#ورود_سامة
#يحيى_ادريس
10 Part
ثاني يوم من صبح وعت نرجس لفت شعرها كعكه
ولبست حجابها خشت الحمام توضت وبدت تصلي
سمعت صوت ف الكوجينة شافت فوزية ..
صباح الخير يابنتي فيقتك ..
نرجس / لا اصلا نوعى بدري نا نساعدك ..
فوزية / نهاري تريحي يابنتي ماتجي
نرجس / لا عادي وخشت كوجينة شن ندير
فوزية / سفنز بالدحي
نرجس / بدت تعجن على خشة ايمن بالخبزة صباح الخير وخر
فوزية / تعالى وليدي تعالى مافي حد هادي نرجس
ايمن / مرحبا
نرجس / متحشمه وطبست وجهها حمر
فوزية / شبحت مسرع ما كبرت
ايمن / ايه اني ف الباب
فوزية / خيرك تحشمتي
نرجس / لا وسكتت
فوزية / هادا بيولي خطيبك شن عجبك
نرجس / قريب وتبخر من الحشم
..
ياسمين / بس غلطانه يمي كيف توافقي طول نرجس مزالت
رضيه عقدت حواجبها شن اللي مزالت البنت كي العصيده تصقع تسمط ياسمين شافتلها الله يسامحك يام وناضت طلعت من حذاها
وردة / كنكن تعاركن
رضيه / شي كملي نومك كملي نومك
وردة / اوباه
رضيه/صدق اللي قال عنده بنات يشيل الهم للممات
طلعو حطو سفرة الفطور لصبايا وسفرة لشباب
كانو شباب يفطرو برا قدام حوش ومعاهم الحاج
اب ايمن وبعدين تحركو هارون وايمن بحكم متقاربين ف الاعمار يتمشو ف الحديقة اللي مليانه شجر ورود ويحكو اما عن فجر واياد يلعبو بلاستيشن
ونرجس وياسمين يغسلن ف عوايز ..
..
وتمر زهراء بفترة متعبة خصوصا عرفت انها سقطت ف شهادة الاعدادية واضطرت تخش دور ثاني وهي
مش طايقه نفسها عكس نرجس اللي نجحت بتفوق ف شهادة ثانوية ورضيه دارت عشاء يومها جت فيه
حتى فوزية من طرابلس جايبه معاها تورته وعصير راني وباقة ورد هذ مش بس هدية نجاح را حتى جايين نطلبو نرجس ل ايمن
رضيه / مانلقو خير منكم
نرجس / بس نا بنقرا مزلت
رضيه / فنصت ف نرجس
نرجس / بنتخصص طب ونبقى دكتورة
فوزية وجهها انصفر
ياسمين / ابتسمت هذا صح ي نرجس ماتنفعك كان شهادتك ..
نسرين وهي تغسل ف كبابي وجهك مش عاجبني
توليب / شكلي ورفعت حواجبها
نسرين / تحكي جد الف مبروك
توليب / على شن تباركي نا منبيش توا
نسرين / شن تبي مالا ي توليب
توليب / نبي يكون عندي عيال بس ف حوش ملك
نسرين / نا شن نقول المره هذ معاي بنت وف ايجار
توليب / غلطة عمري زواج
نسرين / حتى نا ياريتني سمعت كلام امي تخيلي اشرف ايش خطرله يقرا ف جامعة
توليب / باهي كويس خير من صايع افندي
نسرين / هو كويس يقرا بس طب تبيله ماكمل
توليب / علاء زفت مكملها صبايا يومتا كبسته يحكي مع وحده متزوجة
نسرين / عضت شاربها صبايا معش يتحشمن
توليب / منقرفه من عيشتي ربي يعاقب فيا ع العلاقات وقرف اللي ندير فيه
نسرين / هذ اللي تجوز بدري
توليب / ماضربتها غير زهراء
نسرين / في بينكن تواصل
توليب / لا
نسرين / امي حلفت
توليب / نفس مادارت معاك زمان
نسرين / بس نا ماسرقت حبيب ولا درت فرح هلي مش فيه طلعت من عندكم وخطبوني زهراء هي مشتلهم
...
رضيه / تحرجي الوليه ليش بس شن خطرها عليك طب
نرجس / بتبقى دكتورة بدال ماتفرحيلي
رضيه / شن ندير فيكن نا شن ندير بس
نرجس/ نا مارفضتش قلت نكمل قرايتي قبل
رضيه / وامشطي شيب عندي وعنسي
ياسمين / ساكته وخلاص
نسرين / خلاص يمي خليها على راحتها
رضيه / خلي خواتك ينفعنك محد فيهن يحبلك الخير كان يعرفن مصلحتهن دارن حل لارواحهن كل وحده اخيب من الاخرى وطلعت وسيبتهن ..
نرجس / اوف اوف
ياسمين / نسيت دبش يبي نشر وطلعت من حذاهم
توليب / امي لبزت ف الكلام
نسرين / امي طول عمرها هك ماتهتم لمشاعر حد
نرجس / اطلعن وخلني بروحي
طلعن نسرين وتوليب ..
...
عبد الله / ي حبيبتي كم مره قتلك خلي الامور تهدى وهم بروحهم يجوك مزال موضوع ساخن
زهراء / شن الحاجه كبيرة اللي دونها تزوجت كيفي كيف ناس ماغلطتش ..
عبدالله / عارف ي حبي انك ماغلطتيش والله عارف
زهراء / مرايفه على هلي نا
عبد الله / حضنها وهي تبكي ..
...
نسرين / تعبانه ي اشرف
اشرف / قصدك توا بتجيبي
نسرين / ي نعلي مصاريني يتقطعو
اشرف لبس جاكته وخذا نسرين وطلع بالعيال
حطهم قدام الحوش خذاهم هارون واشرف مشا ب نسرين لمستشفى رضيه فكوني من هرجه وقعمزو
ياسمين ولعت تلفزيون ع سبيستون قعمزو مهاب وبلال
رضيه ف كوجينه ادير ف حلبه وبرودو
ياسمين / كنك مامشيتي مع نسرين
رضيه / نديرلها في حاجات اتقوى بيهن ..
ياسمين / تنهدت وسكتت
اياد خذا تلفزيون بلال ومهاب هيي نتفرجو
اياد / كذا صكرو فمكم
نرجس / حرام عليك خليهم يتفرجو
اياد / مش شورك انتي
نرجس / شقلبت عيونها
مهاب / هوفف عليك كساد
ياسمين / تعالو نلعبو غميضه
بلال / هي ومشو يلعبو وناضن نرجس وردة لعبن معاهم
..
زهراء / نسرين جابت خليني نمشي نطمن عليها
عبد الله / بس ي حبيبي
زهراء / باهي وراس عباده وغلاوتي عندك
عبد الله / انتي كيف عرفتي
زهراء / كلمتني توليب
عبد الله / في اي مستشفى قالتلك
زهراء / ***
عبد الله / وتي روحك
زهراء / نجك ليا باساته ومشت تلبس
عبد الله / نزل تحت
نوارة / 24 ساعة كارس عندها
عبد الله / ياامي كنك انتي شن تبيني ندير يعني
نوارة / ماتقول شي نقعد نحكي مع امي
عبد الله / البنت ماعندها حد بدال ماانتن تحكن معاها وديرنلها جو
نوارة / هي اللي مصكره ع روحها مراتك
زهراء نزلت من فوق عبد الله نا واتيه ..
عبد الله هي نوارة وين ماشيين ..
عبد الله / اختها جابت بنشيلها تشوفها ..
نوارة / ماشاء الله اصاحبت معاهم
عبد الله / اها
نوارة / خلاص مالا نمشي معاكم نباركلها
زهراء / وجهها تغيير
عبد الله / هي
نوارة / ثواني مشت وخلتهم متعلقين 5 دقايق تلبس ذهبها وتمكيج وتعطر وزهراء تفرك ف يديها ف سيارة ياريتك ماقلتلها ..
عبد الله / شن ندير هي تحاول تصلح الاجواء بينكن
زهراء / تنهدت بصمت
...
ف المستشفى خشو قعد عبد الله مع اشرف برا ..
وزهراء ونوارة خشن لنسرين ف يديهن باقة ورد وعلبة شوكولاطة وحلويات نسرين فرحت ..
زهراء / حمدلله ع سلامتك ي قلبي تربى ف عزك ..
نسرين / الله يسلمك عقبالك حبيبتي ،.
زهراء / توقعت توليب عندك
نسرين / جت ومشت هي بروحها حامل مسكينه
زهراء / اها عارفه
نوارة / جبتي بنية
زهراء / عندها ولدين ربي يحفظهم لها ..
نوارة / شقلبت عيونها ..
نسرين / ليش متعبه روحك ..
زهراء / مش خسارة فيك شي
نوارة / كله من خير ولدي ..
وصلت سيارة هارون نزلت رضيه ب طنجرة وغلاي شافت عبد الله ومعاه اشرف بحتت ف اشرف قالت
مبروك ماجد عليك ي اشرف يتربى ف عزك وخشت
هارون سلم على اشرف ودار روحه مايشوفش ف عبد الله نفس الوقت عبد الله طلع تليفونه كان وقتها نقال رهيب موضه رن على زهراء
زهراء / ايوا
عبد الله / هي بسرعه امك جت
زهراء / تمام اوكي هي مع سلامه نسرين
نسرين / خليكم مزال بدري
زهراء / مره اخرى نجوك وطلعت زهراء ومعاها نوارة
نوارة / بشوية كنك تجري را تصير لعيل شي حاجه
زهراء / عبد الله عنده شغل
نوارة / امتى جابلك تليفون ليش ماقلتوش
زهراء / جابه لي اليوم
نوارة / اها
وهن طالعات كانت رضيه خاشه شافن بعضهن
وزهراء قعدت جامده ف مكانها رضيه عقدت حواجبها دارت روحها ماشافتهاش وكملت طريقه
زهراء تجمعو لدموع ف عيونها
نوارة / هي كنك وقفتي
زهراء / لحقت امها وقالت امي امي
رضيه تمشي ولا ردت ولا وقفت ولا عبرتها
زهراء / سرعت مشيتها لعند وصلت فيها وقفت قدامها امي ..
رضيه / مانيش امك البنت اللي تبيع هلها مش بنتي البنت لللي اجوزت وكسرت كلام هلها ودارت فرحها
بلاهم ماتلزمني ماتلزميني انتي بعتي ب رخيص ونا عطيتك مجانا نا دفنتك وماخذيتش فيك العزاء
زهراء / امي سامحيني ارجوك سامحيني نا آسفه اسفه
رضيه / شافتلها وقالت حولي من قدامي
زهراء / مانيش مسيبتك لين تسامحيني
نوارة / هي عبد الله قالك
رضيه / اجري لهلك لجدد ومشت وسيبتها
زهراء دموعها طاحو وقالت بصوت مخنوق امي ..
للحديث بقيه
أنت تقرأ
ورود سامة
عاطفيةقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
