون تبغيني يالغالية...
أبو عزيز: ايه عشان نبلغك ان الملكة تحدد بعد شهر ابدأو جهزوا من الحين...
ام عزيز: ما تحسهم مستعجلين يبو عزيز...
أبو عزيز: ما فيها عجلة شهر يكفيكم وزود والبنت شحليلها...
ناظرت رهف ابوها اللي ياما حاولت معاه ترفض الزواج لكنه مصمم انها تتزوج فهد ما تعرف الا اسمه وسمعت انه من التجار زيهم قالت بهدوء: ابشر يبه...
ما استغربوا هدوءها لأنه من يوم انخطبت وهي صارت هادئة ورهف المجنونة تبخرت استأذنت منهم وطلعت غرفتها اللي صار دنيتها كله ما تخرج منه الا وقت الحاجة انسدحت وتغطت وبدت تبكي وهي تحس ان مستقبلها بضياع ...
~~~~ بيت وفاء ~~~~
كانت منى تهمز رجول وفاء وهيفاء تسولف قالت فجأة: يمه متى بتزوجين منى؟؟
ناظرتها منى بصدمة وقالت: يا مسرع ما تبين تفتكين مني...
هيفاء: ايه يخي طفشت ابي اشوف عيالك شوفي رهف صارت عمة وبتصير خالة...
وفاء: وانتي بعد صرتي عمة مو عزيز اخوكم؟؟
هيفاء: الا يمه بس ابي اصير خالة زوجيها ذي...
منى: ايه تزوجني ويفضى لك الجو تحوسين بالبيت زي ما تبين والله تخسين...
هيفاء: شوفي يمه شتقول...
وفاء: بس بس انتي وياها صدعتوا رأسي...
دخل عليهم علي ووجهه أسود ما يبشر بالخير ناظروه كلهم حتى سلام نسي يسلم قامت وفاء وهي تناظر وجهه وقالت: خير اللهم اجعله خير وش صاير ليه وجهك اسود؟؟
علي وهو يمسح وجهه: مصدع يمه منوة جيبي لي بنادول...
وفاء بخوف: خير ي علي ريم صاير لها شئ؟؟
علي: لا يمه نجلاء...
وفاء: قول شفيها ي ولدي قول...
علي وهو يجلس: يمه بلغوا عزيز انها توفت اليوم...
وفاء: إنا لله وانا اليه راجعون وخالتك عرفت؟؟
علي: لا يمه هذا اللي جاييك عشانه مو عارفين نبلغهم يمه عزيز منهار وانا مو عارف كيف اكلمهم...
وفاء: هيفاء جيبي عبايتي بسرعة قم قم اشوف ودني بيت خالتك...
أنت تقرأ
يَ سعُود : قُل لِرِيمَ المَكَاحِيل تِعِز عَزّهَا
Художественная прозаوَ مَاذا عَن قَلبٍ عَجِز عَنِ النَّــسيَـــان؟ هَل سَيَقِفُ مَكتُوفَ الأَيدِي بِنَفسِ المَـــــكَـــــان؟ مَاذَا حَدَثَ بَعدَ الحُبِّ لِلإِنـــسَــان؟ أَمَعقُولٌ رَضَخَ لِلْحُــرمَــــان؟ . (أخطو هنا أول خطواتي بطريق الكتابة والطريق وعر لذا أرجو...
