ورود سامة

Part 19

ورود سامة / يحيى ادريس
19 part

عطيه : خير ي بنت سيدي قالو تبيني
سحر : انا مابيتش نحكي لباتي عشان راجل كبير جيتك طول
عطيه : تفضلي
سحر : يرضيك حد يغلط ف عرضكم وشرفكم
عطيه : من كلب بس
سحر : بدت تبكي ف واحد يضايق فيا ويهدد فيا على طول
عطيه : من هو
سحر: سبني وسب امي وقال كلام مش كويس عشان ماخذيتش رقمه
عطيه : وجهه انحمر وعروقه طلعن من هو قوليلي
سحر : اسمه فجر ال *** يقرا ف مدرسة لاصقه فينا
عطيه : ماعليك بكرة نجي ونربيه اي حد يضايقك قولي طول
سحر : تمسح ف دموعها شكرا
عطيه : طلع
وهي مسحت دموعها وابتسمت بخبث كان ماطفشتكم واحد واحد مانبقى نا سحر ابتسمت ع جنب وهزت راسها ..
...
فوزية : الف مبروك تربى ف عزك ي تويبا
توليب : سلمك عمتي الله يبارك فيك
رضيه : كيف درتيها وجيتو
فوزية : سمعنا ب زهراء صخفتني كبدي عليها بنيتي بنجيها ف حوشها بعدها علمنا انها سافرت وبالمره نبارك لتوليب وهذ اوليد من ..
ياسمين : ولد زهراء
فوزية : ماشاء الله شن اسمه
ياسمين : آيآن
فوزية : عاشت الاسامي يارب ربي يسلمه
ياسمين : سلمك
فوزية : شني اسمها بنيتك تويبا
توليب : ملاك
فوزية : قنين
توليب : ياسمين اختارته
فوزية : ايه اني جايه ه المره ونتمنى ماتردوني
رضيه : خير ان شاء الله
فوزية : فتحتلنا الباب نرجس وايمن وين شبحها عقل فيه وطار
رضيه : ابتسمت
ونرجس خشت ف روحها وجهها انحمر وعقدت حواجبها ..
فوزية : كل دقيقة يقول مش مروح الا وتم فيها
ياسمين ابتسمت مزال نرجس اتجاه عام ..
فوزية : عرفتها بتولي دكتورة ..
نسرين : والله نقول فيها ياحظها اللي تجي كنة لعمتي فوزية
فوزية : سلمك حبيبتي المهم راي العروسة ..
نرجس طبست راسها وشبكت يديها ف بعض توا مانفكر غير ف قرايتي
فوزية : وهو يموت ف القراية تكملي عنده
نرجس : الطب مش ساهل وزواج مسؤولية
فوزية : شني ي رضيه
رضيه : بنات توا مانقدرو نحكمو فيهن
فوزية : بتردي عمتك مكسورة الخاطر بنتي نرجس
توليب : تشوف لنرجس وجهها حمر نرجس موافقه غير حركات
فوزية : شافت لنرجس كيف خاشه ف روحها ومتحشمه ضحكت
توليب : تهز ببنتها وضحكت ع وجه نرجس
ياسمين : حاليا خطوبة وبعد سنتين يقرا فاتحة والعرس بعد تخرج
وردة : واووو تقعد نرجس عجوز تمشط ف شيب
نرجس : فنصت ف وردة
والبنات ورضيه يضاحكن ..
نرجس : انا مع ياسمين اللي يبي الورد يتحمل شوكه
ياسمين : ابتسمت وهي تشوف لنرجس
...
فجر : كنك ..
اياد : مجبتش درجة كويسه ف الامتحان
فجر : يانا الليله يراجل
اياد : يرا سنة شهادة ونبي نجيب درجة كويسه
هارون : معناها منكش قاري
اياد : وحده خذت مني كراس ونكرت اني عطيته لها
ايمن : علاش تعطي حاجتك
هارون : شن فيها لو عطاها بس مفروض ردتله كراس
ايمن : ماهو ما ردتهوله الواحد يحسب قبل مايعطي
فجر : باهي هي شن استفادت توا انت معش تعطيها
اياد : عشان تجيب درجة كامله ومحد يجيب كيفها
ايمن : اوووه قتلي منافسة لك
اياد : هذي مانحق فيها لولا برمتني ف كراس ماتحلمش ب تطبيق ونا قاعد
ايمن : عبد الواثق
هارون : مش عشان خوي بس الحق اياد الزروط اللي فينا
ايمن : فيكم كلكم حتى البنات
فجر : لا وين نرجس صقع عليه محد يقدرها
هارون : هذك تشرب ف لكتابات شرب
ايمن : ابتسم
رضيه : وين ماشيه خليك معقوله تروحي توا
فوزية : هدا هو غدوة الحاج عازم ناس للغداء
نسرين : اطقو قصدكم
فوزية : ايه ب طيارة الخاصة احنى جينا
توليب : رفعت حواجبها لنرجس
رضيه : فرحت بيك نحسبك تباتي معانا
فوزية : ف الفرح والهنا بسلامه
نسرين : شكلها زعلت
ياسمين : هذ مستقبل مافيهاش زعل
...
فوزية : مش ليك ي وليدي بعدين من قلة بناويط بنات طرابلس هلبا علاش ناخدو من حد الدنيا
ايمن : اني عجبتني هادي دماغها مليح وشكلها قنين
فوزية : ماهو بتقرا بترجاها 7 سنين ي ولدي
ايمن : عقد حواجبه وسكت
فوزية : ياريت مافتحت معاه موضوع من الاول ولا فتحت عيونه عليها
..
مفرشات كلهن ف دار البنات ..
توليب : ريتن خالتي مايطلع منها ادس ف خطبة امل علينا
وردة : لولا نسرين تكلمت ما كانن بيقولن
توليب : حقيرات وهن ف كل حاجه لنا دكات روسهن
ياسمين : كل حاجه جت بسرعه وجل من لا يسهو
نسرين : نعرفها خباثه حمدلله كلنا متزوجات حتى من زهراء اصغر من بناتها ب وين ودايره عيل عليش بنحسدوها ..
نرجس : صدقني عيت خالتي وحفظتهم تلقيها تفكر ف موالح والحلو لو كلمتنا هتدفع زياده وضحكت وضحكن البنات معاها توليب وووه
ياسمين : يلعن شكلكن وعيتن العيل وبدت اسكت ف آيآن
نسرين : هو اللي حساس بس اهو بناتنا ما وعنش
ياسمين : تبوس فيه هذ راجل مايحبش سهوكه والهرجه
نرجس : كنهم ماخذوه عيت جده
ياسمين فنصت ونحنا شنو مانا عيت جده ..
نرجس : قصدي خلاص طول هنا يقعد مع هله ..
ياسمين : باساته بقوة مادخلكش بيه قاعد معاي نا هو اوليدي هذ
نرجس : توا لمًا تجوزي وديري عيال نشوفوك وقتها
ياسمين : سكتت وحاضنه ولد اختها
نسرين : شافت لياسمين بحزن
توليب : توا ليش عاندتي ي نرجس كنتي وافقتي على ايمن خير
نرجس : من جدك ي توليب اول حاجه تقعد ف طرابلس بعيد عن هنا
نسرين : طيارة خاصة سمعتيها وفلوس مش هذ حلمك
ياسمين : خليها ف قرايتها لاحقه ع زواج يبو بعد تخرج باه مايبو على كيفهم
وردة : ياسمين ماتبيش تقعد بروحها تبينا نقعدو معاها حتى نحنا
ياسمين : شن قصدك بروحي تحسبيني عشان مزال ما تزوجت نخرب على نرجس
وردة : نبصر نا مش هك قصدي
نرجس : خلاص خلاص هي رقدن
ياسمين : دمعو عيونها وهي حاضنه آيآن
وردة : حست روحها لبزت سكتت وغمضت عيونها
توليب : شافت لنسرين برفعة حواجب نسرين تنهدت وغطت بنتها
..
ثاني يوم
ف المانيا ..
كانت زهراء ف العلاج الفيزيائي ومعاها عبد الله ..
ويومها صقع وزهراء بدت تبكي زي طفله لمًا فشلت ..
عبد الله حضنها معلش حبيبي معلش ي عمري اطيحي وتصبي
من جديد نا معاك مش هنروحو لعند توقفي ع رجليك ..
زهراء : تعبت خلاص معش نبي معش نبي تعبت ..
عبد الله : اليوم خلاص بكرة نردو نكملو تمام ..
زهراء : تمام
عبد الله : مسح دموعها بيديها مش حرام العيون حلوين يبكو
زهراء : شافتله
عبد الله : زيتونه تبكي
زهراء : يبارد معش تقولي زيتونه
عبد الله ضحك: واحلى زيتونه اخرى
زهراء : شافتله بحده عبد الله
عبد الله : عيونه
..
ف صبح ..
رضيه ادير ف قهوة ونرجس مربعه ع كرسي كوجينه
رضيه : خواتك مزالن مرقدات
نرجس : ينعلي مفرخهن مارقدونا طول الليل تسكت وحده تبدا الاخرى
رضيه : اسليمتهم كان حتى انتي الله يربحك وافقتي على ولد عمتك
نرجس : انا مارفضتش يمي قلت نكمل قرايتي
رضيه : ياما دونك ماكملتيها قرايتك
نرجس : نا قلتها اللي يبي الورد يتحمل شوكه
رضيه : طيح والله سعدك ريتيها خالتك بنتها انخطبت
نرجس : مبروك عليها
رضيه : نكلم فيها ف كل كبيرة وصغيرة وهي تجحد عليا
نرجس : انتي عارفه طبعها وطبع راجلها اكيد لو كلمتنا هتزيد ف مصاريف اوكال
رضيه : حتى ولو محد جاي من حوشه جيعان كان بلغتني بس
نرجس : توا ترديها حتى انتي ياما عندك مناسبات جايات
رضيه : ماهو لو تسمعي كلامي وافقي عشان ما نكلموها
نرجس : استغفر الله العظيم تبيني ندمر حياتي عشان نقهر خالتي
رضيه : ريت ه تدمير طيح سعدك ايمن الف من تتمناه
نرجس : اوف امي اوف وناضت طلعت من كوجينه
...
طلع اياد من المدرسة شاف سيارة فرح ..
طلع موس من شنطة وبدا ف العجل وحده ورا الاخرى انا نوريك
ي فرج ضحك بخبث ومشا يجري كانت وقتها فرح طالعه انصدمت
بمنظر العجل غمضت عيونها بنفاذ صبر وروحت ع كرعيها شافها
اياد : فرج وين سيارتك بعتيها ..
فرح : ماردتش عليه ومشت وقت وصلت لشغلها ..
وين ي فرح معقوله ساعة 1 ونص معقوله ع اساس 1 تكوني هنا
فرح : سيارتي عطلت واللهي
مادخلناش سيارتك عطلت مش مشكلتنا قتلك من الاول انضباط ف مواعيد العمل بدون اعذار فرح بدت تتلعثم بالكلام ..
فرح : اول واخر مره ..
لا هتكون اخر مره فعلا لآنك خلاص مفصوله من شغل
فرح : عليش
نحنا نبو وحده منضبطه ف العمل مش يوم خوي مريض امي مش عارفه شنو اصلا عندي امتحان تفضلي خلاص نحنا حصلنا موظف
فرح : بس كيف بسرعه هذ طلعت وشافت الموظف جديد كان فيه صلة قرابة بينه وبين مديرة تحسبنت عليهم وطلعت تبكي شافها
اياد كان يراقب فيها من بعيد استغرب انها تبكي مسحت دموعها
وطلعت من المكان تمشي ولا كأن صاير معاها حاجه رغم جو
صقع ومطر ودرجة الحرارة 2 بس هيا نار ف قلبها تفكر كيف
بتصرف على حوشهم وف سيارتها وحوش كامل عابي عليها ..
...
تعرفو واحد اسمه فجر ال **
اها هذ يقرا ف ثانية اعدادي اهو اللي لابس جبوتي ازرق ف نص
عطيه : خلاص توكلو ..
وطارو شباب زي صاروخ يجرو ..
فجر : طالع مع اصحابه ياكلو ف تسالي
عطيه : اوي انت فجر
فجر : انعم تفضل
عطيه : كيف تغلط ف بنت سيدي ي وسخ
فجر : من بنت سيدك حل يرا
عطيه : لي نا كلام هذ
فجر : يرا حول غادي مش من ندادك
عطيه : شلفطه ب كف
فجر : رد ضربه بوني
عطيه : منصدم لان فجر اصغر منه وقال لشباب كتفو
مدرسة البنات
طلعن سحر وهيفاء وشافن سحر حطت يدها ع فمها
وهيفاء مبهوره بفجر كيف ضرب عطيه
واللي مع عطيه ضربوه ب عصا على ضهره لين طاح فجر
وهم يخبطو فيه ب كارشوات
سحر ابتسمت ايوا زيدوه يستاهل
هيفاء حرام هك ..
سحر : صكري فمك
وردة حي خويا هذ ..
ياسمين ي كلاب ي حيوانات ومشن هي وردة يجرن ينقذن خوهن
عطيه : بيش معش تطاول على اسيادك ي كلب وتفل عليه