ورود سامة

Part 15

#ورود_سامة
#يحيى_ادريس

انفتح روشن دارها شافت شمس شتوية طالعه ابتسمت وهي تشم
ف ريحة لتراب لما تمطر برمت شافت ولد اختها راقد ابتسمت
وقالت ي عمري انت ربي ينوض امك ع خير فتح عيونه صباح
الخبر صباح سمح زيك خذاته ف حضنها وطلعت بيه تحت تسمع
صوت امها توعي ف خوتها هي نوضو خش اياد للحمام ومعاه
طلعت رضيه صباح الخير كنك واعيه توا ..
ياسمين .. رقدت بدري امس وهو ما وعانيش ..
رضيه .. وردة ي وردة ي وردة صبي مدرسة
وردة .. صقع يمي صقع وتغطت زين بالبطانيه
رضيه .. نوضي وقت ع مدرستك
وردة  .. اوف اوف ناضت معصبه وهي تقز ع سنونها ..
ياسمين .. ضحكت ع شكلها سمعت ولد اختها عيط حطاته
خشت كوجينه ديرله رضاعه شافت ل امها اطيب ف الفطور ..
رضيه .. ماني عارفه امتى توعى امه وتشوفه ..
ياسمين .. ان شاء الله مافي يدينا شي الا ندعولها ..
ف صاله
هارون .. سبحان الله زهراء قعدت ام ..
وردة  .. سمح صح ..
هارون .. طالع لخاله ..
فجر .. اكيد خاله انا ،.
اياد .. لا انت ولا انت هذ طالعلي انا
ضحكت وردة ي ثقه انت وياه امه سمحه وبوه اسمح منكم ..
شافولها بتضييقه عيون وردة ماقلت شي وهربت من حذاهم ..
جت رضيه بصفره فيها كاكو هي تعالو افطرو وراها ياسمين
تخض ف رضاعه ولد اختها ..
...
نوارة .. لعند امتى مقاطعني نا امك شهرين ماتقولش ف خير
عبد الله .. شهرين ولدي قعد بين الحياة والموت شهرين مرتي ف غيبوبة بسببك انتي ..
نوارة .. ولدك اللي من لما طلع وهو عند هلها وهو بأسمنا نحنا
عبد الله .. كنك بتقتليه هنا ..
نوارة .. لهدرجة شايفني مجرمه ..
عبد الله .. مطيحيش من عيني اكثر من هك خليني محترمك
نوارة .. ان شاء الله ماتنوض منها زهراء ان شاء الله لجبانه طول
عبد الله .. طلع وركب ف سيارته
فتحية .. ياويلي طلع معصب
كريمه .. الست هانم دي عقربه
فتحيه عضت شاربها تسمعك تطردك من هنا ..
كريمه .. دي ماتخافش ربنا حرام عليها بتعملو ف بنات ناس
فخرية .. انا سمعتهم عم يقولو رح يزوجوه بنت خالتو بس تموت موتو
كريمه .. بعد شر يارب تقوم زهراء هانم بسلامه وتوريهم
فتحية .. نحنا شدخلنا خلينا ف شغلنا
...
في مدرسة صلاح دين جنبهم مدرسة الشعلة للبنات ..
درس هارون نزل فجر من قدام وهو يلبس ف شنطته ...
ونزلت وردة من لاورة شافو سيارة بيجو نزلت منها ..
بنت حنطية البشره ومطلعه جمتها ضحكت وردة وقالت ..
لصحبتها شفتي سحر جاية ف بيجو وتضحك وردة وصحبتها
كانت ياسمين نازله عشان ادرس في مدرسة وردة ..
سحر .. احترمي نفسك وكنها البيجو ياماما ..
وردة .. بيئه ..
سحر .. امك اللي بيئه ي روح امك ..
فجر .. ضمي فمك يانعن وسب الدين وام سحر ..
سحر .. مش شورك انت اطلع منها خش ف خبر صبايا
ياسمين .. تفنص ف وردة
هارون .. بيب لفجر خش لمدرستك وماتخشش بين عيت حنه
فجر .. عض لسانه
سحر .. شقلبت عيونها وطلعت لسانها حشا مدرستها
غيث .. شنو ي باشا بنت سخسخت بيك
فجر .. توا نوريها
غيث .. ضحك ماضني تقدر دير حاجه
فجر .. نديرها ونص
ياسمين .. سحر
سحر .. ي ابلة اختك هي اللي غلطت ف سيارتنا وتسهوك مش معقوله وحده تغلط فيا ونسكتلها
ياسمين .. مش هذ موضوعي نا كيف تردي على ولد هك ..
سحر ضحكت عشان خوك وجعك ..
ياسمين .. مش عشان خوي عشان منظرك انتي كبرتي توا حتى لو حد غلط فيك ماتجي تصبي ف شارع ناس تحكي عليك ف نهاية بنت
سحر .. مضغت مستكه ان شاء الله
ياسمين.. وتوا تفضلي
سحر .. ثانكيو
ياسمين .. لا حول ولا قوة الا بالله
..
رضيه .. ماعندكش جامعة اليوم
نرجس .. لا عندي بس محاضراتي ال 10 يبدن
رضيه .. امسكي هذ شوي على ما ضميت الحوش
نرجس .. هذ ماناقص نمسك فرخ زهراء
رضيه .. خالته راكي
نرجس .. لا مش خالته ولا نتشرف وناضت من جنب امها
رضيه .. ربي يهديك يابنتي وشافت لولد بنتها ابتسملها
رضيه .. مسكين ي ولدي حتى تسجيل محد سجلك ولا شاقي بيك
طق الباب ..
رضيه .. اكيد جدتك صفاء جتنا هي نمشو نحلولها ناضت
توليب .. خير يمي
رضيه .. خير ي حنه كيف حالك
توليب .. حال تعب خلاص موعدي الايام جاية
رضيه .. ع خير وسلامه
توليب .. مافيش اخبار ع زهراء
رضيه .. ع حالها
توليب .. شافت لولد اختها بوجع نسرين قالت جاية
رضيه .. ينعلي باهي اللي ماضميت الحوش جنونها معاها
توليب .. ضحكت شخبار بنات
رضيه .. ف مدرسة ونرجس توا كانت هنا شخبار الافندي ..
توليب .. كويس يسلم عليك ..
رضيه .. بالاسم عندي نسايب واحد احرف من الاخر
توليب .. يمي علاء مافيه خير ف هله بيبقى فيه خير فيك انتي
رضيه .. دام عارفتيه ليش قاعده معاه ي طياح سعدي
توليب .. نصيبي يمي نصيب
...
ف وحده من مدارس الخاصة كان اياد في ساحة يلعب ف سلة
ف وقت بنات من فصله مقعمزات ويشوفن عليك شخصية ..
يشبه شاهد كابور صح ..
شن جاب لجاب كابور احلى ..
لا والله ولد بلادنا احلى شخصية وطول يارب يكون من نصيبي ..
يارب من نصيبنا كلنا ..
مبرد وجوهكن هذ لي نا بس ..
هو شافلهن وهن يبحتن فيه ويبتسممن ..
اياد .. غمزلهن
وهن يتعايطن ..
اياد .. شيرلهن وكمل لعب وهو يضحك ..
ف الوقت نفسه بيدير روحه مضحك بعد شاف البنت اللي معاوده
سنة وكانت حادة طبع لابسه طاقيه ويديها ف جيوبها وتمشي ..
اياد يقوي يده وهو عاض شاربها ويصوب ع البنت والبنات يضاحكن وشباب يضاحكو الا واحد حط يديه ع راسه ..
البنت شافتلهم وفنصت ف اياد اللي ضحك وقال سامحينا
والبنت تاخذ الكورة وتمشي ..
اياد .. هيه تأسفنا وين ماشية بالكورة
اسمي فرح ..
عاشت الاسامي ي عزاء ..
فرح .. ضيقت عيونها ..
اياد .. فرج عطينا الكورة والبنات يضاحكن مع شباب
فرح .. فرج صار تبي كورة شافلها وبدت تجري وهي تلعب
وهو يلحق فيها ماقدرش عليها وكلهم يبحتو فيه اخر شي عزقت
الكورة ف مكان حساس جدا قعد يتلوى والبنات يديهن ع فمهن
وشباب يضاحكو ..
فرح .. ماتلعبش مع اسيادك فاهم تحك تنحك يالجمل
كلهم برمو بحتو فيها كيف تمشي بعصبيه ..
...
ف احدى شركات مقعمز ف مكتبه ويتناقش ع الخريطه خاصة بوحده منازل الي هو المشرف ع بناء بتاعها ويتكلمو رن تليفونه
لحظة رفع صبعه بمعنى يستاذن ورد الو ..
عبد الله ***
انعم ..
مدام زهراء وعيت عبد الله ابتسم ابتسامه واللهي جد وناض بسرعه
طلع متجه المستشفى الحمدلله يارب الحمدلله وصل مستشفى نزل
بسرعه خش وقالوله ع غرفتها فتح باب حبيبتي ..
زهراء .. عبدالله ..
عبد الله ..حبيبتي وقعمز حضنها ياعمر عبد الله ي عيونه باس راسها
زهراء .. انا شن صار معايا حاسه راسي ثقيل ..
عبدالله .. جبتيلنا بيبي سمح كيفك ي سمحه  ...
زهراء .. شنو نا ف ثامن كيف شن صارله مات مات
عبد الله .. حط يديه ع خدودها لالا ف حوش هلك هو
دمعو عيونها عند هلي سامحوني يعني ..
عبد الله هز راسه وهو مبتسم ..
زهراء .. كيف بس طلع مش مفروض يبقى ف الحضانة
عبد الله .. له شهرين ف الحضانة
زهراء .. شهرين كيف ابتسمت تبصر صح نحنا ف اي شهر
عبد الله شافلها بحزن ..
زهراء .. شهرين كيف مش متذكرة شي نا كيف ماشفتش ولدي
عبد الله .. توا تشوفي
زهراء .. ماحضنتش ماشميتش ريحته اول ما جا
عبد الله .. حمدلله طلعتو منها ب خير ي عيوني انتي ف غيبوبه
زهراء .. دموعها نزلو خلي هلي يجو ..
عبد الله .. طلع اتصل فيهم ..
ياسمين .. الحمدلله الحمدلله ع سلامتها توا نبلغ امي ونجوكم
عبد الله .. تمام
ياسمين .. الو يام
رضيه .. ايوا
ياسمين .. زهراء وعت يمي
رضيه .. دموعها نزلو وزغرتت
توليب .. شن في
رضيه .. اختك ناضت ب سلامه
توليب .. الحمدلله ع سلامتها
نرجس .. كنكم
توليب .. زهراء وعت من الغيبوبة
نرجس .. باهي حمدلله تاخذ ولدها نفتكو من وجها
رضيه .. امشي امشي لجامعتك
نرجس .. طلعت ركبت ف الحافلة
رضيه .. مشت توتي روحها
وطلعت ياسمين ركبت وردة وفجر واياد ركبت من لاورة مع وردة وفجر ووصلو قالت لهارون ماتمشيش خليك قولو ل امي تطلع ..
هارون .. ليش
ياسمين .. تفهم بعدين
نزلو خوتها وطلعت رضيه تجري حاولو يقصقصوها بس ماردت
ركبت قدام وتحرك هارون لمستشفى ..
توليب .. اهلين بالشباب
وردة .. اهلين
فجر .. كنها امي طلعت
توليب .. زهراء وعت
وردة .. باهي الحمدلله نمشي نرقد نعسانه
اياد .. شاف لتوليب من بيدير غداء
توليب .. نسرين
اياد .. طمنتيني
توليب .. امشي ي معفن وكنه وكالي
ضحك اياد وفجر قال امتى تجي نسرين
توليب .. تشيل عويلها مدرسة وتجي
فجر .. باهي
خشو رضيه وياسمين وهارون لمستشفى ..
هارون .. حمدلله ع سلامتها
رضيه .. وين زهراء
هارون عندها دكتورة تكشف عليها ..
رضيه فتحت الباب شافو دكتورة  حطت ضي ف عيونها
بعدين حركت يديها وكل ماتقرب حاجه تقول زهراء تمام
بس عند الكرعين زهراء ماحست ف شي ولا دارت تعبير
ب وجهها دكتورة شكت هنا وطلعت وخذت رضيه معاها
شافولها
الدكتورة .. مع الاسف عندها شلل نصفي
رضيه .. غمضت عيونها بأسف ويدها ع قلبها
وياسمين ضربت يدها ع فمها اما هارون وجعاته اخته لصغيرة
عبد الله منصدم وجهه انصفر ودكتورة تقول طبيعي را لأن الغيبوبة امر مش ساهل فيه اللي يفقد ذاكرة واللي يفقد بصره واللي واللي
وغيرهم وبنتكم تسببلها شلل رضيه حرام صغيرة مزالت مزالت
اااه يابنتي ياللي ماعندك حظ دعيت عليك من ورا قلبي مش من قلبي سامحيني ي بنيتي سامحيني ومنهاره بكاء ع بنتها هارون حضنها
وياسمين تبكي بصمت بعدين قالت انتو لازم تدعمو وتحس انكم
اقوياء مش ضعفاء وتباكو مش هتفيدوها ب شي ببكاكم تريدوها
هم لان مرحلة علاج تحتاج دعم معنوي لو هي انهارت على من
تسند اذا انتو مش قادرين رضيه مسحت دموعها بنشوفها