ورود سامة / تأليف وكتابة يحيى ادريس
التفاعل لايك وتعليق لدعم واستمرار ف رواية ..
...
كان دافن راسه بين رجليه اللي ضامهم ويرعش حس بحد
يطبطب ع كتفه فتح عيونه وهو يقول لالا لا زهراء شاف هارون
هارون .. عبد الله شن صار ف زهراء
عبد الله .. مسح وجهه مش عارف
هارون .. انت كويس
عبد الله .. شفت كابوس
ياسمين .. شنو حالك
عبد الله .. الحمدلله
ياسمين .. كأنهم طولو
عبد الله ..من الفجر نحنا هنا
طلعت الممرضة ب الطفل
ياسمين .. شن صار
الممرضه .. حولي من قدامي وخذوه الطفل حطوه ع جهاز تنفس صناعي
ياسمين .. عليش خلينا نشوفو اختي شن صار فيها
الممرضه .. توا دكتور يطلع ويقولك
مع الاسف الجنين انولد قبل وقته ابن 8 شهور هيبقى تحت جهاز
عبدالله .. ومراتي زهراء
الدكتور .. بلع ريقه وشافلهم
ياسمين .. شن في
الدكتور .. حاولنا بس
هارون .. تكلم زح انت تقطر تقطير
الدكتور .. وضعها خطير جدا ادعولها
ياسمين .. يعني شن فيها
الدكتور .. خشت ف غيبوبه
ياسمين .. غيبوبه ممكن من بنج ساعتين ثلاثه وتوعى صح
الدكتور .. ممكن اسبوع ممكن شهر ممكن ثلاثه
عبد الله .. دموعه طاحو
..
في الكوجينه نرجس وغاده وامل يوتن للضيافة ..
غادة تحط ف الحلويات في مثرد وامل تخلط نسكافي نرجس
ولعت ع موالح ف الكوشه تنهدت وقالت شن رايكن نوافق ..
امل .. في جامعة تشوفي ناس احسن فوتيه ..
غادة .. بس هذ جا من ع الباب خيرلك من ..
امل .. نسيتي من طرابلس يعني هتبقى بعيده علينا ..
غادة .. شوفي ي نرجس روحك شن تبي ..
نرجس .. نبي نكمل قرايتي ونبقى دكتورة نفس الوقت بنتزوج
امل .. الزواج هم عليش مستعجله ..
نرجس .. شن مستعجله نسيتي زهراء اصغر منا واهي بتجيب
امل .. هذك حالة خاصة ..
غادة .. نتمنى ي نرجس تليني قلب خالتي عليها زهراء حرام
نرجس .. حرام هذي حرام واللي صارلي نا مش حرام
غادة .. بلعت ريقها وسكتت
نرجس .. نا سرقت مني راجل اللي نحبه بروحكن شاهدات
امل .. بصراحه ي نرجس حتى هو واطي طيح بين الخوات
نرجس .. كان يجيبلي ف هدايا شفتن كيف كانت علاقتي بيه
غادة .. خلاص توا راجل اختك
نرجس .. هي سرقاته هي واطيه وتستاهل كل شر ..
امل .. باهي موضوع وعدا وانتي نصيبك في غيره
نرجس .. طبعا اللي ايده ف لمية مش زي اللي ايده ف نار
غادة .. رفعت حواجبها امل الحقيني ب نسكافي
رضيه خشت ينعلي زحمه زحمه مكثرهم معازيم اختك وبدت
تخلط ف المثرودة نرجس قالت بعقدة حواجب وين ياسمين ..
رضيه ارتبكت انظر وين مشت بتجيب حاجات مع هارون ..
نرجس قالت اممم وخذت موالح حطتهم ف كوشه وتشوف ل امها
عبير .. شن سميتيها
نسرين .. رهف
فاطمه .. سمح وموضه
نسرين .. حتى نا عجبني
وردة قاعده ف دارها وتفرج ع ستار اكاديمي ..
صفاء .. ي سلام نحنا برا نعانو وانتي تفرجي هنا ..
وردة .. اطلعي ي خالتو بيقولو نومني الاسبوع هذ ..
صفاء .. من اللي جاه نمنام
وردة .. اطلعي ي خالتي وراس حنك
صفاء .. قليلة ادب شوي وتلحقيني برا طلعت صكرت باب ..
وردة .. مثقل دمك انتي وصبايا اللي برا وتفرج ع تلفزيون ب تركيز
...
في نفس الوقت طلعو مهاب وبلال من قرآنية لحوش عيت جدهم
مهاب .. بعدك ف وكال سمح غادي جيعان ..
بلال .. هي وقعدو يجرو بيش يطقو ف حوش ..
اول ماوصلو شافو اياد برا بعيد شوي عن الحوش ..
مهاب .. شخبار
اياد .. تمام وين كنتو
مهاب .. ف قرآنية
اياد .. باه اللي جيتو واحد فيكم يمشي يجيب حاجه توتكل
بلال .. عدي ي مهاب
مهاب .. وليش ماتمشي انت
بلال .. نا اكبر منك بعدين عارفني نتحشم عدي
مهاب .. باه ب مره نمشي نتفرج ع صبايا وضحك ومشا يجري
ضحكو اياد وفجر على مهاب وبلال قال امتى يروحن هذين ..
اياد .. مط شواربه للاسفل
خش مهاب يتمختر ويبحت يمين ويسار شافاته نسرين فنصت
وصبايا ف قولة من هذا ومستغربات هذ ولد نسرين وناضت
رضيه خذاته من يده وخشت بيه كوجينه تقرص ف وذنه شن
يخشش فيك ع صبايا هاه
مهاب .. جيعان جيعان ..
رضيه .. كشفبك ديما مفضح بينا اطلع برا توا
مهاب .. لا نبي حاجات ناكلوهن نا واياد وبلال وفجر
رضيه .. حسابهم عندي الاغلاض وانت مافيش حاجه هي برا
مهاب .. باتي جاب الحاجات
رضيه .. فنصت قليل ادب
مهاب .. عطوني توا
غادة .. ضحكت بصدمه توا نعطوك غير نعطو صبايا قبل
مهاب .. قعمز ع كرسي ف كوجينه ويبحت فيهم
امل .. قلداته وقرنت حواجبها
مهاب .. شقلب عيونه وقال شينه راكي خشمك كبير ودبه
نرجس .. مهاب بلا قلة ادب
غادة .. تضحك بصدمه هذ طفل هذ
مهاب .. لا راجل ي قميل انت وغمزلها
غادة .. نهار اسود وطلعت من كوجينه
امل .. قالت اسمه ي فرخ انت لسانك طويل هذ نقصه
مهاب .. دار صوته ب معنى اخخخ مادارها باتي هذ
...
ف طريق
ياسمين تبكي وهارون يسوق خلاص بكاء حسستيني انها ماتت
ياسمين .. تبكي ماه غيبوبة كأنها ميته مزالت صغيرة ينعلي ي خيتي
هارون .. او ولدها بيقعد هك تحت جهاز هذ محطوطله
ياسمين .. مسكين هذ هيعاني معاناة بعد مايكبر
هارون .. عليش
ياسمين .. لو عاش هيتبهدل لو عاش وزادت ف بكاها
هارون .. ان شاء الله خير متفاوليش بس
ياسمين .. صوت شهقاتها وتقول ان شاء الله
ننتقلو للقصر خش وهو يأس من الحياة
ونوارة كانت ع آحر من الجمر ترجى ف وفاة زهراء والحفيد
نوارة .. عبد الله وين كنت
عبد الله .. ف المستشفى
تصنعت ملامح صدمه عليش ؟!
عبد الله .. زهراء ولدت ولادة مبكرة
نوارة .. وشن صار فيهم
عبدالله .. طاح ف حضن امه يبكي بصوت
نوارة .. ابتسمت بخبث وقالت بسم الله كنك وليدي شن في
عبد الله .. زهراء زهراء يمييي
نوارة .. بتزغرت لكن تصنعت الحزن وسع بالك ولدي شن فيها
عبد الله .. في غيبوبه او ولدي حطوله جهاز فرحتي ناقصه يمي فرحتي ناقصه يميي نوارة انصدمت وين عرفت انهم على قيد الحياة
أنت تقرأ
ورود سامة
Romanceقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
