ورود سامة

Part5

ورود سامة / الفصل الخامس 
#يحيى_ادريس

زياد / عارف ..
انصدم وقال / كيف باهي حكتلك عن خالتها هربت يوم الفرح
زياد / حكتلي كل شي ياسمين مادس عني شي
عمر / شافله وقال اها انت مركبهن سلستين
زياد / احترم نفسك احسنلك انا لولا شغلي كنت خربتلك وجهك ..
عمر / هز راسه
زياد / خذا مفاتيحه وناض
عمر / خبط قبضه يده ع طاوله
..
زياد / انتي كنتي ف علاقه قبلي ..
ياسمين / ابتسمت ب استغراب عليش ..
زياد /قوليلي الصراحه كان ف حد ف حياتك قبلي ..
بلعت ريقها وطبست راسها
زياد / لما نكلمك بحتي فيا
ياسمين / ااه كان ف حد وصلنا لمرحلة الخطوبة وسيبني عشان امه ماتبيني ..
زياد / مافيش حاجه اخرى
ياسمين / وعشان خالتي جدي ضغط عليها توافق ع زواج من عمي لكن هي ف حياتها حد وهربت معاه
زياد / قعد يشوفلها وهي تشوفله
تقوس فمها وهي تشوفله يعني بتسيبني خلاص ..
زياد / رفع راسه وشاف لسماء
ياسمين / تمسح ف دموعها معاك حق شن تبي ف وحده كيفي معاك حق الف وحده غيري تمناك..
زياد / ونا مانبيش غيرك ..
ياسمين / كيف ..
زياد / الكيف بعد شهرين ..
ضحكت ياسمين وضحك معاها زياد ديريلي قهوة ..
ياسمين / حاضر وخشت
..
ف الليل خشت نرجس بصفرة كاكو ..
توليب / هذي هديتي لك كان عباره عن مجموعة من مواد زينة المكياج والعطورات مستحضرات تجميل
نسرين / صالون صاله شوري
ياسمين / ربي يخليكن ليا ومايحرمني منكن
توليب / ناويه تصبغي شعرك
نسرين / حرام لون شعرها سمح
ياسمين / نبي نقصه ونديرله ميش
توليب / مايخيلش عليك الميش ديريه اسود
نسرين / هن يخيلن بس شعرك طبيعي احلى
ياسمين / نوع من تغيير
نرجس / زعمك اليوم دور من
توليب / اكيد احكي ع ستار اكاديمي بس مش اليوم نومني
نرجس / لا نحكي ع لحمه من خذاها عند خالتي صفاء
نسرين / ضحكت وووه مزالو يديرو ف قرعه عليها
توليب / كل حاجه نتحملها الا البخل وععع
ياسمين / هو مش بخيل هو حريص وقعدت تضحك
نرجس / اجمل حاجه وهو ياخذ ف حلوى ويحط ف جيبه
توليب / لا لون ولا عون
خش هارون حط يديه ف جيوبه ف من تقرمن
نرجس / خالتي صفاء ولحمه
هارون / عليك عائلة كلوطه
ياسمين / البنات غاليات عليا
توليب / باردات
نسرين / نحس ف امل كويسه عن غاده
توليب / وووه ثقيله غاده احنط بشوي
هارون / حتى هي غلسه وبارده اسمله ع اللي بيزمطهن
نسرين / توا نشوفو مجايبك
هارون / توا تشوفو اصبرو بس
...
منال / تنقصك اي حاجه قولي بنيتي انتي
ياسمين / تسلمي ي عميمه
غدير / حي علي ي وليه خليكي لفعه معاها
منال / ماتعدليش عليها هذ مش تقولي بنتي انتي خير منها
غدير / نهار اسود
رضيه / تضحك
نسرين / مقعمزه وتقول حظوظ
صفاء / ماشاء الله ياسموني طحتي واقفه عمتك القديمة لفعه وحظك مش كي خواتك ناس طيبين
وراجل طيب وجه سمح وضابط الله يبارك امك دعيتلك
رضيه / ف سرها قالت قل اعوذ برب الفلق
غاده / ياسمين تستاهل كل خير
امل / عقبالي يارب
توليب / تشوف لياسمين كيف فرحانه وقالت سبحان الله ربي عوضها خير من هذك كل شي فيه خير
ياسمين كانت فعلا فرحانه ربي عوضها ه العوض
...
نسرين / ياسمين اللي مفروض فرحها عليه اقل من شهر تخيل عندها شقة ملك ونحنا خاشين ع ال 10 سنين زواج ماعندك حتى دار ملك ..
اشرف / قولي الحمدلله غيرنا ف شارع ..
نسرين / هذ ماناقص تسكنا ف شارع فوق انه ايجار رطوبه وقديمه كني من دون صبايا مانعيش متريحه
اشرف / يابنتي ناس انتي خذيتيني وعارفه وضعي
نسرين / قلت توا يتغير ونصبر نصبر خلاص تعبت
اشرف/نسرين استهدي بالله وخلينا نرقدو وراي شغل
نسرين / شغل ريت ه شغل تقول دكتور ولا مهندس عقاب عامل ف مصنع ييه ع طياح سعدي يييه
اشرف / خش تحت بطانيه وعيونه امتلين دموع
نسرين /ياريتك قعدت كيف خوتك تبيع معاهم لا حرام مانوكلش عيالي حرام حرمتك عليك عيشتك
....
توليب / ضابط بشقته
علاء / باهي كويس هذ ربك عوضها
توليب / حتى عمتها تحبها ام خطيبها
علاء / اصلا هي طيبه نيتها تخدم
توليب / ايش قصدك ونا حقيرة وثعلب صح
علاء / لا انتي عسل انتي قمر انتي لنجوم
توليب ضحكت وهو قال ايوا هك ي سمح اللي مافي كيفك اثنين ي سمح ي اللي شعرك تقول الليل وبياضك تقول جبنه
توليب / شن تخرط انت بس
علاء / نقولك ف شعر ي حبي
...
فرشو شقة ياسمين ..
وكان الفرح مزال عليه اسبوع بس
والحوش كله ع كراع وحده حتى من جارات جو ..
تنظيف للحوش وحملات وغسل فرش وبعدين بدو يديرو ف الكعك والمحشي ف الحاجر الجارات وصفاء ورضيه ع الماكينه وكانت نرجس تستلم ف
طواجين وتحط ف الكوشه وتوليب وغاده يسلفرن
ف اطباق الموز ونسرين تحشي مع جارات ف المحشي نفسها امل ادير ف لمسير ..
وفجر اللي علق زينه ع باب حوشهم وبين تحضيرات
هذ كلها كانت ياسمين غاطسه ع الارضي وتشلط
خشت نرجس وهي تضحك كان بدال دق الحنك
تجي تساعدينا ..
زهراء / نحكي مع صاحبتي كنك ..
نرجس / ضحكت وخذت فراشات وطلعت
زهراء / هذي اختي بارده باهي حبيبي ..
..
درست سيارة هارون نزلت ياسمين خشت
لحاجر بدن يشتن عليها ويصفقن هي ابتسمت
وخشت ع البنات
ياسمين / جابو لسياق
توليب / ماشاء الله عليك سياق فخم فخم
غاده / ورينا شعرك
حولت ياسمين الوشاح وشافو شعرها المقصوص وفي ميش كلهن قالن واو سمح خطير ماشاء الله
نسرين / ربي يسعدك ان شاء الله ي سمحه
وحطو عشاء لسياق كان رز ب تقليه ع لحم حولي من سياق
كان يوزعو ف صفر العشاء ع رجاله
هارون / وين يا معرفتكش
توليب / يابارد من يوم يومي سمحه
غاده / ف صبايا جن توا يبن عشاء شافت هارون هربت جوا
هارون / صفر وغمز وقال من هذي
توليب / غاده
هارون / الله يبارك
...