ورود سامة

Part2

ورود سامة /الفصل الثاني
#يحيى_ادريس
..
وردة /يعني انتي بتبقي عروسه
ياسمين/ ان شاء الله حبيبتي ان شاء الله
زهراء / حتى بنقعد عروسه
توليب / نهارك اسود مزلتي بيبي انتي
زهراء / شن اللي بيبي را عمري 14 معش صغيرة
ياسمين/ نهارك اسود تعرفي كم عمري انا 23 حبيبتي
زهراء / 10 سنين مش هذك فرق كبير عادي
غاده / تحقو فيها هذي هازيين عليها تزوج قبلنا كلنا
زهراء بعثت بوسه لغاده وغاده ردتها لها وبنات ضحكن
..
صفاء هي تقطع ف الخبزة لمثروده مع رضيه
وهي من وين تعرفهم ..
رضيه / علمي علمك قالت خو صحبتها
صفاء / ربي يتمم ع خير ان شاء الله
رضيه / ان شاء الله
صفاء / متبيش تعزمو نسرين
رضيه / تء
صفاء / هزت راسها بياس
خش فجر خذا من خبزة ورضيه قالت يومك اسود
وطلع فجر يجري لشارع قسم ل اياد ومشو يلعبو
توليب / اثبتي
ياسمين / وجهي وجعني
توليب / هذ الي بتزوج ي حنه ياما تريدي تنظري
ياسمين / شلطتها ع يدها في بنات صغار
توليب/ هذين صغار من لللي تبي تزوج هذين يعلمنك
ياسمين / فوانص
...
عمر / امي نبيكي ف موضوع
جميلة / خير ان شاء الله
عمر / خير خير
جميلة / تفضل قول
عمر / مسح ع لحيته نا نبي نزوج
جميلة ابتسمت / الف مبروك انجي بنت خالتك صح
عمر تلاشت ابتسامته / انجي هذ ناقصها لحيه وتبقى راجل
جميلة / معش تقول ع بنت خالتك هك بعدين من تبي
عمر / وحده معاي ف جامعة
جميلة / بنت من
عمر / ما بنت حد
جميلة / كيف مابنت حد مقطوعه من شجرة
عمر / بوها متوفي وخوتها اصغر منها
جميلة / نفخت امها شن تشتغل
عمر / موظفه
جميلة / انت عمر ش**** بتاخذ وحده عاديه امها موظفه
عمر / لا عيب ولا حرام
جميلة / شن نبي نقول قدام ناس ولدي خذا وحده لا اصل لا مفصل
عمر / نحنا نحبو بعضنا والبنيه بنت حلال وتعجبك يمي وعدتها قتلها بكرة امي وخواتي يجنكم
جميلة / شوف نمشي لكن هاه مزلت مش موافقه
عمر / تمام يمي غير امشو بس
ثاني يوم ..
رضيه تفتح ف رواشن ..
صبن يابنات انهضن هي ساعدني ..
ياسمين حطت يدها ع وجها تؤتؤ خلينا نرقدو ي وليه رضيه انا وليه ي كلبه تمرقدي تمام لكن لما يجو العرب اللي بيخطبو يشربو قهوة ونا متريحه
ياسمين لا وصبت تجري من سريرها رضيه ضحكت
ناضت غاده صباح الخير خالتي ..
رضيه / صباح العسل ي عسل
رضيه / يابنات ياهوو
حولت توليب غطاء لعيون من على عيونها خلينا نرقدو يام خوذي اللي تبي تاخذي لكن نا بنرقد تعبانه
رضيه / بايره ومخمجه طول عمرك شاطره امغير تزبط ف الوجه تقول جوكر شقلبت توليب عيونها وردت الغطاء عليهن وطلعن نرجس وغاده وامل
مع رضيه وتوليب كملت باقي نومها ف كوجينه ..
ياسمين وغاده يديرن ف موالح بوريك وبطاطا مبطنه ونرجس وامل ينظفن ف الحوش ورضيه
ادير ف خلطة مثرودة وصفاء طلع ف عوايز تقديم
نرجس وهي تكنس تحركت معاها سلسله مكتوب
عليها اسمها منظره مميز سمحه ي نرجس اول مره نشوفها عليك ..
نرجس شافت لسلسله وابتسمت حطتها ف ماليتها من جو وقالت بهمس من عبدالله ..
امل /من عبودي ايامك ي عبودي ..
نرجس ضحكت وطي صوتك ي حقيرة
امل / يعيش ويجيبلك
نرجس / يعيش ويزوجني بسرعه مليت
امل / طيح سعدك مزلتي ف ثانوي
نرجس / اه من الحب وعذاب الحب
امل / فاشله
نرجس / ضحكت كملت تكنيس
وامل تلمع ف سيسان ورواشن وبيبان والاثاث
وصوت حوسه ف الحوش في كل مكان حركه وهرجه طلعت غاده وقالت جيت وجابك ربي
لامبه حمام ضيوف انحرقت تعال غيرها ..
صبا هارون ع كرسي مدلها لامبه قديمه وهي عطاته لامبه جديده كانت غاده مبتسمه وهي تشوفله ..
هارون / تمام
غاده / تمام شكرا بكل
ضحك هارون عليش تشكري في حمامنا عادي
غاده وجها انحمر حمامنا كيف يعني ضحك هارون وطلع وقعدت غاده متنحه تقول شن قصده بحمامنا ياربي ع غبائك ي غاده غبيه مواقف زي زفت
صفاء / قرصتها شن ديري معاه ف الحمام
غاده / ورتها لامبه انحرقت وقتله يغيرها
صفاء / نهارك اسود نلقاك تكرسي معاه فاهمه
غاده / فاهمه يمي فاهمه
..
وهرجه وقتها كل حد لاهي ف روحه ولبسه وصفاء
تبخر ف الحوش نزلت رضيه ها مزال ما حد جا
صفاء / لا
وقعدن حاجه ال ربع ساعه ويخشو عيلة عمر ..
كانت جميلة ام عمر لابسه عبايه باين عليها غاليه
والعطر يجيب من وين لوين حولت عبايه وخشت بالكعب اللي رضيه منصدمه فيها تنجس حوش لمًا
حد يخش ب كندرة ع فرش ومعاها بناتها نفس لقطة
ام عمر ف الخمسين من عمرها وقتها لابسه بدله قونه قصيره وتسريحه ومكياج كأنها تركية وبناتها
لابسات قفاطين وكانن الثلاثه متزوجات ..
جميلة / سلام عليكم
صفاء / وعليكم سلام
رضيه / مرحبا
ويشوفن لجميلة وبناتها
كانت صفاء جسمها مليان وشعرها قصير مطلوق لابسه بلوزه موڤ وسروال برمودا ورضيه لابسه بلوزه بيج وقوته طويله قهويه ودايره شوي كحل
ورابطه شعرها عادي ولا ذهب لا شي غير دبله ف اليد ويشوفن ف العرب طواقم ذهب ودبش ..
صفاء / بناتك متزوجات
جميلة / طبعا متزوجات بناتي ثلاثه وهذي مرات ولدي
رضيه / ماشاء الله
جميلة / كم عندك بنت انتي
صفاء / بنتين مزالن ف ثانوي
جميلة / وام العروس
رضيه / 6 بنات و 3
جميلة / ربي يخليهم لك سمعت وحده متزوجة
رضيه / بنتي الكبيرة متزوجة
جميلة / مع ان ميبانش عليك عندك بنات كبار
رضيه / هي اجوزت صغيرة ف العمر اجوزت وهي ف ثانوي
جميلة / اها لا نا بناتي عطيتهن بعد الماجستير
رضيه / ماشاء الله
جميلة / من واخذها بنتك
رضيه / وجهها انحمر وقالت عيت لفلاني ***
جميلة / نا بنتي الكبيرة واخذها *** وهذي ***
وبدت تعرف ف اسماء عائلات مرموقه حتى مرات ولدهم من عائلة معروفه يعني ياسمين بينهم غريبه
جميلة / الحق منعطيش بنتي لاي حد وخلاص ولا ولدي ياخذ وحده وخلاص لازم اصل ومفصل ..
صفاء / ربي يكون ف عونا جيل هذ صعب ومايسمع ف كلام
جميلة / كله ع تربية لو تربي صح من الاول ميصير شي
خشت توليب وزهت ف عين جميلة توليب طول
وجسم مبروم برم وشعر اسود وبيضه وملامحها
كأنها عارضه ازياء او ملكه من ملكات جمال كانت
جميلة / ماشاء الله الله واكبر
توليب / ابتسمت وقدمت الحلو وراها غاده بالقهوة
رضيه / بنتي توليب هذي واللي وراها بنت اختي
جميلة / والعروس
رضيه / شوي وتنزل
خشت ياسمين كانت صح سمحه بس مش زي توليب شعر ياسمين عسلي وكيرلي خشمها فيه طويل وقصيره ومليانه شوي وجميلة انصدمت
وقعدت متنحه وساكته وكل ماتجي حاجه تقرف وتقول ما ناكلش برا حوشي مش اي حاجه ناكلها وماطقنش ساعتين روحن على طول ..
..
جميلة / لا عين لا جمه يعني فوق شيانه بيئه اخرى
ماجده / فعلا بيئه شفتي كيف بلا كنادر واثاثهم ولبسهم قديمين بكل
اروى / توقعتلك حاجه ارقى ي عموره
عمر / نا عجبتني ونبيها مدخلتش ف حياة حد تقريبا الله يرحم والديكم محد يدخل ف حياتي ..
جميلة / تعلي ف صوتك عشان بنت شوارع
عمر / معش تقولي هك يام ياسمين هتبقى مراتي تبي ولا ماتبيش
جميلة / انتلف من قدام وجهي ي قليل الادب
ناض عمر وطلع خبط باب وراه ..
ماجدة / صدقيني يام هذي ديرتله خطين
اقبال / رايي من راي اروى شكلها ساحرته
جميلة / نقطع ذراعي من هن كان خليته ياخذها
ماجده / اكيد مش هنخلو ياخذها طبعا
...
ف كوجينه
غادة / تاكل ف البوريك وتقول خورافي
توليب / حتى نا عجبني لذيذ
نرجس مربعه فوق دولاب وتاكل ف بكلاوة
ياسمين / اللي قهرني انهن ما قالنش جايات نخطبو
امل / وسعي بالك هو هذ يقولو عليه لقاء يشوفنك
توليب / لكن يابنت هتعيشي ف عز شفتي لبسهن
غادة / مش مهم لفلوس اهم حاجه يكونو كويسين
نرجس / لا اهم حاجه الماني معاك فلوس تعيش
توليب / البنت هذي تربيتي
نرجس / دزت بوسه لتوليب
من للكوجينه لصاله
رضيه / طاح سعدي نا نعجن وانصهدت من تنور
صفاء / معلش
رضيه / ماحطن شي ففمهن تقول مقعمزات ع شوك
صفاء / يمكن هن مش وكالات
رضيه / نعرف ناس كويسه هذول مايبوش البنت
صفاء / طز ياسمين الف من يتمناها
رضيه / البنت فرحانه واضح انها هي تبيه
صفاء/كله نصيب لو عندهم نصيب هياخذو بعضهم
رضيه / صدقتي
صفاء / هذ تخبيط سالم
رضيه / عليش خليك قاعده باتو
صفاء/لا والله مانقدر سود معيشتي يوم بتت عندك
رضيه / ارجي مالا وصبت تحط من الحاجات ف تبسي
صفاء / امغير عليش
رضيه / امغير اسكتي
سالم / او جايبين حاجات واجد معاكم هذ كله لي
صفاء / لنا كلنا
سالم / باهي باهي ما نا وانتن واحد ولا شنو ي بنات ضحك وطلع لسانه
صفاء / امم من وين لك سيارة
سالم / شريتها
صفاء / ومن وين لك لفلوس
سالم / بعت ذهبك
صفاء / شنو شنو شنو نهار بوك اسود
....
علاء / وين ي حبي تأخرتي اليوم
توليب / امم خطوبه اختي اليوم وقعدت نضم وهك
علاء / عقبالنا ي قلبي
توليب / ان شاء الله وضحكت
علاء / كنك تضحكي
توليب / شي حرام ضحك
علاء / لا اضحكي ي حبي دوم ضحك
توليب / امم انت شن عندك
علاء / رفع ذراعه وبحت فيه وقال عندي عضلات
توليب / وايش نبي ندير بيهن نبي حوش وسيارة
علاء / ساهل هذ كله ساهل
توليب / شقلبت عيونها
___
كانت ياسمين واخذه مربوعه وتحكي مع عمر
طبعا ف هذك الفترة تليفونات ارضي مش كيف توا
ياسمين / انت وين قاعد
عمر / عند واحد صاحبي
ياسمين / زكريا
عمر / معش تقولي اسامي رجاله نغار
ياسمين / باهي قولي شفت هلك بعد روحو
عمر / اها
ياسمين / شن قالو علينا شن قالولك عجبتهم والحوش وتقديم ..
عمر / قالو ماشاء الله كل حاجه سمحه وفخمه حتى لوكال عمرهم ما ذاقو ف حياتهم طعمة وكال سمحه هك
ياسمين / بس هم ما كلو شي
عمر / حك رقبته من لاوره وقعد ساكت
..
صفاء / توا طلعلي ذهبي مش شوري بيك
سالم / وطي حسك يلعن شكلك
صفاء / اطير انت تنزل تجيبلي ذهبي
سالم / ي قلبي انتي نجيبلك خير منه انت يليق عليك الماس اصلا
صفاء / وين الماس مافيش
سالم/اصبري بس ونكسيك من ساسك راسك الماس
صفاء / نبي ذهبي طلعلي ذهبي ينعلي نا من دون صبايا
سالم / ذهبك بعته ماعندي مانديرلك
صفاء / هات مفتاح سيارة جيبه جاي
سالم / سيارة بأسمي
صفاء / ينصاب
سالم / وطي صوتك وامشي سخنيلي عشاء
صفاء / تشوفله ودموع ف عيونها
سالم / مزال يفنص فيها
طلعت صفاء هي وتحسب عليه