ورود سامة

Part6

ورود سامة / الفصل سادس
#يحيى_ادريس
ياسمين كنت فرحانه اني هنبقى عروس وهنعيش حياتي خلاص اليوم اخر يوم ف حوش هلي طلعنا
نا وغاده مع خوي هارون شور الكوافيرة كان هارون
معدل لمرايا ويشوف لغاده غاده ابتسمت وطبست
راسها ..
ف نفس لحظة كان زياد ف وحده من استراحات اصحابه يحلقو فيه وجايبين نوبه وكانت حفله مفتوحه ب حكم زياد يشتغل مع شرطة دراوله
حفله الليل ونهار واحد من اصحابه رفعه ع كتوفه
وقعدو يعيطو مع بعضهم وبيس وبيس وزيزو قعد
عريس هوها بلادي هذ جوها وسط الاغاني والاحتفال واحد من خوته راكب ع حصان قال زياد
تعال ركب زياد وهو فرحان صوت طلق ف سماء
وزياد ضحكة ما فارقت وجه وكلهم يصورو ب الكاميرات الاجواء وف نفس لحظة طلقة تستقر
ف قلب زياد الله اعلم من طلقها ف ذات الوقت انكب مسحوق تجميل ع فيلو ياسمين اللي تكدرت
وغاده قالت متخافيش توا نلقو حل متخافيش
وياسمين / اضايقت ..
زياد / طاح من ع الحصان ع الارض ودمه يطلع من فمه عياط خوته اصحاب واللي ف حفله اللي هذ طلع يجري وتحركت وحده من سيارات العاليات
..
ياسمين / نفسي نبي نتنفس مخنوقه
غاده / هذ خناق العرايس اشربي اميه
ياسمين / حاسه روحي مضايقه
الكوافيره / تصير عادي شوفي اختك اصغر منك وتعرف
غاده / ابتسمت بنت خالتها نا
الكوافيرة / ربي يحفظكن
هارون /  شاف لزهراء
اللي كانت مع وردة يشيلن ف الكسوة
هارون / زهراء
زهراء / نعم
هارون / كلميلي امي
زهراء / باهي وخشت كلمت امها
رضيه / شن يبي وانتو تحقو عندي صبايا نغلا ها كنك
هارون / راجل ياسمين عطاكم عمره
رضيه / خبطت ع صدرها ينعلي يابنتي
هارون / انا لله وانا اليه راجعون
صفاء تلبس ف قلايل/ هي رضيه وتي روحك مافيش وقت
رضيه / دموعها ينزلو
صفاء / كنكم شن في وقت بكاء توا
رضيه / ياسمين ترملت
صفاء / نهار اسود يوم عطيب
رضيه / كيف بنقولولها كيف بنديرو المعازيم
صفاء / والله ماتستاهل ياسمين
رضيه / امشي جيب اختك من كوافير
هارون / شن نقوللها
رضيه / جيبها وانت ساكت
هارون مشا لكوافير وقال كلمولي غاده
غاده / كنك مزال ماكملت ياسمين
هارون / قوليلها هي
غاده / هارون كنك انهبلت امشي ومش قايلتلها هي
هارون / عيونه مليانات دموع
غاده / شن في حد صارله شي
هارون / العريس مات
غاده / حطت يدها ع فمها
هارون / ماتقوليلها شي
غاده / ارجاني باهي تكمل بس
هارون / شن تكمل
غاده / مستحيل تطلع عروس تبيها تنهار هنا
هارون / غمض عيونه نرجى فيكم
غاده / ياسمين مديريش تسريحه
ياسمين / لا نبي تسريحه زي الاميرات
وكانت فعلا ياسمين يومها زي سندريلا وماطلعنش الا 7 ونص
ياسمين / هارون تكي بينا ع المصوراتي عارف زياد مايحبش حاجات هذين مستحيل يصور ..
هارون / تكا ع مصوراتي وصور هو وياها مع بعض
كانت ياسمين فرحانه خذت كم صورة ومنظرها
جميل وقالت مش باين تلبز ب حاجات امبدري
هارون لا مش باين
غاده / حكيته ثلاث مرات اوفر انتي
ياسمين / زي ماتعرفي هي ليلة ف العمر ..
هارون / وقف قدام حوشهم
ياسمين / عليش جبتنا هنا هي نمشو لصالة
هارون / تطلعي من هنا قبل
ياسمين / اكيد هلي كلهم ف صالة هي ي هارون وقت
غاده / انزلي بس في مفاجاة هنا
ياسمين / انتو بتخربو فرحي عرفتكم لكن زياد مايخليكمش راجلي ضابط وضحكت فاهم انت
هارون / ابتسم خذاها ف حضنه وخش بيها ثقيلة
ياسمين / فيلو كبير
خشو لحوش انصدمت حولت بلوتي كنكم كلكم هنا
وردة / واو تهبلي ياسمين
رضيه / ماشاء الله الله يبارك عليك خمسة وخميس
ياسمين / ابتسمت حلوه
رضيه / قمر 14
ياسمين / هي تأخرنا يمي بعدين كنكم كلكم هنا وقت
رضيه / خذتها ف حضنها
ياسمين /بلعت ريقها
رضيه / انهارت بكاء
ياسمين / حطت يديها ع ضهر امها لهدرجة مش بعيد منكم يمي كلهن 10 دقايق ب سيارة تكوني عندي وكل يوم نجي ونجيبي عيال يجننوك
رضيه زادت ف بكاها وشهقاتها وكلهم يبكو..
ياسمين / انتي هكي بتخربي مكياجي شكلك توليب جوزت ونسرين صح بكيتي عليهن بس مش درجة هذ فراقي غالي غمزت لخواتها وضحكت صقع عليكن امي بكت عليا اكثر منكن كنك مش لابسه يمي
رضيه / زادت ف عبراتها زياد مات اليوم ظهر
ياسمين / لا دفت امها تبصري صح
رضيه / شهيد يمي شهيد مضروب ب طلقة غدر
ياسمين / لا هو سيبني صح نفس ما دار عمر عشان خالتي وعشان سمعتنا مش كويسه عادي بس متقوليش مات تعودت نا ع حظي بس متقوليش مات
ورضيه زادت ف البكاء الله غالب عليك ..
ياسمين / برمت ع هارون انت تعرف ..
هارون طبس راسه وحط يديه على عيونه
ياسمين / شافت لغاده مش قتلك صدري مغموم
ياسمين / ياربي ليش نا ياربي حرام ياربي ياربي لا ياربي لا ياربي نحبه ااااااه وامل ونرجس وصفاء ونسرين وتوليب يتباكن من جد جدهن اما زهراء
كانت فوق تحكي مع حبيب قلبها ومحد جايب عنها علم
ياسمين / ياقلبيي ااااه قلبيي ااااااه جتها نرجس تحضن فيها
ياسمين / ليش ليش ليش حرام والله حرام اااااحء
رضيه / استغفري الله يابنتي ادعيله
ياسمين / مات زياد يمي مات مات معش تحملت وفقدت الوعي