خشت وجهها احمر صكرت باب دار هجمن البنات
غادة : ها شن صار معاك ..
نرجس : عجبتيه اتفقتو..
وردة : سمح شن شكله ..
غادة : كنك مستكه ..
ياسمين بدت تضحك وهن يشوفنلها ب استغراب
قعمزت تضحك بقوة لعند ضحكن معاها نوع ضحكة ياسمين لما تبقى من القلب تضحك اي حد معاها حتى لو موقف عادي او مش مفهوم تضحك
ياسمين تضحك بدموعها وهن يشوفنلها ويضحكن
غادة بضحكه : قولي شن صار ..
نرجس : را يبقى عطاك حشيش
ياسمين : لو تشوفنه شعره فوق زي احمد حلمي
وردة : خذت فرشة شعر وتغني شوفت الواد ابو جل
ف شعره الللي مبلط ف ديسكو شوفت وهن يضاحكن
ياسمين : شعره تقول قعموله كله مصبي وسلاسل وخواتم ويمضغ في مستيكه وقالي خير ي شينه
نرجس : يعععع ...
وردة : شكله جو ..
ياسمين : يقهرر وفرح صغير شكله ف عمر فجر ..
غادة : عادي نشوفو غيره ..
ياسمين : صفقت يديها ف بعض لا خلاص
..
عبله : يعني ابلتك ب دور على عريس ...
سحر : ضحكت وهي تفصفص ف زريعه ..
سمر : سمحه هي عليش دير هكي ف روحها ..
سحر : سمحه عادية واقل من عادية ودمها ثقيل ..
سمر : باهي شن صار فيها زعما
سحر : مدرعن بس ان شاء الله يعرفوها
سمر : ان شاء الله
سحر : لكن عندها خوت اثنين اكبر مني اغزله
سمر :والبنات يقهرن ع قولتك
سحر : امهم عندها مشكلة
عبله : شوفيلك واحد منهم
سحر : ماسكه قرن شعرها وتفكر
..
ويقرب رمضان والاستعدادات له في هذك الوقت
شري السبيزه اوكال وشرب وبهارات وحاجات من عطار نتذكر كنت نفرح وقت يقرب رمضان عشان نمشي مع امي للعطار زحمه ناس والايام اللي قبل
رمضان لهن نكهة خاصة وبعدين اللي زعلان من حد
يجي يراضيه ايام نفوس طيبه مش توا خوت ف نفس الحوش يفطرو مع بعضهم ومتقاطعين
كانت صفاء واقفه تبوس ف راس اختها سامحيني
حقك علي
رضيه : ابتسمت كل سنة وانتي طيبه ..
صفاء : صافي يالبن ..
ياسمين : سحوركم عندنا خالتي ..
صفاء : لا ونبي عمك سالم برا وجاين ناخذو غادة
نزلت غادة بشنطة دبشها وطلعت بدون ماتسلم
ع امها شافت هارون كان يدخن ..
هارون : بتمشي ..
غادة : رمضان وهكي بعدين لازم نروح حوشنا
هارون : عادي تعطيني رقمك ..
غادة : طبعا مدتله الرقم ..
هارون : ابتسم كل سنة وانتي طيبه ..
غادة : بخجل وانت طيب مع طلعة صفاء
الساعة 2:30 هي ي نسرين ..
في الكوجينه
باهي باهي ..
مهاب : نبي عصيده ..
نسرين فنصت فيه امشي اطلع برا ناقصني ساد بوك
طلعت بصفرة فيها كاس روينه ومعلبات اجبان ..
كان بلال مقعمز حذا بوه عشان يبي يصيم ..
لكن مهاب يلعب ع بلاستيشن وجنبه اخته راقده
..
توليب تاكل ف زبادي خش علاء بسم الله كريم ..
توليب : شافتله ب استنكار
يسلح ف الكويش شن ديري واعيه لعند توا ..
توليب : بكرة رمضان ماعندكش علم ..
علاء : اها كل سنة وانتي طيبه عندي علم..
توليب : خوذ حاجه تسحر قبل الاذان ولا تبي تفطر
علاء : ضحك تشوفي في مسيحي قدامك
توليب : مدرعن وناضت وسيباته
...
اياد : هذ لحمتي ..
فجر : كلاها ف مره جت قدامي ماعندي مانديرلك
اياد فنص فيه وماقدر يناقش عشان هارون ممكن
يفصل عليهم هما الاثنين قعدو ياكلو بصمت ..
اما جوا كانت ياسمين وردة ونرجس ورضيه ..
رضيه : تشرب ف حليب صافي وتمر اما البنات
ياكلن ف مكرونة دايرتها ياسمين وغسلت وردة العوايز خشت لدار شافت نرجس تبكي ..
وردة : كنك تبكي بسم الله ..
نرجس : مش ملاحظة كل سنة ننقصو وحده
وردة : فجعتيني يخربيتك
نرجس : تذكري زمان نسرين وتوليب وقالت ببكاء وزهراء ..
وردة : اللي يسمعك تقول ماتن تزوجن ومتضبطات رجالاتهن ابكي على حالك وتغطت ورقدت ..
نرجس مسحت دموعها ..
..
سالم تمره لغدغوده عشان لها فترة ماكلتش معانا
غادة : تشوفله وخذتها منه
سالم : كبايه حليب لغدغوده عشان لها زمان ماشربت معانا
بعدين قسم تمره بين صفاء وامل وهو خذا نص تمره نص الاخر ناكله بكرة فيش تبحتن الحليب
مش كويس لكن مصر مضر اشربن اميه بس شوي
شوي ل اميه غاليه ..
صفاء :لا حول ولا قوة الا بالله العلي العظيم وناضت
امل : خشت دار معيشه سوده امتى نجوز ونفتك
غادة : وطي صوتك قبل سمعك
امل : ينفلق
غادة : ماتزعليش قبل مانطلع خالتي حطتلي حاجات ف شنطة
امل : بسرعه جيعانه باتك قفل كوجينه
غادة : طلعت باكو جبنه وحكة تن وباكو عصير
خشت صفاء يابنات دسيت الخبزة تحت سريركن
غادة : صكري باب بسرعه وتعالي
صفاء : حمدلله حتى كاشيك طلعته قبل مايصكرها
امل : مشكلة ف عصير
غادة : كل وحده جغمه
وضحكن مع بعضهن ع فتحة سالم الباب قال كبسه ....
حطت زهراء صفره فيها فواكه وعصائر كان عبد الله مقعمز وولده آيآن ع كتره زهراء صبت العصير آيآن
خذا كبايه بقوة شهقت زهراء وعبد الله ضحك قعد يشرب فيه
بعدها صلو فجر اول يوم رمضان ورقدو وآيآن وسطهم..
...
ثاني يوم 3 عصرا ..
ياسمين ورضيه يديرن ف براك ..
نرجس : تنظف ف الحوش ..
على خشة فجر شايل قوابي الفاكهة والخضرا
رضيه : شافت هارون سلمك جياب عليك حجاب
هارون : ابتسم سلمك يمي كل سنة وانتي طيبه
رضيه : وانت طيب ي حبيبي الله يربحك ويرزقك ببنت الحلال
ياسمين : يعوينك ي هارون ب ه دعوات
رضيه : نقي نقي
وردة : خير شنو فطور
هارون : شفشف شعرها بايره
رضيه : شمري ذرعانك وساعدينا
وردة : اتكت ع باب كوجينه منعرفش ندير شي
رضيه طلعت من باب كوجينة يفتح ع سانيه
كان اياد يولع ف تنور وجت رضيه الله يربحك
اياد : ابتسم ويولع ف كانون جنبها يحط عليه شاهي
رضيه : خشت تعجن خبزة
..
غادة : ماناش كيف ناس معقوله يمي طاوعيه هذ حد فطور ..
صفاء : الله غالب ماتعودتيش ع باتك وطبعه
غادة : تعرفي حوش خالتي حتى ف الفطر مايديرو حساء بس
صفاء : احمدي ربك خلاني ندير فيه قديد
امل : مش عيشه هذ نلم دبشي ونفطر عند خالتي
صفاء : را يسمعنا وطي صوتك
غادة : مش ساد يحسب تمر وحليب بروحه ينشرب
صفاء : تشوفلهن بحزن
امل : نحنا صايمين ونشتهو را كان يموت
غادة : ياريت
صفاء : بعيد سو استغفر الله العظيم انتن صايمات
..
نرجس : شن ندير
وردة :مقعمزه ديرلنا كيكه ب شوكولاطة كيكتك سمحه
رن تليفون وردة الرهيب رقم دولي ..
رضيه : ردي اكيد زهراء
وردة : الو
زهراء : الو شخباركم
وردة : تمام كل سنة وانتو طيبين ي فرنساوين
زهراء : وانتي طيبه هاتي امي خير ياامي
رضيه : خير شن حالكم وحال وليدك
زهراء : حمدلله ينعاد عليكم بالخير
رضيه : وعليك يمي شن درتي فطورك غادي
زهراء : عزمتني مرات صاحب عبد الله ف الفطور
رضيه : باهي ماشاء الله
ياسمين : هاتيها خير كل سنة وانتي شخبار وليدي
زهراء : كويس اهو قاعد يطوطح حذاي
ياسمين : عطيني حبيبي
زهراء : حطت تليفون ع وذنه
ياسمين : الو
آيآن قال بضحكه : سيين ياسمين ..
ياسمين : ياعمري انت واستمرت مكالمة وهك
قرب اذان مغرب وحطو فطورهم
عصير لوز وتمر وبعدها صلاة المغرب شربه ومبطن ورز بالخلطة وابراك وخبزة تنور ..
هارون : يمي كنه البطاطا هك ..
ياسمين : نا درتها
هارون : مش نفس بطاطا امي
رضيه : ابتسمت نجلي
اياد : لا والله سمحه
ياسمين : صحه صحه
..
اشرف : هذ بس الفطور ..
نسرين . حامل كثر خيري اللي صبيت ودرت
اشرف : جبتلك مفروم ولحم وين
نسرين :ماعنديش نيه ندير بعدين لحم اهو ف شربه
اشرف : معقوله صارف ومكلف عشان ديري بطاطا مقليه وشربه تلق اميه لحم قصدي فوق وجبه
نسرين : كول ي اشرف مش عاجبك امشي لهلك
ولصغار ياكلو بصمت مهاب قال كان مشينا خالتي
ياسمين اكيد دايره حركات وتكات
ضحك بلال عليه ونسرين فنصت فيه امشيلها خالتك زعمتها تقبلك عمرها دارتلك عيد ميلاد
ولا شرتلك حاجه خالتك هذ اقرب آيآن وشوف شن دير فيك خزي مايثمر فيكم الخير ..
..
علاء : شن هذ
توليب : الفطور ..
علاء : معقول فطور رمضان شاورما وبيتزا وين شربه
توليب : منعرفش نديرها
علاء : كيف متعرفش ديري وعليش تزوجتي
توليب : عشان نسكن ف شقة ملك عشان نسافر وتدهور مش عشان ندير شربه عليك طموح
علاء : هذ وكال مرضى نا طالع ل امي
توليب : طال ل امي عنك ماتروح وفرت بدت تاكل ب استمتاع مالا كان يعرف اني طلبتهن من مطعم وضحكت ..
..
وتمر الايام 27 رمضان ..
كانو فجر واياد دايرين طاوله ف شارع
يبيعو ف خبزة امهم من وراها طبعا ع اساس يوزعو ع فقراء وهم يبزنسو ويبيعو ف باكوات الحليب والموز 🤣
وناس تكر
في الليل
مقعمزات ف الحاجر وياكلن ف لمحلبيه ..
نرجس : حسيته بدا يميل لك ..
غادة : تهيالك بس ..
وردة : شوفي شن جاب عشانك زلابيه ومافيش حد ف الحوش هنا يحبها
غادة : رفعت كتوفها يمكن جت خاطره فيها
ياسمين : خاطره فيها الا لمًا جيتي انتي هنا
امل : اختي هذي عبيطه وتقعد ساكته نين يطير من بين يديها
غادة : اسكتي انتي
خشت سحر خير ي صبايا ..
امل : نفخت وقالت بنخش انخنقت
وردة : سلمت ع سحر وخشت وراها
سحر : قعمزت
ياسمين : شكلك كملتي سوق وجيتي
سحر : شوفن شن جبت
غادة : سمحه
ياسمين : ماشاء الله مبروك تبيديها بالهناء
سحر : خذت شكاره وخشت تجري جوا
غادة : هذي كنها
نرجس : شكلها تبي توري البنات يستر الله ما يديرنلها موقف
غادة : خفت هي نخشو
ولحقنها ياسمين ونرجس
مقعمزات يتفرجن ع مسلسل باب الحارة رضيه وصفاء وجنبهن امل وردة خشت سحر السلام عليكم امل قالت بهمس استغفر الله العظيم
سحر : قربت وباست راس رضيه كل سنة وانتي طيبه
رضيه : الله يربحك وانتي طيبه
سحر:طلعت من شكاره قفطان حوش حاجه بسيطه
رضيه : بارك الله وفيك يابنتي
صفاء : وانا ام صاحبتك ولا عشان ماعنديش عيال
سحر:انتي الحب كله ومدتلها قفطان حوش حتى هي
والبنات تريحن وفرحن بحركتها وهك كسبت مكانه
ف قلوب اهم وحدات ياسمين وغادة ورضيه وصفاء
امل وردة منقهرات منها خشن كوجينه ..
وردة : يانا ياهي كان ماطفشتها
امل : شن تبي ديري
وردة : توا تشوفي طلعت وامل لحقتها كانن يضحكن
امل : كمل مسلسل جينا نقعدو معاكن
سحر مكملتلهن تحكيلهن ف مواقفها المضحكة والكل يضحك ..
وردة : صح ي سحوره شخبار هلك
سحر : كويسين
وردة : شخبار امك
سحر : وجهها انحمر كويسه
وردة : ادير ف وكال كيفنا ولا
ياسمين : شن سؤال هذ اكيد دير كيفنا
وردة : لا قصدي عاداتها يختلفن
امل ب عباطه : ليش امها مش من هنا
وردة : لا امها مصرية
سحر : وجههها انحمر
غادة : صح ي سحر غريبه ماعمرك قلتيها
سحر : موضوع مش مهم
وردة : معقولة جنسية امك مش مهمة
امل : طلعت امك مصرية اول مره نعرفها باتك كيف خذاها
ياسمين : فنصت وكنهم المصريين معاره ولا شنو ياريت عندنا ربع اللي عندهم المصرية طيح سعدكن
امل : مش مقصدي حاجه نا
ياسمين : اعتذرنلها
سحر : ما صار شي انا لازم نمشي وخذت شكايرها
ياسمين : سحر
وردة مسكت يد اختها ضغطت عليها بقوة
سحر طلعت من الحوش وهي ترتعد وتبكي
وقتها هارون نازل من سيارته يحكي بتليفون
مع بنت اخته ويضحك
رهف : وكاكا
هارون : باهي ي قلبي باهي وهو يخش ويخبط ف سحر هي وخرت ودموعها يصبو بقوة شافلها مستغرب
هارون : معلش سامحيني انتي تبكي
سحر : طلعت بسرعه
أنت تقرأ
ورود سامة
عاطفيةقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
