ورود سامة

Part 37

ورود سامة
تأليف وكتابة يحيى ادريس
‏37 part

خشت لمكتبها لقت بوكس فيه ادوية وستربسلز
وباقة ورد محطوط فيه كرت تمرضي ودواء من عندنا
ابتسمت ب عقدة حواجب وقعدت تفكر قعمزت وهي مبتسمه ..
...
رضيه : السلام عليكم كيف حالك ..
اميرة : وعليكم السلام تفضلي ..
رضيه : نا جارتكم جاية نباركلكم ..
اميرة : تفضلي ..
رضيه : بسم الله خوذي مني ..
اميرة خذت منها طاجين وصكرت باب
زينب : السلام عليكم ..
رضيه : شنو حالكم نا جارتكم نسكن حذاك ..
زينب : الحمدلله باهي ..
رضيه : عتبة خير ان شاء الله..
زينب : ان شاء الله
رضيه : نا هنا لي اكثر من 26 سنة ..
زينب : الله يبارك نابيدي زينب وهذي ابنيتي اميرة
رضيه خذت من اميرة كباية العصير : ماشاء الله عليها السمحه مخطوبة ..
زينب : مزالت صغيرة ..
رضيه ؛ حتى نا زوزت البنات صغار توا معاي غير اثنين
زينب : ربي يحفظهن ان شاء الله
رضيه : ان شاء الله ويحفظلك احبابك
زينب : شافت نظرات رضيه ل اميرة اميرة شوفي قرايتك
اميرة : حاضر وخشت وسيبتهن
رضيه : مانعطلكمش جيت نبارك بس
زينب : كملي عصيرك
رضيه : مانقدرش ع الحلو واجد بسلامه
زينب : مع سلامه وخشت شافت طاجين بوريك ع الرخامه خذت وكباته ف كناسة ومشت لبنتها ..
فتحت دارها كانت مفرشه كتاباتها ع سرير وتقرا ..
زينب : مش كم مره نقولك معش تفتحي باب لحد مانبيش خلطه بحد ساد اللي صارلنا عليش حولنا نحنا عطتها نظرة حاده وقربعت الباب واميرة عيونها مليانات دموع وكملت قراية ..
خشت رضيه لحوشها تسلح ف وشاحها ورقيتلها ..
ياسمين : شن ندير الغداء يام ..
رضيه : ديري اللي ديريه وخشت لدارها خبطت باب
مطت ياسمين شفايفها للاسفل ومشت لكوجينه ..
...
زهراء : عندي حفلة صاحبتي اليوم  ..
عبد الله : حفلة شنو ..
زهراء : حفلة ايش يعني زفافها ..
آيآن : واو عزوز توا غير بتزوز ..
ضرباته زهراء عجوز ف عينك من ندادي اجوزن توا كلهن انا متزوجة بدري را ..
آيآن : يضحك على امه ..
زهراء : كنك تضحك
عبد الله بدا يضحك مع ولده شقلبت زهراء عيونها ..
زهراء : نقولك عشان بنمشي لكوافير وحتى رواند
عبد الله : باهي
زهراء : قصدي كشكش جيبك ي مان
عبد الله : حتى رواند
زهراء : ماهو بنختارو قفطان قبل
عبد الله : تمام
..
ايمن : هي البسي حوايجك نرفعك ل امي ..
نرجس : مش نا ماننفعش ومش كويس ماعندي مانبي ماشيه ..
ايمن : نوضي احسن م
نرجس : ما شنو مد يدك
ايمن : نوضي يلا مش فاضي لنفاخ
شافتله ب إزدراء ومشت توتي ف روحها ..
وصلها عند حوش وقال انزلي ..
نرجس : تخيل تبقى مش قاعده كيف ننزل
ايمن : دبري راسك واني بنبات اسبوع مع شباب
نرجس : كيف هك باهي شيلني لهلي
ايمن : مش فاضي نرفعك لشرق يلا انزلي
نزلت نرجس هي ولدها ومنصدمه وهو ماصدق نزلو طلع بسيارة يجري حاولت تمالك اعصابها وطق ع باب لمدة نصف ساعة بعدين طلعت عمتها
فوزية : اخيرا شرفتي ي للاه
نرجس : ايمن كان راقد
فوزية : حطي ف المسكين
نرجس : تغديتي
فوزية : مالا بنعبى عليك جايتني ع العصر وتنشد
نرجس : نديرلك قهوة
فوزية : شقلبت عيونها اللي يدير خير مايشاور
ناضت نرجس وهي خاطرها تضربها
فوزية : شافتلها وهي ماشيه كوجينة قالت جدري يرفعك ..
...
خشن زهراء ورواند لكوافير ..
اهلين وسهلين شرفتونا ي خوانم وين الغيبه ..
زهراء : بنسبة لي نا معش فضيت بكل قراية وشغل وحوش
الله يوفقك شو بتحبو ..
زهراء : انا مانبي حد غير ايلين ايواااه
رواند : حتى نا تكمل زهراء وتبدالي ..
محل محلكم مين بتحب تبدا اول ..
رواند : امشي انتي ي زهراء
زهراء : لا ماتجيش حماتي الاول
رواند : نبيك تقصيلي الاطراف
كانت زهراء مقعمزه ع صالون طلعت ايبادها تشوف تسريحات شعر والكوافيرة تقص ف شعر زبونه ..
خشت توليب وصاحبة كوافيرة وينك متأخرة لهلأ
مفكرة حالك ف دكانة ابوك المحل يضرب يقلب
وحضرتك ولا ع بالك
توليب : واللهي العظيم نجيب ف بنتي من مدرسة
ه شي ما بيناسبني خلص ماالك خبز هون انقلعي
وكل محل يبحت زهراء ميزت صوت وشافتلها
هي اختها توليب بس معقوله هذي توليب المهتمة
بروحها معقولة تشتغل هنا عامله توليب صاحبة شخصية القوية مذلوله لوحده اجنبية زهراء منصدمه خذت شنطتها وجت بتطلع
وين رايحه ي خانوم زهراء ماردتش عليها وطلعت تجري
كانت توليب تمشي وتبكي خشت لعمارتها ..
ومنها لشقتها صكرت باب كانت بنتها حاطه تبسي
جبنه مالحه ماما جيتي ويرن جرس
توليب : مشت تفتح ف الباب من
زهراء : افتحي
توليب فتحت الباب وانصدمت
زهراء : حضنتها بقوة وتوليب بادلتها وهن الاثنين ياما تباكن وقعمزت جنبها تشوف وضع شقه وضع بنت اختها تاكل تبسي فيه طشة جبنه وقطعة خبزة
شاميه قلبها انوجع ع الاخير ..
زهراء : هي صبي معاي توا نديرلكم مكان احسن
توليب : نا متريحه هنا وقريب من كل شي
زهراء:كيف ديري وشن وصلك ان تشتغلي حاجه هك
توليب : الحاجه مره ي زهراء تخليك تشتغلي اي شي
زهراء : ليش ماجبتيني باهي نا نساعدك
توليب : مانبيش امي تعرف اني مستحقه
زهراء : كيف بتعرف
توليب : تغابيني غير فيكم كل حاجه تقولن فيها لها
زهراء : توليب عنادك هذ مش هينفعك ب شي
توليب : مانبيش حد يزيدني ع اللي في
زهراء : طلعت مبلغ من شنطتها خوذي
توليب : فكيني ي زهراء
زهراء فنصت فيها را نضربك خوذيهن
توليب : شكرا
زهراء ابتسمت العفو وتبي اي شي ينقصك رني ..
توليب : شافتلها ربي مايحرمني منك
زهراء : ولا منك خيتي الكبيرة
توليب : مسحت دموعها كبيرة ف عينك
زهراء : هي نا ماشيه تبي حاجه
توليب : سلامتك
زهراء : باي باي ملوكه
ملاك : شيرتلها باي
وطلعت زهراء ..
ملاك : ماما نجيبو شاورما
توليب ؛ هزت راسها ب ابتسامه وكباب
ملاك : رفعت يديها بحماس ي سلام
توليب حضنتها وباستها ..
...
خش فجر لشارعهم كان لابس جاكه جلد سوداء وسروال اسود ويديه ف جيوبه ومعاه مهاب ويتكلمو
ويضحكو ..
مهاب : لكن ميسي زرطها ..
فجر : صكر فمك صكر فمك ..
مهاب : معلش معلش ي بو خال تاخذ سوكم ..
فجر : 😒 رفع عيونه فوق
هي وقتها تبي تصكر روشن عشان بترقد شافاته
فجر : ابتسم
بس هي ملامحها جامده نزلت سرانتي تنهد
مهاب : اوووو وين بو خال عيب عليك ي معذبهن
فجر : خش وضم فمك
مهاب يضحك وخشو مع بعضهم ..
شافو ياسمين اتضم ف صاله ...
فجر : وين امي
ياسمين : رقدت من بدري نحطلكم تاكلو
فجر : اها حطي
مهاب : لا كلينا بيتزا
فجر : ضربه ع بطنه
ياسمين : ضيقت عيونها العشاء حساء
فجر : ب إزدراء لا خلاص مانبيش شنو مطفاش ضي
ياسمين : تؤتؤ
طوط
مهاب : كان طلبت مليون جنيه
ياسمين : عطكم دعوة كيف نبي نضم توا ..
مهاب : وسعي بالك توا نولعو الماتوري
فجر : ولعه بروحك مش شوري نا لابس
مهاب : ع اساس نا عريان
مهاب : تقارن روحك بي ي سرافه
ياسمين : واحد فيكم يتحرك يولعه
..
رن تليفونها ردت الو ..
عبد الرحمن : يعني مافيش شكرا عفوا حتى عظم الله اجرك
وردة : على شنو بنشكرك
عبد الرحمن : ولا شي ولا شي
وردة : يا سيدي شكرا
عبد الرحمن : بس نا مش سيدك
وردة : ضحكت تمام ي مديري ف العمل
عبد الرحمن : شن وضع عندكم
وردة : الضي طفا وتوا شكلهم ولعو المحرك
عبد الرحمن : باهي عادي نسألك سؤال شخصي
وردة : لا طبعا
عبد الرحمن : عام
وردة : اوكي
عبد الرحمن : انتي كان في حد ف حياتك من قبل
وردة : لا بس
عبد الرحمن : بس شنو
وردة : بس شكله ف حد يعني حاسه روحي متلخبطه
عبد الرحمن : ابتسم وقال يسس خطرها عجباتك
وردة : اممم عجبتني اغلب الادوية عطيتهم ل امي
عبد الرحمن : شفتي يعني عارفه على شن بتشكريني
وردة : ماتغيرش موضوع وانت ف حد ف حياتك
عبد الرحمن : ف وحده طولها 150 وعيونها مدورات
وردة : بس انا طولي مش 150 ولا عيوني مدورات
عبد الرحمن : توا نا قلت انها انتي
وردة فطنت لروحها وجهها انحمر وصكرت تليفون
عبد الرحمن : ضحك ي بنت العبيطه
وردة : ندبت حي علي شن درت نا وووه حطت يديها ع وجهها وعيطت بغيظ غبيه غبيه غبيه
..
خشت زهراء لحوش شافت آيآن وعبد الله يلعبو بلاستيشن
زهراء : انت شن دير مزلت واعي
آيآن : نلعب
زهراء : هي وقت نوم
آيآن : بس امي
زهراء : هي
عبد الله : اسمع كلام امك هي
آيآن : اوفف
زهراء مشت اتجاه جناحها وعبد الله وراها
زهراء : تعشيتو
عبد الله : طلبنا من مطعم
زهراء : تحول ف عبايتها وخمارها
عبد الله : امبدري وين مشيتي
زهراء : ف الفرح
عبد الله : وقت كنتو ف كوافيرة رواند ترن عليك ماحصلتكش بعدين رنت علي قالت انك طلعتي
من كوافيرة ونا رنيت عليك ماردتيتيش
زهراء هي تحول ف قلايل من وذانها ضيقت عيونها شن قصدك تشك فيا انت :.
عبد الله : من حقي تعرف طلعتي وماقلتيش وتليفون مترديش عليه
زهراء : شفت اختي توليب طالعه من كوافيرة لحقتها وتقدر تعرف من كاميرات مراقبة وين خشيت واختي وين تسكن بزبط
عبد الله : حبيبتي نا واثق فيك بس خايف عليك
زهراء : رقيتلها حتى اختك مش عارفه كيف تفتن
عبد الله : مش قصدها هي خافت عليك
زهراء : قعمزت وب عصبيه تمسح ف مكياجها
عبد الله : خليه
زهراء : شافتله بتعجب
عبد الله : سمحه هك
ابتسمت وحولت عبايه
عبد الله :. الله الله وطفى ضي
...
ثاني يوم ..
ياسمين : وردة وردة ..
وردة : هممم
ياسمين : صبي لشغلك
وردة : من تحت البطانيه مانيش ماشيه
ياسمين : طلعت وسيبتها رضيه تمسح وجها ب منشف قالت مش ماشيه رضيه هزت راسها وتي الفطور
ياسمين : باهي ومشت لكوجينه ..
فتحت شيشمه تعبي ف براد اميه ..
يرن تليفونها تاخذه من ع سكريات وترد الو ..
ايوا من معاي ..
رايفت عليك واجد 10 سنين ونفس صوت ماتغيرش
ونفس لهفه عليك كان تعرفي كيف مرايفلك ومرايف
لعيونك وضحكتك وكلامك احكي ماتسكتي بكلل
ياسمين : صكرت الخط وقعمزت ترتعد بكل مافيها