ورود سامة

Part 21

ورود سامة / يحيى ادريس
مولعاات المسجل ويتراقصن ع اغنية روبي ..
نرجس او وردة ومعاهن توليب ومعاهم ياسمين ونسرين مقعمزه
تفرج عليهن وتضحك هي ورضيه ..
بقالي ليالي بنادي حبيبي ما جالي
لا ريحلي بالي ولا داري باللي جرالي
وأنا أعمل إيه في اللي بحبه يا ويلي يا ناري؟
وأنا شايف صورته قصاد عيني يابا طول ليلي ونهاري
وأنا أعمل إيه في اللي بحبه يا ويلي يا ناري؟
وأنا شايف صورته قصاد عيني وأنا مالي يابا، هيه
طب ليه بيداري كده ولا هو داري كده ولا ندالي كده ولا نده؟
ليه حيرني وليه بيهجرني أنا، ولا بجيش على باله كده؟
طب ليه بيداري كده ولا هو داري كده ولا ندالي كده ولا نده؟
ليه حيرني وليه بيهجرني أنا، ولا بجيش على باله كده؟
ورضيه تصفق وتضحك جت وردة تجري مسكت امها خشتها معاهن
واجواء ضحك وسعاده كان ف المربوعه يخمم ف المصيبه اللي
دارها لها اسبوع غايبه ع المدرسة صدره مطبق واصل اعلى ذروة من تأنيب الضمير خش عليه مهاب خالي خالي خالي ..
اياد شافله بنظرة ع جنب را بيني وبينك 11 سنة ..
مهاب : ضحك اسف مهم جبتلك سندوتشات شاورما
اياد : ضحك وقال منور جبتهم ف وقتهم ماتغديتش
مهاب : كنك مضايق ي بو خال
اياد : مش عارف كني
مهاب : را تبقى حامل
اياد : شن تقول انت
مهاب : اصلا امي لما تضايق كيفك هكي معناها حامل
اياد شافله ب إزدراء صبي من قدام وجهي انتلف ..
مهاب : وسع بالك مش كويس زعل ع الحامل
اياد : عض شاربه اللي تحت وفنص ف مهاب اللي فنص فيه وضحك
في اواخر الشتاء
فجر : بسبس ..
سحر : شافتله وشيرت ع روحها انا
فجر : 5 دقايق
جاته وهي تقول نعم شن تبي ماشعفتش من طريحه ولد عمي ..
فجر : انتي خشيتي راسي
سحر : مش قمله نا بيش نخش راسك
فجر : طلع وردة حمرا من ورا ضهره انتي وردة
توردو خدودها بعدين قالت نا اكبر منك وضحكت ..
فجر : ابتسم عادي ما الرسول صل الله عليه وسلم تزوج خديجة وهي اكبر منه ب وين وتزوج عائشة وهي اصغر منه ب وين
سحر : بس هذك الرسول بعدين انت بتزوج مزال بدري
فجر : توا تعارف نا منلعبش ببنات ناس انتي عجبتني ورايدك بالحلال ان شاء الله ناخذ الاعدادية ونخطبك طول منحبش العوج
سحر : وهلك ..
فجر : نا راجل شوري من راسي
سحر : ان شاء الله ع العموم نا ماعنديش مشكلة دام انت دغري
فجر : ابتسملها وهي ردت الابتسامه وخشت مدرستها وقلبها يدلف للالف ..
فجر : ضحك بخبث ناقص علي مغير انتي نربيك انتي ونماذج اللي تعرفيها
..
خش لفصل مافيش استاذ وكل مجموعة طلبة يحكو مع بعضهم
الا هي شافها مقعمزه ف درج الاخير بروحها قعمز جنبها وقال
اياد : صباح الخير وين الغيبه ..
فرح : طلعت كراس بتاعه هذ كراسك
اياد : العرب ترد صباح قبل مشغولين عليك
فرح : يعني مش انت ورا قصة سيارة
وجهه انحمر وسكت ..
فرح : تعرف نا كيف خشيت مدرسة هذي
اياد : كيف
فرح : بعت كليتي عشان نخش لمدرسة هذ وبعتها عشان نشري سيارة اللي انت فلقت عجلها وكملن فلوسي قلت مش مهم نتعلم تعليم كويس وسيارة نوصل بيها خوتي لمدارسهم ونا ب سيارة هذ نشتغل
بيها يوم واحد تأخرت ع شغل طردوني تمنيت فلوس بدال ماحطيتهم ف سيارة ولا ف مدرسة غاليه كيف هذي كنت فتحت بيهم مشروع
اياد دمعو عيونه انا اسف مكنتش نعرف بعدين انتي بديتي ..
فرح : ياريت لسانك معش يخاطب لساني ..
اياد : شافلها بحزن
فرح : خوذ كراستك وامشي قدام هي
اياد : تنهد ومشا قعمز ف كرسي القدامي
..
زهراء بدت تتعلم ف المشي وتستجيب للعلاج وعبد الله فرحان بيها
توليب روحت لحوشها ع خاطر بنتها نفسها نسرين بعد اكتشفت انها
حامل اخرى قررت ترد لحوشها وفجر يحكي مع سحر مكالمات لاخر الليل واياد وفرح متخاصمين وانتهى العام دراسي مع نهاية
فصل الربيع وبداية فصل الصيف ..
ف الكوجينه ياسمين ونرجس يديرن ف بيتزا وتوليب ف بسبوسه
وبعد كملن حطنهم ف اسطوله وباتن فرشن فراشات وليلة مليانه
بالحكايات والاسرار ونهار طلعت شمس ع ساعة 9 طلعو من الحوش ف سيارة هارون ومعاه رضيه ونرجس وردة وياسمين وآيآن ف حضنها طبعا وسيارة علاء فيها توليب وبنتها من لاورة
واياد من قدام وف سيارة اشرف فجر من قدام ونسرين وعيالها لاوره يتعاركو ونسرين ف قولة قعمز ي ولد تريح ي ولد ..
سيارة هارون يصفقن نرجس وردة هي ياهو هي هي نمشو
لشحات اللوطيه هي ياهو هي هي ووصلو لشجر شحات ..
نزل مهاب ب كورته واياد قاله شوط وفجر مشا يلعب معاهم وبلال
وعلاء ضرب الكورة ب راسه وكلهم صاحو يقولو لعيب ..
نرجس : ماشاء الله على راجلك ي توليب رياضي ..
توليب ابتسمت مجامله : اممم
نسرين : هابا بختي نا تقول واخده شيباني
ضحكت وردة من قلبهاعلى اشرف فرش ديسه واتكى على اول طراحيه هارون يولع ف الكانون وياسمين تنزل ف دبش ..
علاء : الغداء شوري توا نجي نديره نا ..
نسرين : يعوينك بيه ي توليب تلقيك ف الحوش ماتقربي ف شي
توليب : بكل
علاء : حط سبسي ففمه نسمع فيك راه
رضيه : الله يربحك ما شاء الله عليك
ياسمين : تمشي ب آيآن وجنبها وردة تمشي معاها ونرجس
ياسمين دمعو عيونها : تعرفو ناقصه  زهراء
وردة تأثرت : مخليه مكانها فعلا بس كربوج هذ واخذ مكانها
نرجس : تمشي وهي ساكته سمح المكان هنا
جتهم نسرين تنظف ف دبشها بنات نصوركن ..
نرجس : هاكي الكاميرا وبدت تصور فيهن وف آيآن ورهف وملاك
ودار علاء مكرونه عجبتهم ولعبو شباب كارطه وشربو شاهي بعد
العصر شمس طاحت ومشو للبحر خذو شاليه ..
طلعو علاء وتوليب بعد مارقدت بنتها يتمشو ..
ومعاهم نرجس تصور فيهم ف صور رومانسية
علاء رغم عيوبه بس ع قولة توليب وسامته تغفرله ..
نسرين : جربت كم مره نطيحه انا رهف حملت بيها بالغلط
ياسمين : عليش قاعده معاه دام ماتبيش ولا تبي عيال منه
نسرين : انتي عارفه امي شن قالت
ياسمين : مش عذر ماتحججيش ب امي عارفه امي كلامها من ورا قلبها
نسرين : المشكله نحبه ي ياسمين بس هو
ياسمين : شنو جفافك هذ ومعاملتك هذ تخلي فيا نا اختك مانحترمكش عيب ع الاقل قدامنا ديريله قدر اسلوبك جاف واستهزاء ..
نسرين : شوفي علاء كيف يعامل ف توليب شوفي شن يدير
ياسمين : تعرفي شن يصير ف حوشهم ورا الباب
نسرين : سكتت
ياسمين : اشرف كويس حتى لو عنده عيوب يبقى كويس
نسرين : مراتٍ نحس فيك انتي الكبيرة مش نا
ياسمين : معش تحسي
اشرف : كنكن قاعدات وحدكن شباب يلعبو ف كورة وبنات وين
نسرين : وردة لقت صحبتها ونرجس مع توليب
اشرف : هي امشن ادهورن معاي
نسرين : ابتسمت وقالت باه شافت لياسمين هي معانا
ياسمين : لا راسي واجعني بنرقد نا
نسرين : امغير هي
ياسمين : منقدرش نسيب لعيال على امي وهارون عدي غيري جوك
مشت نسرين مع اشرف وقعدت ياسمين تشوفلهم مبتسمه ..
..
شوفي هذ يبحت هنا من بدري ..
وردة : شافتله من فوق لتحت
وهو رد شافلها من فوق لتحت ..
شقلبت عيونها وقلد حركتها ضحكت عليه وهو ضحك
وردة : مبرد دمه هي يابنات
وناضن صحباتها معاها وهو يشوفلها لما مشت ..
...
وف يوم عيد ميلاد نرجس كانو دايرينه ف حديقة الحوش ..
مزين الحوش بالبالونات وطاوله عليها تورته ومشروب شاني
وكل العائلة ملتمه آيآن مقعمز ف المشاي مبتسم ..
ياسمين : حاجه بسيطه
نرجس : شكرا سموني سمحه واجد
مهاب : جيعان قصي تورته بناكل
توليب : همه ف بطنه ولدك ي نسرين
نسرين : حتى نا جيعانه وضحكت
توليب : كل سنة وانتي طيبه جوسي هذي هديتي نا وعلاء وملوكه
نرجس : لا مش شوري كل حد هديته بروحه
توليب : ي معفنه غاليه
ضحكت نرجس
اياد : دكتورة جبتلك ابره
نرجس شقلبت عيونها : ي حانط
اياد : عارف عارف
طق الباب ..
رضيه : من زعما جاي ..
مشا بلال فتح الباب ..
وخشت شوي شوي تمشي مجرد ما طلت عليهم كل لمه اللي عند
نرجس مشتلها هي وهنا فرحة نرجس انسرقت من جديد هذ يومها
هي بس كل الاهتمام مشا لعدوتها ف نظرها هي
رضيه تحضن فيها وتبكي وتبوس فيها حمدلله ع سلامه يمي انستينا
زهراء : ابتسمت وعيونها مدمعات شافت لوردة
وردة : رايفتلك ي حيوانه
زهراء: حتى نا وبدت تنتقل من حضن للثاني لعند وصلت فياسمين
ياسمين : حضنتها وبكت معاها
زهراء : باستها وهي تشوفلها اشرف لنرجس واقفه ف مكانها
نرجس : تشوفلها وساكته
زهراء : مشت قدمتلها كل سنة وانتي طيبه جبتلك لاب توب نوعيه كويسه را ان شاء الله يعجبك
نرجس : حضنتها بقوة
زهراء : بادلتها الحضن بقوة سامحيني
نرجس بصوت باكي : انتي اللي سامحيني
ياسمين بصوت طفولي : ماما نسيتيني نا
زهراء : شافتله ب ابتسامه وجت بتاخذه من ياسمين بس صرخ ومايبيهاش وبيرد لياسمين خذاته منها ياسمين وهي تقول مزال ماتعود عليك