ورود سامة

Part 45

رن تليفونها فتحت عيونها منفخات من بكاء شافت
رقم ولدها مهاب ولدي
مهاب بصوت باكي : امي ..
نسرين : هاه ي امي شن فيك بسم الله ..
مهاب : خالي فجر ..
نسرين قالت بعبطه / كنه فجر
مهاب بصوت باكي : خالي مات
نسرين : شافت ل اشرف بصدمه ..
اشرف : هز راسه بمعنى شن في  ..
..
نسرين : وهي تبكي كيف بنقولها ه الخباره ..
اشرف : نسرين انا من نحنا ف الشقة قتلك ماتقوليش لامك تفجعيها مش
نسرين : نزلت وخشت ترن ع جرس ..
فتحت ياسمين الباب هلا كنك تبكي 
نسرين : دموعها ولا وقفن مع طلعة رضيه شافتها
رضيه : المغضوب ضاربك
نسرين ؛ هزت راسها بنفي وبدت تبكي
رضيه : في من
نسرين: فجر
رضيه : وووه علينا وووه
صوت كان واصل ..
لجيرانهم منصور ي ساتر ..
صهيب : وقف وطلع ..
اميرة : كانت ف دارها ناضت طلعت شن في ..
زينب : عياط عند جيران ..
صهيب ؛ سلام عليكم ..
اشرف : وعليكم السلام ..
صهيب : خير ان شاء الله صوت عياط جاي
اشرف : فجر استشهد ف الحرب
صهيب : عيونه امتليو دموع ..
ومشا خش لحوشهم منصور شن في ي ولدي من ..
صهيب دموعه نزلو ..
زينب : كنك ي ولد ..
صهيب ؛ فجر ..
اميرة : جحظو عيونهم ونار ف قلبها والعه ..
منصور : لا اله الا الله شهيد شهيد ف جنه ..
زينب : حي رضيه لبست محرمه صلاه وطلعت
منصور : مشا لداره قعمز ع سرير يبكي ..
اميرة  : فمها يرتعد ودموعها طاحو ..
صهيب : مسح دموعه وشافلها
شافتله بنظره كره وركبت لدارها ..
وهو طلع ورا امه اللي خشت ع رضيه ..
زينب : وحدي الله ي رضيه ..
رضيه ؛ ولدي جيبولي ولدي نبي نشوفه ولدي صغيري ي فجرررر
زينب اضبطتها تبكي معاها شهيد شهيد ..
ياسمين : من كثر لبكاء فقدت وعيها ..
نسرين : ياسمين بسم الله ياسمين ..
...
فتحت نرجس عيونها ..
بتعب شافت باب دار انفتح خش منه ليث يجري ..
ابتسمت نرجس وقت شافاته قال ماما قعمز ع سرير ..
نرجس : ي روح ماما انت ..
ليث : ماما حبك نا عاش تسيبينا
نرجس ؛ عمري مانسيبكم ي عمري وحضناته بقوة
ليث : باسها ..
نرجس : وين جوري
ليث : مع حنينه شريره
ضحكت نرجس وعضت ع شفتها سفليه وقت خش ايمن : حمدلله ع سلامتك ..
نرجس ؛ الله يسلمك
ايمن : هي درت خروج
نرجس : تمام
..
مهاب : الو بوي ..
اشرف : ها مهاب وينكم ..
مهاب : خالي عايش ي بوي عايش عايش
اشرف : شن تقول انت
مهاب ضحك : والله عايش عطيني امي
اشرف خش عليهم جوا ..
اشرف : عمتي
نسرين ؛ كنك ي اشرف امي تعبانه
اشرف ؛ يبيها مهاب ف حاجه
نسرين خذت تليفون ومداته ل امها
رضيه : ها مهاب
مهاب ؛ امي خالي حي يرزق انضرب صح ف بداية فقد وعي بس من تأثير رصاصه توا طلع من عمليات
كويس يمي واللهي
رضيه : حطت يدها ع قلبها قول واللهي ..
اشرف : فجر حي طلع
صهيب : يمسح ف دموعه شنو
اشرف : توا كلمني مهاب ولدي هو بلغنا خبر وفاته
صهيب : حضن اشرف بقوة اشرف ضحك بصدمه
وصوت زغاريت نسرين ..
الخبر وقت سمعاته توليب من زهراء مشت تجري مع علاء ..
لمستشفى اللي كانت نفسها راقده فيها سحر ..
اياد : وقت شاف علاء سلاما قولا ربا رحيم
توليب : وين فجر
اياد : شاف لهارون
علاء ؛ حمدلله ع سلامته شباب
هارون : تشوف ف اللي نشوف
اياد : صدمه كبيرة بسم الله انت اكيد جن
علاء : واللهي نا علاء ومد يده
اياد : كذا قول شنو اللي ف يدي هذ 
علاء : طاسه *
اياد : امك رقاصه
علاء : ضربه ع صدره الا الام
هارون : علاء جديات وحضنه
رضيه : وليدي وين وليدي وشافت علاء اعوذ بالله من شيطان رجيم
زهراء : شكلنا مجيناش مستشفى خشينا ع الاخرة طول
ياسمين : علاء راجل توليب
اشرف : علاء
علاء : او عديلي وسلم عليه
مهاب : امي
نسرين : حضنت ولدها لعيونه حمر ويبكي
رضيه : انت ي مغضوب عليش تفاول ع خالك ان شاء الله ف راسك الكبير
زهراء : هي ي امي تعالي ومشن لجهة ثانية
كانت توليب انصدمت وقت شافتهم ..
توليب :
رضيه : شافتلها وكانت تبكي
توليب : قدمت ل امها وحضنتها بقوة وبكت
ورضيه ؛ قوت حضنتها ريتي خوك ي توليب
توليب : ااااه سامحيني يمي سامحيني حبيبتي
زهراء حطت راسها ع كتف ياسمين ونزلو دموعها
..
كانت اميرة تبكي وتهز ف دارها مع خشة امها
زينب : فتحت دار بنتها وقربت لبنتها تحبيه ..
اميرة : نحبه يمي نحبه مات يمي خلاص والله ما حكينا عشان بابا وصهيب احتراما لهم يمي نحبه قلبي يوجع فيا
ومنصور اللي وصله بكاء بنته قلبه تقطع عليها
وصهيب مقعمز ع دروج ودموعه ينزلو وهو نادم
ويدعي فجر يطلع منها ع خير ..
زينب : باهي نقولك حاجه ..
اميرة : اااه يمي مش قادره نسمع حاجه اخرى
زينب ؛ حتى لو قتلك فجر عايش وهله عنده ف مستشفى توا
اميرة : كذابه
ضربتها ع كتفها من امتى نكذب نا ..
اميرة : عايش يمي فجر عايش واللهي ..
زينب : واللهي العظيم ثلاثه
اميرة : ابتسمت بين دموعها ..
زينب : تضحكي ي معفنه ..
..
طلع دكتور وطمنهم ع وضع فجر وزهراء مسكت توليب تعالي ي كلبه راجلك كيف طلع ...
نسرين : قالت شبيك لبيك طلعلها علاء ..
ياسمين : باهي ماتقدريش تقولي شبيك لبيك بالك يطلعلي عريس ..
وضحكن البنات ع نكت ياسمين وحضنن توليب ..
..
بعد يومين
طق الباب طلع اياد فتح باب عمي منصور تفضل
قعمز فجر بوجع ..
منصور : سلام عليكم ..
وعليكم السلام ورحمة الله
منصور : حمدلله ع سلامتك ولدي ..
فجر : الله يسلمك عمي شخبار صهيب
منصور : كويس وهو متحشم منك
فجر : صهيب زي خوي ومصارين البطن يتعاركن
منصور : هذ عاجبني فيك من اول ماشفتك قلبك طيب
فجر : ابتسم
منصور : عشان هك نا موافق ع طلبك
فجر : اي طلب
منصور :. شكلك نسيت خلاص مالا حتى نا
فجر : لالا انت مالا شنو انت غالي وافقت يعني وافقت يعني نجيب هلي
منصور : اسمع الفرح بعد ماتخرج ونشوفك داير شقه بنتي مش رخيصه عندي
فجر : ولا رخيصه عندي بنتك تعيش برنسيس
منصور : احم احم متاخذش راحتك بالحيل
فجر ؛ والله عمي منصور عسل انت
..
اياد واقف في كافيتيريا مستشفى صباح الخوخ ي كل مانشوفك ندوخ ضحكت الممرضه مريض ممكن رقمك
الممرضه : وشن مرضك
اياد : تعالي ع الخاص
الممرضه ضحكت جو جماعة الفيس
شافاتله فرح ب إزدراء عيب شن قلة ادب هذ مستشفى مكان محترم هربت ممرضه وبحتت ف اياد وانت ماتحشمش ع وجهك بكلل
اياد : شن غرتي ي فرج الله عليك دنيا صغيرة
فرح : اسمي دكتورة فرح مش فرج ي نسونجي وعلى شن بنغار عليك ..
اياد : ع قول فارس كرم واللي مايحب نسوان الله يبعتلو عله ..
فرح : مريض
اياد : بحبك ي حبي ماتشوفيش ف صدف هذين علامه ع حبنا وانا نحنا من نصيب بعض
فرح : غير احلم نا دكتورة فرح نهايتي فاشل زيك
اياد : هوب هوب احترمي نفسك
فرح : عارف روحك كلب تعوي ومشت وسيباته
اياد : يابنت الابلسه
...
نرجس : يحكيلي ولدي ليث شالني مستشفى
دكتورة رفعت حواجبها : يعني خاف عليك
نرجس : طبعا هيخاف هو مش سيء لهدرجة
دكتورة : تحبيه
نرجس : منعرفش يمكن عشان اب عيالي او تعودت
دكتورة : وشن قالك ع انك تخدمي دكتورة
نرجس : قالي كبرتي ومريضه
دكتورة : ماتسمعيلاش بالعكس لو تحبي خدمتك هيساعدك نفسيا
نرجس : اكيد نحب نبقى دكتورة نعالج ناس
دكتورة : فرحانه نرجس
نرجس : ع الاقل اني عشت لصغاري ليث جاني يجري حضني وكل يوم يبوس في ونا راقده لعند نوعى ونلعب معاه شوفي هذ هو  ..
الو حبيبي ..
ليث : ماما امتى تلوحي ..
هي شوي ونروح ..
ليث : كيكا وتوبا وسنتوب ..
حاضر حبيبي ..
ربي يخليه لك وتشوفيه ف اعلى المراتب
ابتسمت نرجس امين يارب انا لازم نمشي
وناضت طلعت من غرفة دكتورة وهي طالعه
كان خاش ولد الدكتورة شافها وهي ماشيه ابتسم
ودق ع الباب
شريفه : اهلين بالدكتور ..
فاتح : شني مني وميل راسه ..
شريفه : مرا متزوجة وعندها زوز صغار ..
فاتح : خسارتها ع طول الحاجه لمليحه فايتتنا
شريفه : احترم نفسك امك اني تهدرز قدامي هك
فاتح : ضحك استاحشتك حبي
شريفه : حتى اني
ليث قعد يلعب ب تليفون بوه وبوه يلعب مع جوري
ايمن مسكها يعلم فيها المشي جوري حركت يديها فوق وتحت وقالت باباااا ضحك ايمن وباسها رد بالك
تقولي ماما قولي بابًا خليها تموت بغيظ
جوري اءءء باب اءءء ..
ايمن : قولي بابا ..
جوري : بابا
ايمن : بابا
جوري ضرباته ع فمه
خشت نرجس شافتهم ابتسمت وقالت انا جيت
ليث : ماما ومشا يجري حضنها من كرعيها
..
زهراء : سلام عليكم ..
هالة انصدمت وقت شافت زهراء
زهراء ؛ مرحبا حضرتك ام هالة
انجي : ايوا وانتي
زهراء : وانت بوها المش متربية اللي اسمها هالة
هالة : زهراء الزمي حدك
عثمان ، شن في
هالة : مافي شي بابا هذ وحده مجنونه
زهراء : مجنونه صح توا ي مدام انجي لو قعدت نتصل ب راجلك ونخليه يجيني ف حوش ب روب نوم
انجي : شن تقولي انتي
زهراء : بنتك مش محترمه نفسها وتجري ورا راجلي
ودزلي ف رسائل وع العموم نا صورت محادثاتها لعبد الله وهو يتهرب منها وحده تلحق ف راجل متزوج تبقى ما شافتش ب جنيه تربية
عثمان : شن تقولي انتي
زهراء : طلعت تليفون هذ مش رقم بنتك شوف بروحك
عثمان شاف لبنته والتليفون وجه انسود وقعمز
زهراء : ياريت دورولها ع عريس ف اسرع وقت بنتكم وضعها خطير
عثمان : شاف لهالة
هالة : بابًا كذابه هذ
عثمان ؛ ضربها كف لعند وجهها برم
ابتسمت زهراء وخذت تليفون من يد عثمان
وطلعت وهي مبتسمه بخبث وركبت سيارتها
وتحركت
عثمان : توا تلمي دبشك نحطك ف راس لتراب عند جدك
هالة : لا بابا لالا جدي لا
عثمان : احمدي ربك هذ حد عقابي مايشرفني وحده زيك تناديلي بابًا
انجي تبكي ع بنتها وهالة تبكي ع حالتها
زهراء ف سيارتها مولعه اغنية ولعت ي حي عليها وتضحك وهي تبرم ف دومان ..
وصلت لمكان ونزلت قعمزت جنب عبد الله ع كرسي خشبي كبير وقالت عبد الله انا حامل ..
شافلها بصدمه ودمعته نزلت مانزلتيش ؟
هزت راسها بنفي
عبد الله رفع يده وابتسم انتو كويسين انتي وهو
زهراء : هزت راسها ب ايجاب كويسين
عبد الله ابتسم وحضنها وهي تضحك معاه
..
بعد مرور اشهر 
توليب : لا مش ناويه خلاص ملاك سدتنا ..
نسرين ؛ افتكيتي
توليب : نرجس مش جايه
نسرين : من الاحداث اللي صارن اخر فترة نسيت نقولك
توليب : شن في
..
اما عند اللي يحكو عنها ..
نرجس : حاطه يدها ع خدها مثلا لو رديت ك مساعدة ف العمل مش هتقول انهبلت وحده مريضه وكبيرة
فاتح : شن كبيرة هذ را عمرك 29 مش 59 وضحك
نرجس : يعني ماتقولش انكلبت
فاتح : مش هنقول هك برأيي الطب يطلع عليك ي دكتورة نرجس
غطت نرجس وجهها بيديها وهي تضحك ...
فاتح : اضحكي مايليق ع وجهك الا ضحك
وايمن كان جاي لمستشفى يحضر معاها العلاج
تفاجئ انها مقعمزه مع حد وتاخذ وتعطي معاه وتضحك كتله من الغضب ولعت ف صدره وملامح
تجهم على وجهه
...
فجر : صحه صحه
اميرة : تاكل ف سندوتش وفمها مليان قالت شلمك
ضحك فجر وقال كولي ي دبه كولي ..
فنصت فيه اميرة ومسحت فمها بالمنديل من دبه
فجر : ضيق عيونه تعرفي انك وانتي شدوق احلى
رفعت حاجبها وهو قرص خدها شديقاتي نا ..
ضحكت اميرة وهو ضحك عليها ..
...
اياد : شفتك حبيبتي شفتك
فرح : يديها ف جيوب بالطوها شن تبي جاي
اياد : مريض ي دكتورة
فرح : شن يوجع فيك
اياد : حط يده ع قلبه قلبي ي دكتورة
فرح : امشي دكتور قلب مش تخصصي
اياد : انتي مرضه
فرح ؛ واللهي وكيف
اياد : مريض فيكي
فرح : ي مريض ي مريض
اياد : يحبك المريض
فرح : اسمع هنا مكان شغل مش لعب وسهوكه
اياد : وهو يبرم ف عيونه جو ع وحده خاطمه حلوه
قعد يبحت فيها ركزت فرح وضرباته بوني ع بطنه
اياد :. اه ححححح عنشكلك واعره
فرح : تستاهل ي صايع ي نسونجي ومشت وسيباته
وهو حط يده ع شعره تحبني تغار علي وضحك بعدين حس بالم ف بطنه مشا يتأوه ..
..
خش بلال عيطو لعيال كلهم بلال جا ..
بلال ي مرحبا ي مرحبا ومدلهم شكارة شوكولاطات
ملاك : خذت شوكولاطه
بلال : خوذي 4
ابتسمت ملاك وخذت 6 ومشت ل آيآن كان زعلان
خوذ
آيآن : ما خاطري ف شي
ملاك ؛ ليش زعلان يجيكم بيبي حلو
آيآن : عيونه مليانات دموع مش بيبي ومش حلو نا مش زعلان ومشا وسيبها كلهم ركزو مع ملاك ..
بلال : متعدليش عليه
ملاك مطت شفايفها مش زعلانه
غفران بحتو بحتو وقعدت ترقص بطريقه مضحكه
خلت ملاك تضحك وبلال يضحك ع حركات غفران
محمد كان بيضرب اخته بس لما شاف ضحكه امنه
وتاكل ف شوكولاطة ابتسم وهام معاها عكس دموع
آيآن اللي كان يشكي لخالته ..
ياسمين : حبيبي خيتك هذ ..
آيآن : امي عمرها ما باستني شفتها باستها
ياسمين : مش تجيبلك ف لبس والعاب بعدين وانت بيبي باستك بس انت مش متذكر
آيآن : امي تقولي انت غلطة حياتي ديما تقول فيها وتقولي ماتقولش امي هي متحبنيش
ياسمين : شافتله بوجع اكيد انت درت غلط
آيآن : لالا حتى ونا ساكت امي متحبنيش وبعد جت بيبي قعدت تهزب في اخرى نا محد يحبني
حضناته ياسمين انا نحبك حبيبي انت وليدي اللي ما جبته
وردة واقفه ادير ف غداء ..
عبد الرحمن : السلام عليكم ..
وردة : وعليكم السلام ورحمة الله
عبد الرحمن : ماشيين لحفلة اليوم
نوارة : جا عبد الله وعزمني
وردة ؛ حفله شنو
ضحكت نوارة اختك جابت بنت ودايره حفله ف صاله ماعندكش علم
وردة : لا عندي علم بس نسيت ..
نوارة : وتي روحك مالا بتمشي بسرافتك
وردة ؛ تعبانه ماعنديش نيه نمشي
نوارة : تعبانه ولا بعد هربتي مع ولدي متحشمه كيف تجيهم وتوري وجك
وردة عيونها دمعو وشافت لعبد الرحمن ..
عبد الرحمن : لما يطيب غداء عيطولي وركب ..
وردة : تهز من الغضب ودير ف الغداء
نوارة : سقدي روحك مرخيه را ..
.:.
ف الليل ..
كان الحفله شايشه ع الاخير ملاك ورهف وامنه
يرقصن وياسمين تفرج عليهن ومبتسمه اما نسرين
نسرين : مرات خوك انظر وين غاطسه ..
توليب : مش مهم نا وجهي طاح وهم ينشدو ع نرجس وردة شوفي امي كيف طلع ف اعذار ..
نسرين : سحر جاية قالو ماشيه لكوافيرة ..
توليب : تزابي ف زهراء
نسرين ؛ ماتجي ف حافرها لخمجه هذ
خشت سحر لابسه قفطان ودايره تسريحه ومعاها بنتها وكل ناس تبحت فيهن سحر رافعه الخشم ومشت قعمزت ع طاوله بروحها وغفران جنبها ..
سحر : تحركي من يلاي نذبحك ..
غفران ؛ بنلعب مع البنات
فنصت فيها سحر ..
امل : تحدد فرحي ف شهر 10 ..
ابتسمت ياسمين ربي يتمملك ع خير ..
امل ؛ امين يارب عقبالك ..
ياسمين : غادة مش جايه شكلها ..
امل : لا جايه اصلا زهراء وقت جابت غادة جتها وماخلت ما جابت معاها
ياسمين : وبنتها وين تحطها
امل : عندها مربيه
ياسمين :. ماشاء الله
وتخش غادة عليهم لابسه قفطان ازرق ومتزينه
ولابسه ذهب رغم بساطتها لكن غطت ع سحر اللي
كانت تفشك وغادة تضحك وتبصر خطفت لقلوب
وياما رضيه ندمت روحها انها ماخذاتهاش لهارون
توليب : ي خساره عليك حظ ريتيها وريتي لفعه
نسرين : لفعه هذك وحدها مش قصاد وجوهنا الحاجه لكويسه
ياسمين : شخبار السنفوره
غادة : لا ترقد فينا ليل ولا نهار بس الحق رامي مساعدني بذات ف الليل هو يرقد فيها وقت يبقى عندنا طلعه نجيبو ف مربيه عند هله كلهم مربيه العيال والاحفاد
ياسمين : ان شاء الله حظك كيفها ي امل
امل : نا اللي خذيته وحيد امه وهنعيشو معاها
ياسمين : لا ايامك فل
ضحكت امل مش غير دعوات الحاجه صفاء ..
...
وخشت زهراء ب عربة بنتها وكانت زهراء طالعه زي سلطانات والملكات حطت ع مسرح واغنية اهلا ي ماما وبعدين جابت بيبي وكل الاطفال يرقصو ويغنو
غادة مشت تعدل ف مكياجها ف الحمام ..
خشت سحر رافعه طرف قفطانها وقفت جنبها
عند لمرايا وهي تفتح ف جزدانها شخبارك ي غادة
غادة وقفت ومنصدمه فيها
سحر : تعرفي اني رايفت عليك ، كان خاطري نقعدو صحبات زي زمان هو انتي متعرفيش انك اغلى حد ف حياتي ولا شنو طلعت روج ودارت منه
شافتلها غادة انتي مريضه هارون وسيبته لك واجوزت خليني ف حالي فوتيني طلعيني من دماغك
سحر:مصمصت فمها وضحكت نجك ليا عليك الواعره
غادة ب إزدراء : مريضه ..
...
ف دارها راقده ع سرير ف بطانيتها قال الو ..
الو ..
فجر : شنو حبي غريبه متصله توا مش من عوايدك
اميرة : انا حبيت نسمع صوتك ..
فجر : وقفي خليني ندرس مش متعود نسمع منك كلام سمح ..
اميرة ؛ ابتسمت وغطت روحها بطانيه
فجر ؛ ايييه شن كنتي تقولي
اميرة : صار عمرك ماسمعت مني كلام سمح
فجر : انتي سماحه كلها
اميرة ؛ نجك لي
فجر : ولي ي سمحه انحبك واجد
اميرة : حتى انا نحبك اوجد من الواجد
فجر : الله واكبر
ضحكت اميرة وفجر ضحك معاها ..
..
ايمن شايلها ف حضنه حطت البنت صوابعها ع فم بوها باس صوابعها وقعمز ع كنبه حضنها وباس راسها شافها يعلم فيها المشي وهي تضحك حاولت طيح مسكها وينطر فيها ف الهواء ضحك وهي ضحكت وبتحط اصبعها فمها كانت نرجس تشوفلهم واقفه متكيه ع قفص الباب ..
ايمن : جيتي ي للا ..
نرجس : شافتله بتضييق عيون شفتك اما كانت ب طيح انت مسكتها ماخليتهاش طيح خفت ع بنتك
ايمن : شني بنتي بروحي وحطها ف سريرها
نرجس : زي ما خفت ع بنتك طيح خاف عليها من ولد ناس بعدين يدير فيها ما دار بوها ف امها اليتيمه
ايمن : يايتيمه وين كنتي اليوم
نرجس : كنت ف مستشفى
ايمن:ابتسم وحك لحيته من راجل اللي تسهوكي معاه
نرجس : هذ ولد دكتورتي وهو دكتور زميل
ايمن : مصره ع الخدمه يعني
نرجس : اكيد ومشت وسيباته
ايمن : ريلاكس ايمن ايمن ريلاكس سمع بنته قالت بابا ضحك والتفتلها نعم حبي
جوري : بابا وابتسمت وهي تلعب بيديها تضم فيهم
ايمن : مش عاطيك انتي بتولي عندي مش عاطيك لحد بنيتي اني حبيبة باباها
..
كانت فرح تدهن ف يديها ب كريم رن تليفونها ايوا ..
لا رد ..
من معاي ..
ألفون حائون بائون كافون
رفعت فرح حاجبها نونا كافون راءا هاءو كافون
اياد : فِي بَحر عَينيك هَامت كل أشواقِي،
يَاسَيد الحسنِ هَل تَنوي إغرَاقي؟.
فرح : اممم انوي انت من اي كتاب تاريخ طايح
اياد : نـظّرة مَن عَـينك تَسوة عُيونهَم كَلهم.
فرح : كلام هذ تقول فيه لهن كلهن ولا تشكل
اياد : لا تحديد الكل وضحك
فرح ضحكت: من وين جبت رقمي
اياد رفع حواجبه : يعني عرفتيني
فرح : مافيش حد يدره كبد ف حياتي كلها غيرك
اياد : نعرف صاحب شركة لبيانا
فرح ؛ باهي كويس في منك مصلحه
ضحك اياد لا نعجبك ..
فرح : شخبارك وشن دارت فيك دنيا غير انك نسونجي  ..
اياد : لا واخذه عني فكرة سيئة رسمي انتي ..
فرح : لانك مفضوح
...
ياسمين : زهراء ..
زهراء : وهي تغير نعم ..
ياسمين ؛ عادي نخش
زهراء : خشي عبد الله نزل راقد ف مربوعة
ياسمين : نحكي معاك شوي
زهراء : تعالي وشافت لبنتها تجنن صح بنيتي
ياسمين : ربي يخليها لك وتفرحي بيها
زهراء : يارب
ياسمين : زهو
زهراء : نعم
ياسمين : نا عارفه انك فرحانه ببنتك بعد 10 سنين حصلتيها لكن آيآن مزال طفل ومحتاجك ورا كبر ويفهم كل كلمة تقوليها توجع فيه
زهراء : امغير يشكى ويدلع
ياسمين : كيف تقولي لطفل انت غلطه تأثر فيه وف نفسيته حرام عليك
زهراء : فنصت ف ياسمين
ياسمين : متبحتيش في هك نا اختك كبيرة ونبي مصلحتك ومصلحه آيآن العيل حاط ف راسه انك تكرهيه
زهراء ؛ نكرهه وصلت لكره هي ع كيفه يفهم اللي يفهمه وطلعت وقالت خليك مع الاء بس ياسمين
لحقتها وزهراء ماشيه ب اتجاه دار ولدها فتحتها
زهراء : ربعت يديها مش عندك مدرسة كنك واعي
آيآن : بحت فيها بخوف
زهراء؛ تشكي مني عند هلي وتشوه ف شكلي وامومتي
آيآن ؛ شافلها بخوف وهز راسه بنفي
زهراء ؛ ضرباته كف تطلع كلمة تصير ف الحوش برا نوريك
ياسمين : زهراء حرام عليك
زهراء : متدخليش بيني وبينه
آيآن: قال بصوت عالي نكرهك
زهراء : لا نا اللي نحبك شعور متبادل اصلا وطلعت
ياسمين ؛ شافتله بحزن
آيآن صكر باب ف وجهها
...
خش ايمن للحوش شن صاير اهني ..
نرجس : غيرت اثاث الحوش شن رايك حلو
ايمن : انهبلتي صح
نرجس ؛ حطت يدها ع شعرها
ايمن : كم صرفتي
نرجس : منعرفش مركزتش خذيت عرم حاجات
ايمن : كيف متعرفيش كيف انتي كأنه مافي شي ف حياتك تعرفيه الا صرف الفلوس هاد بس تعرفيه
نرجس : كله عشان الحوش واحد نفسيته تريح
ايمن . استغفر الله العظيم شني هادا
نرجس : عجانه عشان مانعجنش بيدي وهذ الة قهوة وخذيت قلاية هوائية وخذيت فرامه نحط لحم يبقى مفروم بدال مايضحك عليك جزار واخرى شريت شوية لبس
ايمن :. ياربي شني هدا بتجلطيني انتي بتجلطيني
نرجس : هذا مندوب توصيل شوفه وادفع
ايمن : شني
نرجس : طلبت غداء عشان تعبانه حبي اليوم ماقدرتش ندير
ايمن : من شني تعبانه
نرجس : من سوق ما طلعت اخترتهم بعدين خذيت شوي دبش لي
ايمن : استغفر الله ياربي وطلع
نرجس : ضحكت وقالت والله مريحه الكنبه
..
اياد : قررت نتزوج ..
رضيه ماشاء الله معناها فرحك وفرح خوك مع بعضكم ..
اياد : عادي
رضيه : بنت عيت من ..
اياد : فرح اللي كانت تقرا معاي زمان ..
شهقت ياسمين بس هذ اكبر منك ..
اياد : وشن فيها سنة ..
رضيه : لالا لازم تبقى اصغر منك ب 5 ب 6 سنين
اياد : شن تخاريف هذين فرح عجبتني مافيش غيرها
ياسمين : اياد متجيش را اكبر منك بكرة تندم
اياد : الله يربحك حطي يدك ع فمك انتي اشقي بحالك
ياسمين سكتت وناضت وسيبتهم ..
اياد : محد يدخل ف حياتي انا نبي فرح وكان متبيش تخطبي ناخذ وحده من بنات
رضيه : فنصت ف ولدها
اياد : ناض وسيبهم
كانت وقتها فرح ف المستشفى وهي طالعه
شافاته انت شن جابك هنا كل يوم والاخر جاي
اياد : فرح ماصدقت لقيتك بعد لسنين هذين
فرح ؛ شافتله
اياد : تجوزيني
فرح ؛ ارتسمت ملامح صدمه ع وجهها
..
سحر : صدقيني ي عمتي هذ اكيد مسحور
رضيه ؛ تبكي ينعلي ي بختي طايح وووه عليا
سحر : شافتلها بنظرة نفسها ف كوجينه
ونفس حديث ف كوجينه ..
غفران : بياخذها عزوزه يعني
ياسمين : لالا اكبر منه بعام بس
غفران : اها حلال ولا حرام
ياسمين : لا حلال
غفران : عاتي
..
فوزية : عيالي طاحو ف العاقمه واختها زهراء بعد
9 سنين جابت بنت بعد آيآن وهذ خاشه ع العامين ما ريناها حامل
رواند : الحق زهراء حملت طول
ابتسام : هذا كله كانت بنت ال 15مش 25
وردة : ناضت وسيبتهم لدارها
فوزية : شربت قهوتها تضحك
وردة : بدت تبكي مسحت دموعها وشافت عبد الرحمن مشت تجري حضناته حط يديه ع ضهرها
عبد الرحمن : شن في كنك
وردة : نبي نكون ام نبي عيال
ضحك عبد الرحمن مش عالجنا ودكتور قال مافينا شي بعدين ع مهلنا عليش مستعجلين ع الهم ..
وردة : نبي نكون ام نا مدخلنيش
عبد الرحمن : حاضر اللي تبيه
وردة : نمشو لمصر
عبد الرحمن : ليش
وردة : نبي نزرع
وينزلو تحت ..
نوارة : كان عندك فلوس امشو طيرو حتى لمريخ
عبد الرحمن : يمي للعلاج مش لعب ولا دهورة
نوارة : عندي لك حل
عبد الرحمن : شنو
نوارة : اجوز ونسجلك مصنع بأسمك وتحت حسابك
عبد الرحمن شاف ل امه

يتبع