ورود سامة

Part 48

ورود سامة
تأليف وكتابة يحيى ادريس
آيآن : بيكاتشو شجوو ..
ملاك : او خشموش وين طولت الغيبه ..
آيآن : الله غالب ي بيكاتشو تعرفي اللي فيها ..
ملاك : مزلت زعلان من خالتو هي تحبك بس متعرفش تعبر ..
آيآن ابتسم : شن دايره ف قرايتك ..
ابتسمت ملاك : تمام بس خالتك خنقتني اقعدي كيف آيآن شوفي آيآن يقرا برا
ضحك آيآن : تعرفي كلهن معقدات خالتي ياسمين جو كله
ملاك : صح اكثر وحده تهبل خالتو ياسمين بعدها ماما طبعا..
ضحك آيآن وطلعت ياسمين ف يدها صفرة كاكو شن توتو انت وياها هابا عليكم ضحكو اثنينهم وخذا آيآن
كبايه الكاكو بيش يشربها خذاها من يده خاله اياد وشربها ففم واحد ملاك تضحك وآيآن منصدم ..
ياسمين : خزي عليك مفجوع ..
اياد : اسكتي ي بايره ..
ياسمين : شافتله ب إزدراء وشافت لفرح ب ابتسامه
ياسمين : مرحبتين
فرح : شجو
سلمن ع بعضهن وخشن ..
اياد : ضرب آيآن زنقيره فتحلي موعد غرامي ي فاشل
آيآن : شن تقول ملاك زي اختي عيب ي بوخال
اياد : حط يده ع رقبه آيآن لك وحشه ي كلب
ضحك آيآن
ملاك تفتح ف سلفر عندي فضول تعرف شن جايبه
فرح : نقولك
ياسمين : تحب تعرف بروحها
ملاك : الله بسبوسه جلاكسي خاطري فيها
ياسمين : ي كلبه ما ديما ندير فيها لك
ملاك : مانبوش نتعبوك سيمو
فرح : اصلا نا واخده طريقه من ياسمين
خش اياد هي حطولنا كاكو وبسبوسة
ياسمين : اسمله عليك من ه المفجوع
ضحكن فرح وملاك اياد طلع سنونه نننننن ..
فتحت وردة الباب شافت قدامها فجر انصدمت ..
ومش قادره تنطق بحرف ..
فجر : شن مافيش تفضل ..
وردة : زفرت بخوف تفضل خش وصكرت باب
فجر : قعد مصبي ف صاله
وردة : قعمز تريح
فجر : تقول بايت معاك
وردة ؛ عيونها دمعو وطبست راسها
ابتسم وحضنها وباس راسها وهي تبكي ..
فجر : خلاص بكاء ضربها ع راسها ضحكت
قعمز : شن دايره من غداء ..
وردة : مادرتش غداء نسوي ف العشاء
فجر ؛ شن كليتي
وردة ؛ اندومي
ارتسم ملامح الاشمئزاز ع وجه فجر قال يعع
وردة ضحكت قصدك مزال تغديت
فجر : حط اميرة عند هلها من صبح ..
وردة ؛ ناضت نا بروحي ماشبعتش ندير بيتزا سريعه
فجر : بيتزا شنو نا مستعجل
وردة ؛ ماتاخذش وقت وخشت كوجينه رنت على عبد الرحمن اسمع لما تروح جيب معاك لحم وكبده فجر قاعد عندي واول مره يجيني
عبد الرحمن : تمام حبيبتي حاجه اخرى
وردة : مشروب وفاكهه فراولة بذات خاطري فيها
عبد الرحمن : حاضر ي فراولة قلبي
ضحكت وردة وصكرت منه ..
..
اياد : ف واحد يبيك برا ..
آيآن : طلع لبس كويشته وشاف بوه
عبد الله : شن متبيش تسلم ع بوك
آيآن : مد يده
عبد الله اضبطه بقوة انت ولدي اول فرحتي انت سندي راك كان قسيت عليك عشان نبي مصلحتك
آيآن : باس راسه كل عام وانت بخير
عبد الله : مسح دموعه ماتكبرنيش واجد هك
ضحك آيآن وعبد الله معاه
..
ياسمين : ربي يهدي نفوس ان شاء الله
اياد : عادي الاب وولده ديما عرايك
ياسمين : ربي يرزقكم ب ذريه صالحه
فرح : شافت لعيون اياد كيف لمعو وقال امين خنقتها العبره وطلعت من جنبهم
..
عبد الله خذا آيآن لارقى محل تليفونات وقال اختار اللي تبيه
آيآن : اكيد اللي نبيه
عبد الله اليوم بس اغتنم الفرصه
ضحك آيآن وخذا ايفون 15
عبد الله اب اب خشيت ع ثقيل
آيآن محد قالك انت قلت اللي نبيه
ضحك عبد الله ودفع وطلعو شور الحوش
وقت خشو شافتهم زهراء ابتسمت وقالت حمدلله ع سلامه سلم عليها وشافت تليفون مبروك ..
آيآن الله يبارك فيك ومشا لداره ..
زهراء : بزعل شافتله طرف عينها
عبد الله : خلاص جبتلك ولدك شن تبي اخرى
زهراء : بعد زعل شهر مفروض جبتلي حتى نا 15
عبد الله : انتي نعطيك عيوني ضحكت وطلع من جيبه علبه فيها سلسله ذهب مكتوب عليها اسمها
ضحكت بفرحه وحضناته ربي مايحرمني منك ..
باسها ولا منك
هل هلال رمضان ..
زينة رمضان تعلقت ف جميع الاحياء وزحمة ناس
ف سوق والقهاوي واضوية شوارع وسيارات ..
كان بلال يقول احذرو لصوص رمضان ..
اللص الاول التلفزيون لص خطير يفسد صيام الناس
وينقص الآجر بسبب المسلسلات والبرامج اللص الثاني الاسواق لص متخصص ف اهدار المال والوقت بلا حساب اللص الثالث السهر سارق اغلى الاوقات حيث يحرمك من التهجد والاستغفار ف الثلث الاخير
خش كوجينه شاف امه تحكي مع مهاب ..
مهاب : يمي نبي بطاطا مبطنه هاه ..
اشرف ؛ شايل شكاير شكاير حبركي صفره
مهاب : وين البنات
نسرين : مرقدات وخذت شكاير تنظم الخضرة
مهاب : مشا شور دار خواته فتح باب يدربك عليه
رهف : تؤتؤ خلينا نرقدو كنك ثقيل انت صيام را
مهاب ؛ باهي عارفه انه صيام تحشمي ع وجهك صبي ساعدي امك ولا اقريلك قرآن
رهف : شن دخلك يابارد ي بنيه
مهاب ؛ شن قلتي شن قلتي
رهف : ماقلت شي
ومهاب يضرب فيها ورهف تعيط ي ماما
ناضت امنه ببطانيتها وطلعت وسيبتهم
ميرال مقعمزه تضحك ..
رهف ي ثقيل دم
مهاب صبي هي صبي قلت نا
رهف : باهي باهي ان شاء الله تموت مشت تجري حمام صكرت ع روحها
نسرين : ريتي ريتي صار مزالن ما جن عابيات عليك
ياسمين : الله غالب ندير اللي علي
نسرين : اسمعي ديري شربه خليهم ينصدمو ياكلن ع جاهز
ياسمين ؛ مشكلة نا وامي نحبو ناكلو
نسرين : تعالن افطرن عندي
ياسمين ؛ نتحشمو اشرف
نسرين : عليك طروح اشرف مع عياله ف مربوعه مايصدق يفتك من وجهي
ضحكت ياسمين اهي صوت اميرة جت ..
نسرين : وسوده هذك مانزلتش
ياسمين ؛ لالا
نسرين : عطك دعوه وجه
بلال : كان واقف بيسأل امه تبي حاجه انصدم ف طريقه كلامها والتفتت خير تبي حاجه ع فطور  ..
بلال : تعرفي ع شن كانت الخطبة ف جامع
نسرين : قول انت ديما كلامك سمح
بلال : اسمعي وياريت تنفذيه
نسرين : أنفذوه عندنا كم شيخ نحنا
بلال : بدا يحكي ع لصوص رمضان شافها وهي دايره اصناف اشكال والوان المطبخ وخاصة النساء اللي يقعدن وقت طويل عشان يحضرن وجبات ومرات تزيد وتنكب ف كناسة صح ولا غلط كلامي
نسرين : كلامك زينه العقل وطلعت بطاطا من طاجين وعينها ثانيه ع الكوشه اللي فيها دجاج
بلال ؛ وتليفون طول مكالمات اللي فيهن غيبه ونميمه قيل وقال واسرار تفسد لصيام وتشغلك عن اغتنام الوقت ف العبادات ..
نسرين : خزي عليك نصلي ونقرا ف قرآن
بلال : ما قلت شي بس هو شهر ف سنة ابتعدي عن قرمه وتهزي ع خلقة ناس زي وصفك سمعتهم قلتي ع لون بشرتها كذا جت
نسرين : انحرجت
بلال : صكري تليفونك ماتدخليش ف حياة حد اذكري الله لان رمضان هذ عايشين رمضان جاي لا
نسرين : صدقت ولدي صدقت وعيطت رهف امنه تعالن خشت رهف شن تبي
نسرين : طلعي فراولة من فريز عشان العصير
امنه ديري سلاطه ورهف ابدي ف الحلو
امنه : شنو فطور امي
نسرين : رز بالخلطة وبطاطا وابراك ودجاجه محمره
طلع وهو متأسف ع حال هله وشاف زكريا يلعب ف البابجي ومهاب ع تيك واصوات اغني انصدم فيهم
لا حول ولا قوة الا بالله مشا طلع منهم لجامع يدعي لهله ربي يهديهم اللهم اجعل ليالي شهر رمضان
ثلاثين ليلة من الجبر والغفران والستر والطمأنينه
والسعادة واستجابة للأدعية.
...
سحر تمكيج مش نازله توا ..
هارون : بتنزلي ع المغرب ..
سحر   : شن فيها بعدين هلك مايحبوش وكالي
هارون : لا حول ولا قوة الا بالله طلع من جنبها
سحر : انزرف بعدين طلعت شافت غفران تحضر ف مسلسل سوري اسمه ولاد بديعة كله قلة ادب مسلسل وامها قالت ي امسخه تحضري بلاي شن صار ..
غفران : بدت تحكيلها
سحر ؛ هذ صح ومعجبه ب شخصية سلافه منبهره
...
اميرة : درت بسكويت الكوكيز وبيتزا ..
فرح : درت قشطوطة وكفته بجبنه ..
ياسمين : سلم يديكن
خشت رضيه بسبات خبزة تنور ..
اميرة : كل سنة وانتي طيبه عميمه باست راسها وراها طول فرح سلمت عليها
رضيه : وانتن طيبات وانتن طيبات
ياسمين : ربي يعطيك صحه
خش آيآن شايل صندوق مليان فواكه
اميرة : الله يبارك ماشاء الله
رضيه : بارك الله فيك ولدي
آيآن : من بوي هذ
رضيه : الله يربحك ويربحه
ياسمين : اقعد افطر معانا
رضيه : اسكتي يابنت وين يريد يفطر
ضحك آيآن منوره ي جديدتي عزمتني جدتي الاصليه
رضيه : امشي ي كلب ونا ايش مقلده
آيآن: انتي حرك يده كوبي بست
رضيه ايسما
وفرح واميرة يضاحكن بدموعهن
رضيه / ايش قال ه الدعوه
ياسمين : قالك انتي ست الكل
...
ويمرو الايام 21/3/2024
كانت رضيه متكيه ف دارها ..
وقتها كانت نرجس جايه عندهم تبات كم يوم عشان جايبه كبيرتها لهلها وباقي البنات جن بعد الفطور
يوتو ف تحضيرات ويحطن ف صاله غفران وامنه
ينفخن ف امبولات والاء وميرال وليليان وجوري يلعبن ..
زهراء : مسامحتني اكيد ..
نرجس : خلاص عاد بلا ثقاله
زهراء : حطت راسها ع كتفها رايفت عليك واجد
نرجس : حتى نا ابتسمت ..
..
الاء شافت لميرال وامنه قالت خالتي نسرين سمحه واجد احلى وحده ..
ليليان : احلى وحده عمتي ياسمين حتى ماما تقول فيها عمتي ياسمين عيونها خضر تقول روسيه
الاء : منحبهاش خالتي نسرين احسن دير ف مكياج
ميرال : صح ماما سمحه وامك سمحه
الاء ابتسمت
ليليان ؛ عماتي كلهن اسماح ماعدا هذ شيرت ع نرجس
الاء : عضت ع فمها وشافت لجوري
ليليان ؛ اسفه بس امك مش سمحه ارقيقه تقول عود مصاصه
ياسمين : شن كلام هذ ليليان
ليليان : قلت انتي احلى وحده ف عماتي
جوري عيونها مليانات دموع ..
ياسمين : معش تقولي هك كلهن ماشاء الله خواتي خير مني
جوري : انهارت بكاء
ملاك : شن في كنها تبكي
ياسمين فنصت ف ليليان ومدت تبسي لملاك حطي ع طاوله تعالي جوري شوي ..
جوري مشت مع خالتها شور دارها ..
طلعت ياسمين من دولاب صندوق وطلعت صور
شوفيه هذ امك وهذين نحنا
جوري : هذي ماما
ياسمين : اممم
جوري : سمحه
ياسمين اها اسمح وحده فينا
جوري : بنوريها لبنات
ياسمين ؛ ابتسمت وريها
جوري : عادي ناخذها
ياسمين : خوذيها
جوري ضحكت وحضنت خالتها بقوة انتي سمحه واجد
ياسمين : حتى انتي سمحه
وطلعت جوري تجري ..
كانت ياسمين بتصبي حست بوجع اسفل بطنها
قعمزت وغمضت عيونها
..
شافو هذ مامتي نا شافو سمحه صح ..
الاء دارت حركه ب صوابعها بمعنى كذابه ..
جوري مشت تجري ل امها وقالت هذي من
نرجس وين لقيتيها صورة هذ
جوري عطتها لي خالتي
نرجس هذ نا وهذ وردة وهذ زهراء
زهراء : عليك ريتي منظري
وردة : ولا منظري عره عره وقعدت يضاحكن
جوري شافتلهن ب معنى شفتن
والبنات سكتن حطو تورته ع طاوله وطلعت ياسمين
ومشت رهف طلعت حنها من دار قعدو يغنو ي ست الحبايب ي حبيبه ي اغلى من روحي ودمي يصفقن ويغنن بناتها وحفيداتها رضيه ابتسمت وهي تشوفلهم وهي فرحانه حطت يدها ع فمها بعدين رفعتهم لعيونها مسحت دموعها لها زمان ماشافت كل بناتها مع بعضهن ملتمات وفرحانات بدون مشاكل مشت توسطتهم وهن يغننلها بضحكه
بس نظرات سحر هي تقول ليش فرحانين كانت نظرات حاقده وهم لاهيين ف الاغاني طلعت شيشه
وبدت ترش ع المكان بدون محد يلاحظ من زحمه
رشت ع كل المكانات وبعدين خشت كوجينه شافت
طنجرة صبت فيها بكل حقد وغل وهي تمتم مرض موت فقر موت دم دمار وتقول كلمات غير مفهومه  ..
..
والاجواء الحلوه سعيدة خش عليهم آيآن ف يده قنبلة الورد جا عند وذن رضيه وطربقها على راسها
طلعت ورود انفجعت رضيه وخبطاته الله يفجعك ي منجوه
آيآن كل سنة وانتي طيبه ي حبي وباسها رضيه امشي ي فرخ منيش حبك ي قليل الادب تبيني تموت منفجعه ولا منجلطه كان متت منك انت
آيآن يغني يمي يمي يمي رفع يده ويرقص يد فوق ويد تحت ويتمايل يمي يمي اجعنه يومي قبل يومك انتي عندي غالي سومك وكلهم يضحكو عليه وعلى
حركاته ..
وكل حد قدم هديته وهي فرحانه بيهم بعدين
طلعو للحاجر قعمزو فيه مولعين نار يدفو بيها
آيآن ماينفعش ماينفعش ملاك وهي متغطيه بطانيه كنك
آيآن جايب لحم فيها شوايات ..
رضيه : من بتسد ولا من بتسد ي ولد
آيآن : مش كويس بخل ي رضيوه
رضيه : اسكت ي فرخ
طلعت ياسمين شايله طاجين بيتزا ولعيال لصغار وبنات كلهم ف جرتها قعمزو ياكلو كلهم وآيآن يشوي
ياسمين : حرام عليك ي آيآن دايره طنجرة رز من بياكلها ..
سحر : نقمت ع آيآن اللي خرب مخططها ..
آيآن : عطوه لحد محتاج
سحر ؛ ليش حطيه ففريز وسخنوه بكرة
زهراء دارت ملامح اشمئزاز ع وجهها
سحر : مافيها شي
وردة : اسماح الحدايد ف يدك منمن يمي
رضيه : من ه المنجوه ..
ضحك آيآن عفوا حني ..
رضيه : رزق بنتي ي معفن
ضحكت زهراء لا الحقيقه نا جبتلك قلاية الهوائية كلي هذين بفلوسه هو
سحر : يشتغل
زهراء : اها يخدم متجر الكتروني يبيع ف منتجات
سحر : ماشاء الله وقالت ف سرها الخير اللي عندهم كله ويشتغل عليك فقري وانتي شن جابلك زهراء
زهراء : جابلي اسوره
سحر : مبروك هابا عيال غير بالاسم عندي محد ذكرني ب قطعه حلوه
رضيه قالت ف سرها ماشاء الله الله واكبر ف عيونك
نسرين : حتى نا بلال قال حرام الام عيد ف كل وقت
سحر ضحكت : قوليله معناها كل وقت يجيبلك هديه
نسرين : حرضهم كلهم وسمعو كلام فات ف هذ
نرجس : ربي يبارك التزم
نسرين : شيخ
سحر ف سرها شيخ وذني اللي هذ حالكن انتي وبناتك
خش آيآن لكوجينه شاف ياسمين دير ف لمحلبيه
وملاك تاكل ف بيتزا ورهف تغسل ف عوايز وغفران وحمادي مقعمزين ياكلو ..
آيآن اووو حمادي امتى جيت
حمادي : توا هذ
آيآن: تعال معاي نشوي قاعد
ياسمين ؛ حمادي وغفران مايحبوش شوايات طالعين لبوهم
آيآن : اها وقدم قعمز ركبه ونص وطلع علبه فيها خاتم تئبلي تتزوجيني ياسمين خانوم ياسمين انصدمت وتفاجئت بالخاتم ورهف وحمادي وغفران طربقو من ضحك اما ملاك تمنت يعرض عليها عيونها لمعو وهي مبتسمه
اما ياسمين مبتسمه ومشت معاه جو اي بئبل
قدم آيآن ولبسه لها وباس راسها كل سنة وانتي طيبه ي احلى ام شافتهم رضيه وردة ياسمين اضبطت آيآن
وهي دموعها ينزلو رضيه فرحانه بحب عيال بناتها لحالتهم ياسمين قالت ربي ماعطاهاش نصيب عوضها ب عويلة خواتها ومشت ب اتجاه الحمام توضى