ورود سامة

part 11

#ورود_سامة
#يحيى_ادريس
11

نوارة / مش على اساس تحسنت علاقتك بهلك
زهراء / بلعت ريقها وتفطر
نوارة / ابتسمت بتهكم
زهراء / طبست راسها وتلعب بالوكال
نوارة / هذ اللي تخسر هلها عشان راجل
ابتسام / اللي مافيها خير في هلها مافيها خير ف حد
نوارة / رفعت حاجبها وقالت طبعا
زهراء / الحمدلله
نوارة / كولي عشان اللي ف بطنك
زهراء / مشت وركبت فوق هي بتموت من الغيظ
فتحت باب جناحها وهي تبكي قعمزت ع سرير
تمسح ف دموعها طلعت نقالها اتصلت ب عبد الله
اللي كان منهمك ف شغله شاف اسمها رد وقال
ايوا ي عمري ..
زهراء / شيلني لهلي ي عبدالله مرايفه عليهم نا ..
عبد الله / قتلك مليون مره خلي موضوع يهدى ونا نشيلك بدون ماتقولي
زهراء / تمام
عبد الله/ نحبك
زهراء / حتى نا
..
كان عبد الله موظف مدرسة خصوصية لزهراء
زهراء قدمت ع دور ثاني ..
يوم الامتحان زهراء خايفة خايفة ..
عبد الله / متخافيش اللي معاه ربي مايخافش
ابتسمت وخشت الامتحان قعدت ساعة ونصف
طلعت شافاته واقف يرجى فيها قدام سيارة ابتسمت وحضناته وهو يقول ف شارع ي هبله
زهراء / شن فيها زوجي ..
عبد الله / فتح باب تفضلي مدام ..
زهراء / ميغسي وركبت
عبد الله / اليوم لك بس
جابلها باقة ورد وشوكولاطات وتغدو ف مطعم
خشت زهراء ف يديها الحاجات
نوارة / ماشاء الله نحنا نرجو فيكم ع الغداء وانتو زايطين
عبد الله / مكنتوش ترجو يمي
نوارة / تعرف من ادهور ولمن تشري ي عبد الله
عبد الله / زهراء ماعندهاش من يشريلها انتي تطلعي ف كل وقت
نوارة / رفعت خشمها ولوت فمها خلاص خلاص
عبد الله / انتي ست الكل وست الحبايب باس راسها
نوارة / كلام بس لكن الفعل كله لها هي من وين خذيتها لحستلك عقلك ..
عبد الله / ضحك
...
كان علاء واقف ع لمرايا يدير ف جل
توليب / ماشاء الله وين طالع
علاء / شغل
توليب / اللي يسمعك تقول تخدم ف شركة مش سواق حافله
علاء / وكنه سواق الحافلة
توليب / ما كنه شي ياخذ ف ارقام صبايا بس
علاء / الله يسامحك الظلم ظلمات
توليب / رفعت حواجبها وتهز ف راسها
علاء / هو حد يقعد معاه القمر ويبحت برا
توليب / صدقتك صدقتك
علاء / شاف لبطنها الكورة هذ امتى تجي بس
توليب / كورة ف عينك فنصت فيه
علاء / ضحك وباسها تبي حاجه
توليب / سلامتك
طلع ركب ف الحافله رن تليفونه ورد ايوا ي حبي
طيارة ونجي ناخذك وين ي عيوني تم تم ي عسل
طلع الموزيل وبدا يبخ ششش وتحرك ب الحافلة
بعد ولع اغنية تامر حسني عنيا بتحبك ..
...
فتحت غادة الباب كانن رضيه ونرجس وردة وياسمين جايات مكسدات ومعاهن كيكه ..
سالم / كان بدال مصاريف كيكه جبتن حاجه عشاء
صفاء / فنصت وقالت سالم
وردة / تضحك
انما نرجس مطبسه راسها وماسكه ضحكتها
صفاء / سمعت ان نسرين جابت مبروك
امل وغاده تعالن يابنات لكوجينه
ناضن البنات وراهن
رضيه / الله يبارك فيك بس حزت ف روحي ي خيتي
صفاء / كنك
رضيه / مشيت لمستشفى وديرتلها قدر نلقى قدامي
صفاء / من راك تقولي قمر
رضيه / زهراء وعمتها
صفاء / تنهدت بحزن خيات الحن ف دنيًا
رضيه / نا محلفتهن يقطعنها كان يبني
صفاء / وسعي بالك بنياتك وعمره ماظفر يطلع من لحم
رضيه/ لا يطلع يطلع ي صفاء زهراء مش دايره شوي
صفاء / دارتلك موقف ماسلمتش عليك
رضيه / بكل وقاحة تصبي قدامي وتأسف
صفاء / وايش درتي
رضيه / مشيت وسيبتها
ياسمين / ماشاء الله
نرجس / عنده فلوس
ياسمين / المهم كويس واخلاقه كويسات
غادة / اهم حاجه الكرم عندي نا
وردة / ان شاء الله تحصلي واحد كي باتك
غادة / خزي عليك
نرجس / ضحكت وشافت ل امل ناوي يخطبك امتى
امل / مزال بعد ناخذ شهادة وساهل
ياسمين / اهو خلاص كم شهر وتاخذيها شهادة
امل / يارب نطلع بنسبة كويسه خايفه من كشايف ع راديو لم ينجح احد
غادة / خطرها يومتا سمعت نتيجة الاعدادية
وردة / اسكتن نا خاشة ع الاعدادي
ياسمين / حي زهراء شن صار فيها زعما
نرجس / حتى نا سمعت سقطت وابتسمت
ياسمين / حرام ي نرجس شماته مش كويسه
نرجس / واللي هي داراته كويس خليها شوي تلذع
غادة / نحس فيها زهراء مش حاطه ف بالها لقراية
وردة / خلاص معش تجيبن اسمها را امي تسمع
ياسمين / تنهدت بحزن
...
نسرين / قطعتني بكل من يوم هذك ياريتك ماقلتيلها ي توليب
توليب / ايش ندير هي تسأل وع حسن نيتي قلتلها نسرين جابت مانحسبهاش جايتك
نسرين / امي زعلت تحسبني نكلم فيها نا
توليب / مصيرها ترضى
نسرين / امي واعره مش بساهل ترضى
توليب / ربي يهديها ان شاء الله
نسرين / ان شاء الله وعقبال مانفرحو بسلامتك
توليب / بنت طلعت
نسرين / ماشاء الله مبروك مبروك
توليب / كوكب زمردة يقعد
..
هارون / كنكم روحتو بدري
نرجس / خفنا يلزنا سالم الوكال غالي
ضحك هارون وكلهم يضحكو ف سيارة نزلو
فجر / يمي جيعان
وردة / بسم الله توا غير خشينا
اياد / طبعا انتو دقوها غادي ونحنا جيعانين
ياسمين / ايش بندقو ي حسرة كلينا غير كيكه وجبنه مالحه
نرجس / بالبوني ع جبنه
رضيه / سادكن قرمه وتعالن ساعدني
ياسمين / ايش تبي ديري
رضيه / رز جاري
ياسمين / ديري امقطع خير
رضيه / مش وقت نطلع دقيق واعجن وسريب
كانت زهراء مصبيه تشوفلهم وعيونها مليانات دموع
رضيه واقفه ف روشن كوجينه وتضحك مع ياسمين
وزهراء متمنية ترد وتكون جزء منهم لو يرد الوقت بيها وتبقى معاهم دموعها نزلو وهي عارفه روحها
مش هتخش ولا هيسامحوها ..
عبد الله / تخلي فيا ندور عليك معقوله ي زهراء
زهراء / ركبت ف سيارة
عبد الله / مع من جيتي
زهراء / بروحي
عبد الله / لا حول ولا قوة الا بالله
تحركت سيارة وهي تشوف لحوش هلها بحسرة
طلعت نتيجة دور ثاني نجحت ب جيد جدا ..
عبد الله قدملها وفتح علبه فيها طاقم الماس
زهراء انبهرت وهي تشوف فيه قالت شكرا حبيبي
شكرا حضناته بقوة وهو ابتسم ويقول مبروك تستاهلي ي قلبي انتي تستاهلي ..
...
نوارة / جبتي اللي قتلك عليه
خوذي وع ضمانتي تفتكي منها نهائيا
نوارة / بارك الله فيك كم حسابك
150
نوارة مش واجد
تبيني نرتكب ذنوب ب الرخيص
نوارة معاك حق ضحكت وخذت الاعشاب
رواند / شن هذين
نوارة / نحس ف روحي مريضه خذيت اعشاب
رواند / اها
نوارة / خشت كوجينه
..
نسرين / والله بروحها جت مش مني يمي
رضيه / باهي تمام تمام
نسرين / رضيتي يعني
رضيه / ابتسمت
توليب / خلاص معناها اللمه هنا
شقلبت رضيه عيونها والبنات يضاحكن
رضيه / امري لله
توليب / علاء قالي ماشي ل اصحابه يلعب ف كارطه عادي هارون تروح بيا
هارون / جوزناكن نفتكو منكن نعانو فيكن
توليب / نعطيك بسبوسه ديرتها تسهف
رضيه / ويالبخيله كنك ماجبتي منها معاك
نرجس / سالم رقم 2
واطربقن ضحك
توليب قرصت نرجس توا نوريك ي كلبه

...
نوارة / هاكي هذ يريحك
زهراء / شنو هذ
نوارة / مشروب يفيدك ف اخر شهور كويس لك
زهراء / بس دكتورة قالتلي ف حاجات ممنوعه
نوارة / يعني نا نبي ندير حاجه تضرك ولا تضر حفيدي كنك انتي
زهراء / مش قصدي
نوارة / يقولك اسال مجرب ولا تسأل طبيب على ضمانتي
زهراء / خذت منها كباية وبدت تشرب طعمته شينه
نوارة / صحي كملي كله
زهراء / منقرفه وقرطعت كبايه عشان نوارة تمشي
ونوارة بعد شافتها شربتها كله قالت ايوا شاطره
صحه صحه بالشفاء ان شاء الله وطلعت وسيبتها
زهراء مشت تجري للحمام تتفل حشاكم ..
...
توليب / انزل
هارون / لا والله متنبل جيبي طرف بسبوسه
توليب / توا نحطلك حفاظه عشان نرجس قرده ماتقولش سالم 2 وضحكت وخشت حطتله وطلعت عطاته عدا هارون وهي خشت كان الحوش في بنة شينه وحوسه خشت لدار سرير محوس وعلاء عريان سريرك منهبك ومفرش ع الارض
توليب منصدمه ادور بعيونها شافت طرف الورغان
طالع من دولاب دموعها طاحو فتحت دولاب شافت
وحده جوًا قعدت توليب تعيط وعلاء يسكت فيها وهي تعيط وتبكي ف داري ي نذل ف داري ي حقير بيش احسن مني ف شن احسن مني ي مخمج عفريته ياقذر ي نجس وعلاء يقوللها ماتفهميش غلط
..
زهراء / بطني توجع فيا بنموتتت
عبد الله / شن في ي عمري
زهراء / خلاص بنموت ي عبد الله بنموت
عبد الله / يشوفلها وجهها عارق واصفر
زهراء / تبكي
جت رواند كنها شن في
عبد الله لبسيها حاجه شكلها بتجيب
ورواند طلعت عبايه وشاح ولبستها وطلع عبد الله شايل زهراء تعيط ..
..
للحديث بقيه