ورود سامة

Part7

ورود سامة / فصل سابع
#يحيى_ادريس

نوارة / هذ ماناقص ناخذو بنت من طبقة نائية
ابتسام / عائلة شعبية
عبدالله / انا عجبتني
نوارة / حلم ابليس بالجنه انهبلت انت تاخذ فرخة مزال ماطلعت من دحيه واخذتك عشان فلوسك
ابتسام / اكيد جيعانات فلوس جيل هذ
عبد الله / ابتسام متدخليش
رواند / خلو ع راحته ياخذ اللي يبيها
نوارة / اسكتي انتي
عبد الله / انا بنتزوجها واخر كلام عندي
...
ياسمين / زهور مزلتي صغيرة انتي طفله
زهراء / لا مش طفله انا مليت من الحياة هذ فقر وذل
رضيه / طيح سعدك وين ريتيه الفقر وذل ي كلبه
زهراء / نا نبي عبد الله وبنتزوج تعبت نا
توليب / ي عمري شن تعبتي مزال عمرك 15 سنة
نسرين / الحياة قدامك بكرة تندمي
زهراء / نندم لو ضيعت عليا فرصة هذ تجي مره ف العمر
غادة / زهراء حرام هذ كان صاحب اختك
زهراء / دام ماقراش فيها فاتحة عادي تصير
امل / انتي انانيه ومريضه نفسيا
زهراء / غير اشقي باتك البخيل قبل
امل / قليلة ادب اكبر منك ي مسخه نا
زهراء / محد يدخل فيا نا حره
وردة / يعني زهراء تزوجت حتى نا نتزوج
رضيه / طلعت وسيبتهن بنات صايعات ميتات ع رجاله
صفاء / دام بالحلال خليهن
رضيه / معرفتش نربي ولا وحده فيهن ولا وحده
...
نرجس خاطري نفتفتها ندفها ونشرب من دمها
غادة / هو نذل وهي مصيرها تعرف وتسيبه
نرجس / نموت لو خذاته ي غاده نموت
غاده / خذتها ف حضنها
امل / هذي فرخة صغيرة توا تسيبه قولي امل قالت
..
عبدالله / ي عمري ماتجيبي شي انتي برنسيس كل حاجه نا نجيبها
زهراء / تمام
عبد الله / الفرح الخميس
ابتسمت زهراء وخشت تجري تقول فيها ل امها
رضيه / ضحكت فرح الخميس بدون خطوبه لا شي
نسرين / هذ يضحك عليك
ياسمين / وين هله ي زهراء
زهراء / انتو حسديين وماتبونيش نفرح
رضيه / لو درتيها ي زهراء انسي ان عندك هل
زهراء / ضحكت ريت ه الهل شن شفت منكم نا غير ذل وزعم الكبد
ياسمين / تأسفي ي حيوانه من امك
رضيه / نا عيشتكم ف ذل
زهراء / اها وركبت لدارها
رضيه /  مسحت دموعها وركبتلها بتزوجي مربوحه لكن انسينا حتى ففرحك محد يجي تقعدي بروحك منبوذه كيف الكلبه
زهراء / شافتلها بتضييقه عيون
وفعلا جا يوم الخميس طلعت زهراء ومعاها صفاء
رضيه / قالت ب تشديد اللي يحضر فرحها يحرم عليه الحوش وماني راضيه عليه ليوم دين
توليب / يمي ماتجيش
رضيه / اسكتي انتي
زهراء / مش عابيه عليكم عبد الله دزلي سواق
نزلت نرجس وين ماشيه انتي ..
زهراء / بنتزوج اليوم فرحي تحبي تجي
نرجس / لا مافيش مافيش
هارون يمسك ف نرجس
نرجس / تعالي هنا زهرااااء زهراء
وطلعت زهراء وركبت ف سيارة حاطه يدها ع قلبها
وعياط نرجس قالب دنيا تقول عزاء كانت بتطلع
لشارع يمسكو فيها بدت تخبط وتبكي ركبت فوق
لدار البنات اطلع ف دبش زهراء حقيرةةةةةة حقيرة
قلبت سريرها ويمسكو فيها وهي منهاره ع الاخير
لعند هارون ضربها ب ابره وهي تقول ي ااامييييي
رضيه يديها على عيونها وتبكي ...
وافخم قاعات الافراح وقتها نادر من يدير فرحه ف صالة ومش اي صالة افخم صالة كانت زهراء طالعه
ملكة جمال وكل العيون عليها لابسه عقد من الماس ..
المعازيم سمحه العروس ..
ايوا سمحه لكن شكلها صغيرة
ايوا باين عليها ف العشرين 
لا قالو عمرها 15
نهار اسود ..
حي مالا مواليد 89
حتى مواليد 89 اجوزن ونحنا سبعينات عدينا فيها
حتى بداية ثمانينات معاكن بختنا عطيب
..
عبدالله رفع طرحه مبروك حبيبتي ..
زهراء / الله يبارك فيك
عبدالله / شن جمال هذ بس
زهراء / ابتسمت وطبست
قرب باس راسها وخذاها ف حضنه واخيرا ..
..
بعد مرور شهر طلعت زهراء مع عبد الله ل المانيا ودهورو وكانت مش مدوره هلها ابدا ولا معبرتهم
نوارة / هلها لا جو ف فرح ولا بعد الفرح
نوال / شلافطيه اساسا انتو ليش سكنتو ف شرق
نوارة / كله من الناجي الله يسامحه
نوال / يعني هي ماشافتهم بكل حتى بعد روحت
نوارة / ماتطلعش من دارها الا مع عبدالله
ابتسام / ي خويله سجلها ف مدرسة خاصة ومدرسين خصوصين عشان شهادة سنة ..
نوارة / وهي كانت ف مدرسة حكومية
عبد الله / زهراء استاذة الفرنسي قاعده تحت
زهراء / اوف عبد الله اوف مانبيش خليني متريحه
عبدالله / هي مافيش وقت مش تقولي تزوجت معناها ترقدي
زهراء / كل رجاله يحبو وليه تقعد ف حوش الا انت
عبد الله / نبي مرتي مثقفه متعلمه ناجحه ..
شقلبت عيونها شافت عمتها ام عبد الله
نوارة / فنصت فيها
زهراء / طلعت لسانها ورقصت حواجبها
نوارة / شفتن قليلة ادب
نوال / بيئه وسخيفه
ابتسام / مش متربية وعبد الله مش راجل
نوارة / لكن وحياة امها مانبقى نوارة كان ماخليته ياخذ عليها
نوال / اكيد مش هيبقى على هذ
عبدالله / وهذي زهراء
باسمه / اهلين ب الزهراء تفضلي حبيبتي
عبدالله / عينك منها هاه
باسمه / امشي امشي
زهراء / توا انتي تحكي فرنسي طلع ساهل
باسمه / ضحكت عليها
___
كانت نرجس ثانيه ركابها وحاطه يديها ع ركابها
لابسه سروال موڤ وماليه نص كم ورديه وشعرها
منكوش وجها اصفر وساكته ..
ياسمين / ماتجيش حبيبتي لك شهر ع الحال هذ لا وكال لا شرب حرام را
ياسمين / شوفي نا شن صارلي احمدي ربك ي نرجس
نرجس / خذاته زهراء سرقت حبيبي زهراء
ياسمين / حضنتها ودموعها ف عيونها
نرجس / حطت يدها ع قلبها قلبي يوجع في
ياسمين / صلي هذ من شيطان الصلاة تلقي فيها واختك
نرجس حطت راسها ع كتف ياسمين وتبكي 
صفاء / اللي درتي ف قمر ونسرين ما ديريش ف زهراء
رضيه / نديره ونص زهراء باعتنا ي صفاء باعتنا ب رخيص
صفاء / لا حول ولا قوة الا بالله
توليب / خلاص سادك سنين ساكته اعترفي
غادة / متحشمه
توليب / خوي ونعرفه ضروري ما تبادري انتي
غاده / انا موتيه اعتراف
توليب / ضحكت ف شن ترجي امشي بسرعه
غادة / كانت طالعه فرحانه تعترف مشاعرها لهارون
هارون / من جدك يعني بنات خالتي فرخات بنبحت فيهن سدك غير بوهن القنيبه نا منبحتش الا ف بنات طبقة مخملية غادة عيونها دمعو وخرت ومزقت الورقة اللي بين يديها
...
توليب / نزلته
علاء / شن درتي
توليب / لمًا تبقى راجل ودير حوش ساعتها نجيب منك
علاء / انتي مجرمه مجرمه
توليب / شقلبت عيونها
علاء / كيف بس ديري هك
توليب / نفس ماقتلك ديرلي حوش زي ناس ندير منك صغار
علاء / ماهو مش بمزاجك
توليب / no ي حبيببي بمزاجي ونص اخرى فاهم
...
باسمه / Bravo
زهراء / Merci
باسمه / ماشاء الله عليها ي عبدالله
عبدالله / طبعا حتى هي مرتي
باسمه / ربي يخليكم لبعض نستاذن انا
عبدالله / كل اثنين تجي 5 العشية
باسمه / الوقت اللي يناسبكم
عبدالله / شن رايك
زهراء / عادي في اي وقت
باسمه / يلا نشوفكم ع خير وطلعت
زهراء / اتهبل بكل
عبدالله / انتي اللي تهبلي امشي البسي عندي لك مفاجاة
ركبت زهراء تجري فوق ..
ابتسام / طفله تجري زي الاطفال
نوال / شيرت ب حواجبها لنوارة
شافت كيف عبد الله طلع وركبت لزهراء
زهراء / ف دارها قدام غرفة ملابس تختار لبسه
نوارة / انتي يابنتي
برمت زهراء شافتلها
نوارة / احسنلك تبعدي عن ولدي بالحسنى
زهراء / والا
نوارة / تشوفي شي مش هيعجبك
زهراء / اعلى مافي خيلك اركبيه يابيبي
نوارة / اخر كلام
زهراء / نقطة نهاية سطر
للحديث بقيه
..