𝙾𝚇𝚈𝙶𝙴𝙽.
" ආශ් උබලට එක වැඩක් හරියට කරන්න බෑනේ. අරූ මැරුනා කියලා හිතුවේ. ඒත් නෑ ඌ මාස දෙක්ක කෝමා එකකින් නැගිට්ටා. එතකොට අර පොඩි උන් දෙන්නා. උන් දෙන්නව අල්ලගන්න බෑනේ තොපිට. ඇහුවොත් කියන්නේ මහාලොකු මැරයෝ. ඒත් ඉස්කෝලේ යන හිච්චි කොල්ලෝ දෙන්නෙක් අල්ල ගන්න බෑනේ අම්මපා. "
" ලොක්කා නම් කියයි. මගේ නහය තාම හරිගස්සගත්තේ නෑ. උන් පොඩි උන් නෙවේ යක්ස පැටව්. අහිංසක මූණ පෙන්නන් හිටියට එහෙම නෑ උන්. "
" උබලා ඉතින් ගියා ගුටිකෑවා ආවා. මේකට මටම අත ගහන්න වෙයි වගේ. "
කිව්වොත් අවුරුදු ගානක ඉදන් වෙන හැමදේකටම වග කියන්න ඕන මේ මනුස්සයා කියලා. යෂ්ලාගේ බයික් පේරාදෙණියෙදි ඇක්සිඩන්ට් වෙන්න. මෙතුසර පාර මාරුවෙද්දි ඇක්සිඩන්ට් වෙන්න. මාස තුනකට උඩදි සිහේල ලිහේෂට උන ඇටෑක් එක. අවුරුද්දකට උඩදි මෙතුසරට උනු ඇටෑක් එක. එතකොට මේ ඊයේ පෙරේදා යුහාරට උනු ඇටෑක් එක මේ හැමදේකම අන්තිම කෙලවර අල්ලන් ඉන්නේ මේ මනුස්සයා. සුහිරුට විතරක් දෙවනි වෙන mafia boss කෙනෙක්. ඒත් පොඩි ලමයි ටිකක්ව අල්ලගන්න බැරු උනු mafia team එක්ක ලොක්කෙක්.
" මේ කතාව ඉක්මනටම ඉවර කරන්න ඕන. උන්ට නටන්න දුන්නා හොදටෝම වැඩී. "
" මට ආරංචි විදිහට කට්ටිය හෙට අනිද්දම ආයෙත් නුවර යනවා. "
" ඒ මොකටද. "
" බහිරවකන්දේ පන්සලට. "
" ඒ එනගමන් උස්සපන් සේරම. සුහිරුට ලං වෙන්න බැරි මුන් ටික නිසයි මට. මුන්ගේ කතාව ඉවරයක් කරලා ඌවත් උගේ ගගන ලගටම යැව්වට පස්සේ තමා මට නින්ද යන්නේ. "
" ඇයි දැන් ලොක්කට නින්ද යන්නැද්ද. "
" හුයන්නෙන් පටන්ගෙන පයන්නෙන් ඉවර කරන්න කලින් පලයව් සේරම මගේ දෑහැට නොපෙනි. "
ඉතින් හුගක් දේවල් වෙනස් වේවිද. ඈත්වෙන්න වේවිද. රැකගන්න පුලුවන් වේවිද. දන්නෙ නැහැ කාලයටම බාර දෙමු. යසස්ලා හැමෝටම නිවාඩු වැටෙන පෝයක් අල්ලලාම නුවර යන්න දාගත්තෙ සිකුරාදා පෝය සෙනසුරාදා ඉරිදා weekend නිසා. පොඩි ඩබලගේ clz හීනියට වගේ කට් වෙනවා කියලා ආච්චි අම්මා කිව්වත් මොකද මෙතුසර යුහාර උඩින්ම කැමති උනා මේ ගමන යන්න. නුවර වගේ නෙවේ කොළඹ ජීවිතේ. අහස උසට ගිය බිල්ඩිං ඔලුකට්ට රත්වෙන තරමටම සැර අව්ව. විනාඩි දහයක් එලියේ හිටියොත් දාඩියෙන් නෑවෙනවා. ලොකු අය කෙසේ වෙතත් මෙතුසර යුහාරට තාම කොළඹ ජීවිතේට හැඩගැහෙන්න අමාරු උනා. ගහක් කොළක් නැතිවෙන්නම හැදුනු කොන්ක්රීට් බිල්ඩිං පාරවල් නිසාම වැස්සත් කොළඹ රස්නියි. නුවර මේකේ අනිත් පැත්ත වෙද්දි. හැමපැත්තෙන්ම ගහකොළ, හරිම සෞම්ය දේශගුණයක් තියෙන්නේ ඉතින් ඉන්න ආස හිතෙන පරිසරයක් ඒක. ඉතින් මෙතුසර යුහාර දෙන්නට ඕන උනේ මේ කලබලකාරි නගරෙන් ටිකක් මිදිලා නුවර යන්න.
