تأليف يحيى ادريس ..
وين كنتي انتي بتهبليني ي مرا ..
نرجس شافتله بكل بلاده وقالت ندهور ف لعيال حرام مايعرفوش شكل شمس شنو وليث يتنطط
ف ملاهي تقول كان ساكن ف كهف لدرجة عجوز
كبيرة تحسبني ارمله
ايمن : بعيد سو علي وين حاطه قهوة
نرجس : امم يمكن هنا ولا هنا منعرفش
ايمن : شني متعرفيش من غير مكانها الجن
نرجس ؛ اسس صوتك مزعج شنو هذ وركبت سيباته
ايمن منصدم فيها وف تصرفاتها ..
ايمن : هادي هبلت رسمي نرجس
..
اياد : وانت وين كبارك امك بوك خوتك
شعيب : محد معاي عدل نظارته هلي كلهم توفو
اياد : شافله بنظره
لكن هارون كان فرحان ويتعرف عليه عادي
رضيه ؛ يعني حتى عمات خالات ماعنداش
سحر : مسكين كلهم متوفيين وخوال العمام عدو
ياسمين : مش مهم
اياد : اطلعي معاي البسي محرمه
ناضت لبست حجابها وخشت سلام عليكم
شعيب مطبس راسه ومنحرج لعند طلعو اياد وهارون
شعيب : ماشاء الله تبارك الله فيما خلق
ياسمين : ساكته وميته من الحشم
شعيب : انتي كم عمرك
ياسمين : بلعت ريقها 34
شعيب : كويس تلحقي نجيبو 4 عويل 5
ياسمين ؛ كلماته جرحنها ..
شعيب ؛ الفاتحة ان شاء الله مع الفرح هيكونو نهاية شهر
ياسمين : ابتسمت
شعيب ؛ عشاء عائلي نجي ناخدك ونمشي نا مش داير شي لا عندي اصحاب ولا اقارب
ياسمين ؛ تمام شوف خوتي
شعيب ؛ كويس ممكن رقمك
ياسمين ؛ عطاته رقمها وخشت
سحر : ها شن صار
ياسمين ؛ الفرح نهاية شهر
سحر : زغرتت بصوت واطي
رضيه ؛ رغم فرحتها ببنتها لكن اضايقت انه تسيبها والحوش يفضى عليها ..
...
فجر : باهي ما شاء الله سئلتو عليه
هارون : استاذ كيمياء ومحترم ف حاله كل جيرانه شكروه
اياد : قالو من شغل لحوش من حوش لشغل
فجر ؛ ممل يعني
رضيه ؛ مش مهم المهم يبقى كويس مع اختكم
اياد : وهذ صح ياسمين مش لاي حد نعطوها
ابتسمت ياسمين لخوها انما فجر ياكل مزال في حساسيات بعد اخر موقف لما ضربها لا هي حكيت معاه ولا هو بحت ف وجهها حتى لو جت عيونهم ف بعض ولا كأنهم يعرفو بعض ..
...
خش عبد الرحمن يشم ف بنة شياط ..
شنو هذ هذ شنو
وردة : درتلك كيكه اللي تحبها بس تحمرت شوي
عبد الرحمن : هذ انحرقت
وردة : لا هك هي اصلا
عبد الرحمن : بدا يكح
وردة : مطت شفايفها للاسفل تعبت فيها ساعتين ندير فيها
عبد الرحمن : كوليها انتي ومشا يجري سيبها
وردة : ي خسارة دحيتين وبكينج بودر ناكلها نا عنك ماكليت خذت كاشيك كلت منها رفعت كتوفها مش عارفه كنه اوڤر حرق بسيط مش متضرر واجد سلم يديا عليك كيكه تسهف شطورة وردة احسن من شيف شربيني
...
وجا وقت فرح غادة اللي مشت رضيه وياسمين يباتن من يوم تفريش زهراء مقدرتش تحضر عشان مسافرة وردة طبعا منقطعة العلاقات ونرجس اعتذرت بسبب المسافة ونسرين تحججت بموت عمتها
امل وهي تغلف ف بتات اختها ع اساس تقبل عمتها هي
غادة : ع كيفها المهم درنا اللي علينا وعزمنا
امل : من قبل دارنها فف فاتحتي وتوا ف ففرحك
غادة : ع كيفهن يامل مش بالغصب
خشت ياسمين خير يابنات ناضت غادة تسلم
ياسمين : مبروك ي عروسة
غادة : الله يبارك فيك امتى جيتي
ياسمين ؛ توا جابنا هارون
امل ؛ وفجر واياد وين
ياسمين : فجر ماعد نحقو ف وجه واياد مايقبل شيل وجيب
امل ؛ غريب مراتكم تخلي ف هارون يشيل
ياسمين : بايته عند هلها
امل : احسن خفت منها تجي
ياسمين : مااعتقدش تجي
غادة : يابنات بنجوز خلاص بنودع سالم وحياة قحط
ضحكت ياسمين وعيونها مليانات دموع الاب مايجي مكانه حد مهما كان عطيب بس يكفي كلمة باتي
امل : بكيتيني لكن مش كل اب اب
ياسمين : شن بديتن تغلفن نساعدكن
امل : ياريت جيتي وجابك ربي
..
تعرفي مش مصدقه ان عبد الله اجوز وقعد اب
زهراء : ابتسمت لا صدقي وولده قريب يبقى طوله
هالة : اما كنت صغيرة ديما يشيل فيا
زهراء : رفعت حواجبها اللي نعرفه ان بينكم 5 سنوات
هالة : كنت ندير حركات اني مزلت بيبي وصراحه راجلك يجنن من هو صغير اصفر وعيونه زرق يدوخ
زهراء : عينها تنبض وشر باين ف وجهها
وهالة ؛ مستمره تمدح عبد الله دار وعبد الله فعل
..
وهما ف طريق
زهراء : كنك ماقلت هي عارفني منحبش نطول
عبد الله : شفتك قاعده قلت اكيد انسجمت وهاله تحكي ديما تقول خاطري نتعرف على مراتك
زهراء : فنصت فيه اسمع ياباش مهندس انا غيورة يكون بعلمك مانفهمش لا كيف اختي لا شي هذ عبد الله شالني زمان عبد الله دارلي عبد الله اصفر وعيونه زرق عبد الله عبد الله دحناسه وبارده راس القرعه هذ لذلك اسمعني اقطع تواصل معاها فاهم
عبد الله ؛ مع انها كيف اختي بس فاهم مستحيل نشوف لوحده غيرك وين نلقى سمراء وعيونها كبار وخضر هك وشعرها طويل وكيف حرير اسود كيف ظلام الليل مش هنلقى ف زينك لا توا ولا بعدين انتي حد الزين
زهراء : ابتسمت وشقلبت عيونها مسك يدها وباسها
...
اياد : مبروك مبروك ي حبي لا شن تقولي انتي هذ مجهودك طبعاااا انا مادرت شي وضحك ..
فجر : ضحك وهز راسه يمين ويسار حط يديه تحت راسه ويسمع ف خوه وهو كل مره يحكي مع بنت
اياد ؛ هي حبي دزي صورة مانجحتك نا هذك مش واضحه كويس هي بيش سنة نجحك هي نرجى
فجر : ربي يهديك وانت من وحده لوحده
اياد : صكر فمك بكل انت خليني نحكي
فجر : طلع يدخن سمع صوت سيارة صهيب طلع
صهيب : شافله مرحبا
فجر : او جيرة وينك مختفي
صهيب : عمل والله
فجر ؛ ربي يساعد ان شاء الله
صهيب : ان شاء الله
فجر : صهيب انا ناوي نكمل نص ديني
صهيب ابتسم ماشاء الله باهي
فجر : شن رايك انت قولك يوافقو
صهيب : من مايوافقش عليك انت الف عيلة تمناك نسيب لهم
فجر ابتسم : جديات
صهيب : اكيد ي غالي مافيهاش شك انت راجل ثلب وفزاع ونيتك بيضه وصاحب صاحبك نا مانعرف هنا حد غيرك ويعلم الله بمعزتك
فجر : ولأنك صاحبي طلبي عندك
صهيب : خير ان شاء الله
فجر : ناوي نطلب يد بنتكم لاني صاحبك ناوي الحلال
صهيب : شن تخرف انت
فجر : انا قلت نقولك قبل وتفتح موضوع مع هلك بعدين نجيب هلي
صهيب : تجيب من لمن اختي نعطيها لك انت
فجر : توا قتلي اكيد يوافقو والف عيلة تمناني نسيب
صهيب : مش نحنا مش لاختي مستحيل نخليك تاخذها انت اصلا كيف تفكر فيها دايرك اخ وانت حاط عينك عليها ونا واثق فيك
فجر ؛ انا لو مش تمام مكنتش طلبتها بالحلال
منصور : شن في اصواتكم عاليه
صهيب : الاخ جاي يطلب ف ايد اميرة
اميرة كانت واقفه فرحانه على متوتره وخايفه
منصور : مرحبا ولدي خش نتفاهمو
صهيب : مستحيل يعفس الحوش هذ
فجر : انت خوي ي صهيب تردني
صهيب ؛ نرد عدي بحت لتاريخ عيلتك خواتك خالتك كلهن الله يبارك حتى مرات خوك مشيها غلط لنقنكم شبههه ومن زمان بنفك خلطتك اختي مش لك
فجر : معش تحمل وقدم ضربه بوني نحنا اشرف منك ي وسخ
وصهيب رد ضربه منصور حاول يحز عليهم بس معش تحمل وطاح عليهم ..
صهيب : باتي باتي
منصور : شاف لولده وهو ف حضنه امك واختك ف امانتك ي ولدي وغمض عيونه
صهيب : لا ياباتي باتييييي
فجر يشوفلهم ومنصدم
...
أنت تقرأ
ورود سامة
عاطفيةقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
