ورود سامة

Part 23

ورود سامة ...
يحيى ادريس ..

نهاية الدوام ..
طلعو من الفصل ..
ابراهيم : ماتبيش تقول شن صار معاك ..
فجر : عطيتها اللي فيه نصيب وخلاص
ابراهيم : كيف يعني
فجر : مش ضروري تفهم المهم كسرتها ..
حامد:وضميرك متريح بعد كسرتها متخافش ع خواتك
فجر : كذا اسكت اسكت اسكت
منصف : حمدلله بكرة جمعة
فجر : بنضربها نومة للعشاء ..
وهما طالعين شافها ترجى ف سيارة بوها نظرتها
ماتبشر بخير تجاهلها ومشا مع اصحابه وردة طلعت
مع صحباتها ..
ساعة 3 العصر  ..
الله واكبر الله واكبر الله واكبر فوق كيد المعتدى والله للمظلوم خير مؤيد أنا باليقين وبالسلاح سأفتدى بلدى ونور الحق يسطع فى يدى قولوا معى قولوا معى الله الله الله أكبر الله فوق المعتدى"
وردة : قعدت تشوفله وهو يغني بصوت عالي  ..
فجر : الله الله الله واكبر الله واكبر ..
وردة : قدمت خبطاته كارشو ع ظهره بقوة
يعيط فجر ي حيوانه واللهي نوريك ويطلع وراها
وهي تخش لدارها تقفل على روحها وتضحك وفجر
يتحلف فيها وريني كيف تبي تطلعي هي وريني ..
وردة : ضحكت وقعمزت ع سرير ..
ومشى خذا كراساته لمربوعه ..
رضيه كملت صلاتها نعاني ف مفرخ نا حتى صلاة الواحد مايتهنى فيها عياط وصريخ قلة ادب وقلة عقل طلعت وردة بعد اكدت مافيش حد قعمزت
تفرج ع مسلسل قعمزت ياسمين جنبها كنك انتي وياه
وردة : خوك البارد غابيه فيه حقير وباردد..
اياد : ياسمين مافيش حاجه توتكل جيعان ..
ياسمين : طاجين ف الكوشه ورز فوق الغاز ..
طلع اياد وياسمين شافت لتلفزيون شن صار فيها ..
وردة : اليخاندرو عرفها على حقيقتها وسيبها ..
ياسمين : مسكينه
وردة : واللهي انتي اللي مسكينه
....
صوت كلاكسات نزلو يجرو خشو الحوش ..
طول سلمو على رضيه اللي مفرشه ف الحاجر ..
ف نفس لحظة جت فيها توليب وعلاء ..
قدمت نسرين ل امها وسلمت عليها وبعدها توليب
توليب : خلاص سادك وخذت امها سلمت عليها ..
ياسمين : وهي ماسكه ملاك ف حضنها تبوس فيها
شافت لمهاب متنطر فوق شجرة ضحكت يا خسارة بلال كان جا ..
نسرين : مانقدر اشرف محرص عليه يقعد خصوصا امتحانات جزئي الاحد يعني بيقرا اليوم وبكرة يراجع
كلي مهاب قال نمشي يعني نمشي ولا نلحقكم ع كرعي يديرها مش طبيعي وبيني بينكن خفت يمشي لعيت جده الاخرين بلال اعقل منه ..
وردة : مهاب نحس فيه يطلع فاشل افندي
نسرين : ردي بالك تقولي كلام هذ قدامه مايصدق كل شوي فاتحلي موضوع نبي نبطل نبي نبطل ..
توليب : ضحكت الاب يتعلم ف اخر العمر والابن يبي يبطل
الكلمة وجعت نسرين بس دارت روحها عادية ..
وردة : هذ اللي صار
توليب : كيف فاتحة وخالتي مزال مافكت الرباط
نسرين : امي تبي تحضر
نرجس : خالتي صفاء عزمتنا
ياسمين : نا وامي مش ماشيات
نرجس : هن عمرهن ماقصرن معانا ف كل مناسباتنا
توليب : بس معمرهاش صارت مناسبة عندنا وحالة وفاء عند وحده من خالاتي والله خالتي صباح تزعل
وردة : الحي ابقى من الميت بعدين امل من حقها تفرح
توليب : مطت شفايفها للاسفل
...
فاتحة امل اللي حضرنها بنات المدرسة في منهم صحبات مشتركات مع نرجس وفي منهن صحبات
لوردة ..
ايناس : شخبار زهراء ..
وردة  : كويسه قاعده ف حوشها ولدها كبر
ايناس : ماشاء الله سيبت قرايتها
غادة : لا وين زهراء تقرا ف مدرسة خاصة
ايناس : ماشاء الله ربي يعطيها صحه
صفاء : خشت على نرجس ف كوجينة وين امك وخواتك
نرجس بلعت ريقها امي ماتقدرش تحضر والبنات نفس قصة عشان خالتي صباح عارفه الوضع ..
صفاء : عقدت حواجبها وقالت امم هزت راسها وطلعت ..
غادة : نرجس تعالي شن قاعده ديري هنا
نرجس : خالتي صفاء شكلها زعلت من امي
غادة : عادي يزعلن ويتراضن هي تعالي نصورو مع امل
وناضت سحر اللي كانت مكيجه ع الاخير وترقص ع حيلها وكلهم يبحتو فيها كيف دارت اجواء وحركات
غادة : من هذي
وردة : من عزمها البارده هذي
امل : نا ماعزمتهاش بس عزمت صحباتها
غادة : بارك الله فيها دارت جو مش عادي
سحر :شافت غادة ماشيه كوجينة نساعدك ف حاجه
غادة : لا تريحي حبيبتي
سحر : واللهي ماتجي نا سحر نقرا مع امل
غادة : ماشاء الله انتي مواليد كم
سحر : 88 وانتي
غادة : 85 اكبر منك
سحر :حي مش باين عليك يشوفك يعطيك ف تسعين
غادة : دمك خفيف باين عليك
سحر : يقولو انا سحر تقدري تقوليلي سحوره
غادة : وانا غادة
سحر : وشن نقولك
غادة : لا قوليلي غادة بس
وكانت سحر يد بيد مع غادة ونرجس وردة قعمزن
لانهن مش طايقات سحر كانت مع غادة طول الوقت وقت جا وقت ترويح صفاء حلفت تاخذ عشاء لهلها
فرحت سحر وطلعت ب صونيه بعد خذت رقم غادة
صفاء : واللهي كويسه البنيه هذي ..
غادة : اجتماعية
نرجس : خالتي مع سلامة جا هارون
صفاء : مع سلامة وخشت وسيبتهن وماعطتهن شي
وردة : اوكي وطلعن
ف الوقت نفسه طلعت سحر شافت البنات ركبن مع
هارون ضحكت ركبت سيارة بوها ..
غادة : ماعطيتيش عشاء لخالتي ولا حتى حلو
صفاء : نعطيها وهي ماجت تبارك لا هي لا باقي بناتها
غادة : بس عطيتي البنت الغريبه
صفاء : البنت هذك شفتي نشطت الفاتحة رقصت وغنت تقول هي من الحوش وناضت تساعد تقدم
وتغسل ما ريتها قعمزت لكن بنات خالاتك مقعمزات
غادة : نرجس كانت ادير ف نسكافي خشيتي هزبتيها
صفاء : نا ماهزبت حد بعدين بوك وعرفته يشوفهن طالعات ب حاجه يطين عيشتي نا يعرف اللي خاشه واللي طالعه مش غريب تلقيه حاسب اللحم وحبات رز ..
...
نرجس : طلعت زي الاميرات ..
وردة : ولا خطيبها واوووو مش لها بكل
زهراء : خسارة فيها لا شكل لا خفة دم
توليب : اثقل من دمها ماريت
وردة : مشكله دير ف روحها حانطة
ياسمين : استغفر الله العظيم وخلاص وضحكت
نسرين:خالتك كان ماتحشم ع وجها دز صونيه لاختها
نرجس:سئلتني عليكم قتلها عشان خالتي قلبت وجها
توليب : خالتي صفاء هذ مانقبلها من يومها منافقة
وردة : ورافعه خشمها علينا لكن قلت نرجس نقعمزو مانتحركو
نسرين : احسن مادرتن
ياسمين : لا عيب ماتجيش
توليب : وهي اللي دير فيه مش عيب
وردة  : تخيلي من اللي تقدم وتساعد
ياسمين : من
وردة : سحر
ياسمين : شن جابها
وردة : بارده لصقه محد عزمها وصاحبت غادة
نرجس : وخالتك دزت معاها صونيه ونحنا لا
نسرين : اكيد عشان هي تخدم طبعا خالتك هذ كان نحصلها
ياسمين : اللي يسمعكن تقول مشتهيات
وردة : خطرها ي زهراء سئلت عليك ايناس
زهراء : مثقل دمهن بنات مدرسة هذ معش بنعرف
توليب : طبعا توا ما تصاحبي الا ف طبقة راقية
زهراء : مش هك بس خلاص معش نحب اختلاط
نرجس : ناضت تغير ف دبشها
...
جبريل كويس وعاجبته كيف انتي محترمه ..
فرح : امينه انتي بنت عمي على عيني وراسي بس
امينه : بس شنو
فرح : خوك كيف خوي
امينه : والله كويس بشقته ويبيك ..
فرح : انا ماعنديش اعتراض عليه بس مش متقبله
امينه : على راحتك
فرح : زعلتي
امينه : لا كله نصيب
فرح : هي تعالي نديرو حاجه توتكل
امينه : حصلتي شغل جديد
فرح : نبيع ف كعك حلو ومالح حتى المناسبات
امينه : ماشاء الله خوي ماغلط وقت اختارك
فرح : امينه
امينه : خلاص خلاص دوقينا من كعك بتاعك
فرح : نديرلك الاحسن منه دونات
امينه : شن هو
فرح : توا تذوقي
...
وتمشي الايام بسرعة ..
علاقة سحر ب غادة تطورت وقعد ف مشي وجي بينهن لكن امل مش طايقتها ..
امل : مليون مره لما يجي خطيبي ماتكلميهاش
غادة : انتي تعرفي ان يوم عندها ويوم عندي
امل : ماشفتيش نظراتها له وحركاتها
غادة : امل حرام كلام ف الاعراض
امل : كذا اسكتي بالله عليك ياريتها حتى من عمرك
غادة : كلهن 3 سنين بيني وبينها عليش اسلوب هذ
صفاء : خلاص انتي وياها ديرن ف مشاكل
امل : شوفي بنتك ي امي تلمد ف اشكال مش عارفه كيف
صفاء : خلاص ي غادة تعرفي بوك مايحبش لضيوف
غادة : خشت لدارها وسيبتهن
..
غادة : الو ي نرجس
نرجس : كنك
غادة : عادي نجي نبات عندكم
نرجس : عادي
غادة : نبي حد ياخذني من هنا
نرجس : تمام توا نشوف هارون
غادة : اوكي
رضيه : شنو اللي غادي ومن اللي بتشوفيله هارون
نرجس : غاده تبي تجي
رضيه : وكنها وعليش جايه بعدين ماعندهاش حوش تقعد فيها مااذكرتنا ب شيشة راني ..
ياسمين : خلاص خليها تشوف هارون ي امي
رضيه : مافيش هي
نرجس : عيب يمي تخيلي قلتلها باهي نا
رضيه : مادخلنيش
ياسمين : عيب يمي امتى عمرك قلتي لضيف لا
رضيه : عقدت حواجبها وساكته
نرجس : طلعت بلغت هارون ..
..
طلعت غادة من دارها وصاكو ف يدها ..
سالم : وين رحله ..
غادة : ماشيه عند خالتي رضيه
صفاء : خشي لدارك خشي
غادة : مانيش خاشه بنمشي كلمتهم وقاعدين لوطه
صفاء : طلقت فيها حكة طماطم
سالم : صفاء الطماطم غالي خليها تمشي توفر علينا فردة خبزة وكباية الحليب ..
غادة : نزلت ركبت سيارة سلام عليكم
هارون : وعليكم سلام وطول طريق ساكت
غادة : متحشمه وخايفة وتفكر كيف لقاءها ب خالتها