ورود سامة

بقية 31

ورود سامة
‏31 part

صيف 2012
بعد العصر
خشو ملاك وامنه ورهف للكوجينه ..
لقو نجاح مصبيه ادير ف كيكه مثلجه ..
ملاك : مزال ي خالتي ..
ياسمين : نحطها ف تلاجه ونديرلكم فته ب الشاهي
مهاب : باهي ديرلنا سبول وشاهي ..
بلال : نبي سفنز ي خالتي سفنزك مافيش كيفه
رضيه : بالك تحسبو الحاجات بالبلاش ..
آيآن : هز راسه اها بالبلاش ينزلو من سماء ..
رضيه : فنصت فيه عاود شن قلت ..
آيآن : شي شي ..
ياسمين ضحكت عليه كيف خاف ..
..
البيضاء حي ل اجنين ...
ڤيلا جديده ..
نزلت من جناحها لمطبخ وصلت فيه ..
زهراء : شنو دايرين فطور ..
فتحية : شربة وروس وعصبان ورز بالخلطة خاطرك ف حاجه ..
زهراء : ياريت كيمياء لاني نحبها واجد .. ..
كريمه : وانا عملتلك حواوشي تاكلي صوابعك وراه
زهراء : خطرها مزال خاطري نتعلم ملوخيه بتاعك
كريمه : عينيا ي ست هانم ..
فخرية : عملت شاورما ان شاء الله تعجبك
زهراء : ابتسمت اكيد ..
يقين : حاجه اخرى مدام ..
زهراء : بارك الله فيك ربي يعطيكن صحه وطلعت للحاجر من باب كوجينه
نجوى :سبحان الله كيف كويسة
فتحية : مدام زهراء مافيش كيفها
يقين :فعلا
كريمه : مافيش زيها هانم هانم
فخرية : اي معك تحسيها بنت اكابر مو متل هدوك
فتحية : فكنا را يزرقن علينا ..
طلعت زهراء قعمزت تفرج ع منظر الحديقة رن
تليفونها ايوا ..
عبد الله : تبي حاجه نجيبها معاي شوي ومروح ..
زهراء : زلابيا في طريقك ..
...
مولعات تلفزيون ويتفرجن ع mbc دراما ..
توليب:سبحان الله ف مسلسل اللي قبله كانت سمحه
نسرين : نفس الخلقة امغير مش دايره مكياج ..
توليب : لا دايرها ونافخة شواربها ودايره شد ..
وردة : وكيف عرفتي ..
توليب : واضحه ي ذكيه غير ركزي بس حتى تبييض مبيضه روحها ..
نسرين : عليك تركيز تقول معانا دكتورة تجميل ..
توليب : رفعت حواجبها بالك نبقى ايش عرفك
وردة : نرجس قطعت مره وحده ..
نسرين : اقل حاجه تكلم امي ..
توليب : وقت ما ترشقلها ترن بمزاجها غيرها تصكر ف تليفونها ..
وردة : مش عارفه كيف ..
..
فجر : بركت عليه وهبكتله واجد خليته يبكي ..
اياد : استغفر ربك ف رمضان وتكذب ..
فجر : اسكت انت مانحكيلكش ..
آيآن : وبعدها
فجر : خليته يبكي كي البنات
مهاب : صحا لك ي بو خال هذ صح ..
بلال : وهو يبكي وانت تضرب اخرى ..
فجر : اليوم الاخر جا هو وخوته نصره
مهاب تفاعل : لالااالاه
فجر : بيضربوني بس ضربتهم كلهم ..
مهاب : قدرت عليهم بروحك ..
فجر : هذك جاني خونه ضربني من ضهري ضربته خوه ع بطنه بعدين مسكته من كرعيه وخبطته ع الارض والاثنين الاخرين لزيتهم بكفوف وناضلي الاخرى نطيت هك ونشوطه ب كارشو نطرطشله سنونه ..
اياد : هولا ي كرانديزر انت
ناض فجر بالحيط يطلق ف اياد واياد يجري
والعيال يضحكو على خوالهم لعند طلعت ملاك
ب طرف مبطن ف يدها هاك آيآن ..
شافلها بلال ب ابتسامه وآيآن ياكل ..
مهاب : ونا ي لفعه ..
ملاك : لالا خالتي قالت عطي آيآن بس ..
مهاب : باهي ي منمشة باهي وخش لكوجينه
شاف ياسمين لاهيه خذا طرف مبطن وقعد ياكل
التفت ياسمين فنصت طاح سعدك مش صايم انت
مهاب : جعت
ياسمين : كبير انت شن جعت حرام را
مهاب : لا مش كبير مزلت صغير نا
ياسمين : قعدت ساكته وهو فتح تلاجه صب مشروب
...
بعد الفطور جت زهراء وجايبه معاها دبش لخواتها وعويلهم لانها حالتها متريحه هي تاخذلهم وكانو
يشكرو فيها وفرحانين ..
ياسمين : ابتسمت سلمك جيابه ..
زهراء : سلمك مش قدرك سموني ..
توليب وهي تقيس لبنتها ف قفطان قولي شكرا لخويله ..
ملاك : شكرا ..
زهراء : عفوا ي عيوني اه ماقلتلكمش ..
رضيه : قولي حتى نا عرفتك جايتك مش بلاش
زهراء : غادة انخطبت ..
نسرين بفضول : من خطبها ..
زهراء صاحب عبد الله مذيع اسمه ابوبكر ..
وردة : ماشاء الله عرفته بس دمه ثقيل ..
توليب : فعلا كلوط بس مش مهم تزوج على حالها خير من حالي نا ولا قعدة ياسمين ..
رضيه طبست ولهت ب السبحه ماتحبش تحضر مشكلة بذات بين بناتها ..
ياسمين : عيونها امتليو دموع وضحكت شن رايكن ف بيتزا ..
وردة : تجننن
زهراء : كيف بتاع مطاعم ياريتك تبيعي
ياسمين : تفكر نرد لمدرسة ..
نسرين:خلي وضع يتحسن دنيا مزالت تخبط ف بعضها
ياسمين : صدقتي خذت صفره نمصمص طواسي ونجيب طاجين الاخر خشت كوجينه شافت ملاك
خالتي مسحت ياسمين دموعها نعم ي خالتي ..
ملاك : نحبك واجد نا ..
ياسمين : طبست حضنتها حتى نا حتى نا
ومرن الايام بسرعة ..
جا العيد ..
كانت ملاك لابسه قوس وقفطان وردي ومقعمزه
ورضيه مولعه قناة mbc جايبين احتفالات سعودية
وياسمين دير ف الغداء بينما توليب وردة مرقدات
..
نسرين : كل سنة وانتي طيبه عمتي ..
امنه : وانتي طيبه ..
مهاب ؛ باس راسها كل عام وانتي بخير ي حني وبعده بلال وامنه ..
وكانو كل العيلة ملتمه وطلعت رهف كانت واعيه
من نومها بشفاشيفها امنه ب ابتسامه صح نوم
يمي صح نوم اجديده وفتحت جردها تعالي تعالي
خشت رهف ف جرد حنها وصبايا عمامها يتهامسن
ويضاحكن نسرين ع اعصابها ودمها انحرق بنتها الوحيده ب سرافتها ..
امنه : طلعت حلوه وشوكولاطة لرهوفه بس
نسرين : ليش مش لابسه دبش العيد
امنه : خليها خليها براحتها ماتبيش تلبسه بعدين نا جبتلها فيلو عيد تلبس اللي جبته نابيدي ..
نسرين : ابتسمت بتهكم
...
مر اول يوم العيد
ثاني يوم العيد ساعة 11 صبح  ..
مرت ع الحوش كله وهي تبخر بعدين بخت معطر
خشت كوجينه ترتب معمول ومقروض ول اغريبه
ف تباسي سمعت صوت سيارات ضحكت ..
سيارة ايمن وبعدها سيارة اشرف وسيارة عبد الله ..
ياسمين حضنت نرجس بقوة ورضيه تسلم على نساباتها وتنشد على هلهم بعدها نسرين وزهراء
عيدو كلهم وخشو ..
بعد ساعة جت سحر وعيدت على بنات ..
وردة : سمعتي ي نرجس ..
نرجس ب ابتسامه: شنو
وردة : غادة انخطبت ..
نرجس : ماشاء الله مبروك ..
سحر : باهي طيب فيها قبل عنست ..
وردة : ماهو ماعرفتيش من خذاها ..
نرجس : من
وردة : المذيع *****
نرجس : ماشاء الله
زهراء : الله يبارك صراحه عنده ڤيلا ومثقف طاحت واقفه ..
نرجس : ربي يتمملها ع خير تستاهل عقبال امل
كلهم قالو امين ..
سحر : نار تاكل فيها وقاعده تحرق ..
ملاك : يجنن فستانك ..
امنه : جابه لي بابا ..
غفران : اتى نا نا بابا ابه لي..
ملاك : شافتلهن وتذكرت روحها جابتلها زهراء ..
سحر : شافتلهن بعدين شافت لتوليب معش ف اخبار عن علاء ..
توليب : تجمعو دموع ف عيونها وشافتلها بحده
ياسمين : كان ف اخبار را عندك علم ها شن نديرو غداء ..
رضيه : مكرونه كلي طبيخه ماتشبعش وعويله
نسرين : صدقتي
سحر : ربي يطمن قلب توليب مسكينه لا طالت سماء ولا ارض ..
وردة : وكنها قاعده معززه مكرمه ..
توليب : نمشي نساعد ياسمين ..
نسرين : ناضت وراهن توليب ..
توليب تغسل ف سلاطه نعم ..
نسرين : هل راجلك مانشدوش ع بنتك
توليب : لا
نسرين : معقوله ما يجيبولها لبسة عيد ينشدو عنها كلها بنية وحده مش من كثرتهم وبنت ولدهم خزي
مايتحشمو نا عمتي مع اني مش متحملتها ولا قابلتها بس ماتحمل شي ف عيالي خصوصا رهف
ياسمين : خلاص ي نسرين مش وقته
نسرين : هذول مستحيل يكونو بنادمين ف هل هك
خشت سحر والابتسامه ع وجهها نساعدكن ف حاجه
شافنلها الثلاثه ب رفعة حواجب ..