ورود سامة

Part 38

ورود سامة
يحيى ادريس

"اكثرهم شياطين تتجول بوجوه ملائكة"

شني هدا ..

نرجس : كنت نبي نقولك بس نسيت
ايمن : ادرقي عليا ف مرضك
نرجس : نسيت بس نسيت
ايمن : شني نسيتي هدا مرض خطير معدي هدا
نرجس : لا واللهي مش معدي واللهي
ايمن : مشناك واني كل يوم نقول خيرها هادي موليه هكا
نرجس : كلمات يفتفتن ف قلبها ويجرحن ف انوثتها
ايمن : يعني لا لون لا عون ولا صحه غشيتوني انتي
نرجس : تشوفله بصدمه غشيناك
ايمن : ايه ضحكتو علينا
نرجس : خنقتها العبره
ايمن : علاش قاعده هي هي لمي حوايجك وبرا ل اماليك
نرجس : ضحكت بصدمه تطرد فيا
ايمن : ايه نطرد فيك برا برا
نرجس : كيف بنمشي
ايمن : في عيلة ماشيه شرق نعرفها نكلمهم يرفعوك معاهم
نرجس : مستغني لهدرجة
ايمن : ايه واكتر يلا برا برا
نرجس دموعها طاحو وبدت اتضم ف دبشها وهي مقهوره اخر شي خسراته عشان تحافظ ع زواجها
كرامتها وماتبقى منها شي اندعست ع الارض الكرامه
...
كان فجر ف يده موس وسحر تعيط الحقي ياياسمين
ناضت ياسمين ورضيه واقفات قدامها وهارون يمسك ف يد فجر صل ع نبي
فجر : حول انت مد فسختك خليتهن يركبن فوق منا كلهن***
رضيه : يييه يييه خزي عليك ياللي ماتحشم
ياسمين : سحر خوذي وردة فوق
فجر : ماهيش ماشيه تعالي هنا وكان ماشي شورها طلع اياد يجري ع صوت لعياط يمسك فيه هو وهارون وسحر خشت ب وردة لدار قفلت عليها
وردة يدها ع قلبها ياربي ياربي
سحر : اسمعي ماتعدليش ع زهراء هذا مايتهلبش وافقي وحرقه تحرقهم كلهم
وردة : بلعت ريقها
سحر : تشوفي ف الوضع بروحك اتصلي بيه
وردة : متعاركه معاه
سحر : متبقيش مرخيه الحب مافيش كرامه
وردة : رنت عليه هو كان ف سيارته حط يده ع جبهته رد الو ..
سحر : قوليله تكلمي
وردة ؛ جت زهراء تعارك هنا وخوتي علمو وقالبين دنيا فجر طلع علي بالموس ويتحلف فيا بدت تبكي
سحر : ابتسمت شاطره يابنت
عبد الرحمن : بس حبيبي وعد ماحد ياخذك غيري
وردة : جديات
عبد الرحمن : طبعا ي قلبي
وردة : امتى
عبد الرحمن : لعند ما يفرج ربي وامي توافق
وردة : وافرض ما وافقتش
عبد الرحمن : هندز عماتي
وردة : نا نرجاك بس خايفه من خوتي يديرو فينا حاجه
عبد الرحمن : طول ماانا عايش مافي حد يقرب منك شعره
وردة : ربي يخليك لي
عبد الرحمن : ولي
وردة : توا بنصكر
عبد الرحمن تمام
سحر : شن قالك
وردة : امه مزالت مش موافقه وقالي اصبري
سحر : غبيه العمر يجري قدامك تعرفي نا فعمرك عندي عيلين كنك ي وردة بتقعدي كيف ياسمين
عاجبك حالها خواتك كل مره وحده تعاير فيها حتى زهراء نقولو كويسه اليوم قهرتها شوفي مصلحتك
وردة : تمسح ف دموعها
هارون : افتحي سحر
وردة ؛ وراس سحر
سحر : من ورا الباب احلف انك ماتجيش شورها
هارون : مانيش جاي شورها بنقول كلمتين
سحر : فتحت الباب
هارون : بدون مايشوفلها خوك فجر قبل ناوي ع موتك نا هديته بعد قلت اللي عندي ولد عمك بلقاسم حاط عينه عليك وكلمني عليك من ايام فرح نرجس ونا رديته عشان كنتي صغيرة وبعدها رد سنة فتح موضوع بعد ماتجوز وطلق قلت اختي مانعطيها لواحد مطلق وتنعزق ه العزقه لكن بعد فضايحك كلمته واتفقت حتى مع خوتك خلاص اليوم مرت عمي وبناتها جايات يطلبن ..
وردة : فنصت بس
هارون شافلها ب إزدراء احمدي ربك واشكريه قبل قعدتي قعدة اختك وحمضتي هنا كانت ياسمين جايه ومعاها كسبر دارت روحها ماسمعتش قالت هك تحول الفجعه
وردة : شفتي يبو يجوزو كني لبلقاسم نهار اسود نهار اسود
ياسمين : الله غالب خير من قعدتي نا
سحر : صح ي وردة هذ يلعب بيك فوتيه اشري اللي شاريك
ياسمين : نمشي نشوف الغداء
...
خشت زهراء شافت نوارة مقعمزه كراع ع كراع
وموتيه شناطيها ..
زهراء : واخيرا ناويه ترحلي بعد خربتيها وقعدتي ع تلها ..
عبد الله : لا هذين شناطيك انتي
زهراء : عقدت حواجبها
نوارة : مبتسمه
زهراء : تطرد فيا ي عبد الله من حوشي
عبد الله : حوشك شن دافعه فيه
زهراء : معاك حق اشبعو بيه حتى ولدك معش نبيه
كان وقتها آيآن مروح من مدرسة وسمع كلام امه
زهراء : خذت شناطيها وطلعت من حوش بكل
عبد الله ؛ كان يبيها تنذل له اخرى وتطلب سماح لكن هي ولا هنا
آيآن : امي
زهراء حطت شنطتها ف شنطة سيارة امشي لبوك نا مش ام لحد ركبت سيارتها وتحركت بعصبيه ..
عبد الله : آيآن خش
آيآن شافله بغضب وخش راقيله
...
مقعمزات ف شقة توليب امال تقرا ف فنجال لتوليب وسهام متكيه تحكي مع صاحبها ب مياعه
واحلام تصنت ومره تسهوك مع اختها وصاحبها
امال : اووو طريق طويله وكلها خير شكله جايك خير
توليب ابتسمت : ان شاء الله ربي يسمع منك
امال : وفي حد طول وعرض جايك ومعاه حصان جمل
توليب : مش جايب معاه ذهب
امال ضحكت وتوليب ضحكت معاها كانت ملاك تكتب ف واجبها وتشوفلهم بعدم رضا ..
شوي رن جرس توليب هذ اكيد بتاع توصيل ملوكه فلوس ع مدخل مديهم له وخوذي منه الحاجات
احلام  : ماشاء الله بتاعين توصيل يركبو لشقق توا
توليب : نا توليب ي حنه قتله تبي فلوسك اركب كلي نزول لا نا لا بنتي فاضيين ننزلو لاشكال المقلبه
فتحت ملاك الباب خالتي ..
زهراء : اهلين حبيبتي امك قاعده ..
ملاك ؛. اه خشي
خشت زهراء تجر ف شناطيها
توليب ؛ زهوره وناضت حضنتها شخبارك شافت لشناطي معاها استغربت نعرفك هذين جاراتي احلام امال وسهام ناضت امال مدت يدها مرحبا
زهراء : شافتلها بتكبر وقالت مرحبا توليب نعسانه راسي بينفجر
توليب : معلش نستاذنكم وخذتها لدار ترقد فيها هي وملاك كان فراشات ع الارض زهراء شافت الوضع انصدمت مش متوقعه سوء هذ ..
توليب : معلش مش قدرك بس والله ماعندي سرير
زهراء : مش مشكله
توليب : نجيبلك حاجه نديرلك حاجه
زهراء : بنرقد بس
توليب : نونسك شوي
زهراء : لا بنبقى بروحي قعمزت ع فراش وتشوف الوضع المزري اللي عايشه فيه اختها هي كانت في نعمة مش حاسه بيها تنهدت وتمددت ع فراش
..
وردة تبكي مانبيش نا نهايتي ناخذ مطلق يمي
رضيه : اسكتي مش انتي درتي سريب لسلف اختك
وردة : جاني بروحه
رضيه : بنات الهم والغم كشفتن بي كلكن مافيش وحده نقول عليها هااه محترمه وعرفت نربي كلكن*** خوتكن صدقو فيكن ..
وردة ؛ انتي طول عمرك معاهم ونحنا غلط
رضيه : صكري فمك ي منحطه
وردة : ع اساس لما مات باتي واشتغلتي مادرتيش علاقه وحكيتي ع الارضي
رضيه : ضربتها كف ي واطيه ي كذابه تكذبي ف وجهي
وردة : ماكذبتش قلت الحق
رضيه : صكري فمك وتجوزي غصبا عن خشمك
وردة : البنت تلف تلف وتاخذ صنعة امها ونحنا كيفك
رضيه : الله لا يربحك الله لا يسامحك ي وج الشر
ياسمين : شافتلها بحده قليلة ادب انتي را
وردة : امشي ي مثاليه انتي طبلي ل امك لقلقليها واقعدي خدامه لها هي تبيك تقعدي تخدميها اصلا
ياسمين : نقعد خدامه ولا نبقى غضيبه والداين
...
امال : اختها رافعه خشمها ريتيها
سهام : مستفزه
احلام : لكن عليك لبس وعليك جسم هذ عندك متجوزه ولدها يقرا اخرى ..
سهام : كذابه
احلام : والله هذ ما قالتلي توليب متزوجة صغيرة
امال : ماشاء الله عليها نحسبها بنت 19 عام
احلام : لا ديما اصغر من توليب ب 8 سنين
سهام : يعني عمرها 25
احلام : ف ه الحسبة
امال : الله يبارك عليها
احلام : حتى هي غارقه ف عز
امال : بس شكلها حرجانه
احلام : كيف عرفتي امال ماشفتيش شناطي اللي معاها
احلام : معناها تلومي وتعذري زعلانه وليه
سهام : كان ف ه العز مانسيبه بكل نمسكه بيدي وسنوني حتى كان اجوز علي عادي
امال : no مشاعر انتي
..
توليب : حطت صفرة العشاء
زهراء : ماعنديش نيه
توليب : متعاركه معاه
زهراء: قصه خشت ف بعضها نا بروحي مش فاهمه
توليب : ماتبيش احكي براحتك
زهراء : مضايقه وحق الله متحمله لين بس امه وخواته وخوته وكلهم عشانه هو ونسكت ونسايس
بس خلاص اليوم مشيت شغل وهك ويجيني زبون
وهنتفقو يجي عمك عبد الله ينفصل ويطفشه ويقولي جيبي مفتاح سيارة ومفتاح مكتب وتعصبت عليه وفشيت غلي
توليب : يستاهل القرد
زهراء: ابتسمت وعمتي تقولي بعدي اختك عن ولدي
توليب : كيف
زهراء : وردة دايره سريب مع سلفي وتبيه ياخذها
توليب : وعمتك شدخلها
زهراء ؛ اصلا غلط بنتين ياخذن من نفس العيلة اذا نا مش متحملتهم تجي هي ترمي روحها ف نار وغير هك ف حاجات مانبيهمش يطلعو علينا وعمتي تحطني ف راسها اكثر وهذ اللي صارت اليوم روحت لقيت ضاملي دبشي وكارهني راجل تخيلي حاط دبشي ف شناطي وجعتني روحي وبدت تبكي وتوليب حضنتها ه الكلب المسخ ياخذ سوك لمعفن
وزهراء تبكي ف حضن اختها وملاك تراقب فيهن بحزن ..
...
ثاني يوم كانو تجهيزات فاتحة وردة وجن امه وخواته لبسنها دبله وع العصر خشت نرجس بطنها قدامها وجنبها ولدها وتكركر ف شناطي شافتلهم ب استغراب الفاتحة مافي حد سحر ونسرين وهل بلقاسم قعدو يتفصحو فيها ويتهامسو هذ دكتورة هابا ونحسبوها ف طرابلس وحياتها حلوه شكلها شر من اللي هنا ومن ه الكلام
نرجس : خير شن في
ياسمين : خطبة وردة
نرجس : وليش ماقلتو
ياسمين ؛. كل حاجه جت بسرعه
نرجس : هزت راسها بصمت
ياسمين : والله امس خططو وتنفذ اليوم حتى وردة مش عاجبها بلقاسم بياخذها
نرجس : بتهكم صامت صامت وفطرت ع بصله
ياسمين : نصيب
نرجس : طياح سعد مش نصيب
ياسمين : كنك انتي جايه هك ومع من جيتي غريبه ماتجيش الا ف الاعياد
نرجس : كساد
سحر ؛ شخبارك ي جوسي
نرجس ؛ تمام
سحر : شخبار البوبو امتى اتشرف
نرجس : مش عارفه انا تعبانه من طريق حطيلي حاجه ناكلها وبنرقد
ياسمين : جاملي عيت عمك شوية
نرجس : ماعنديش نيه لنفاق
ضحكت سحر وياسمين تفنص ف نرجس
طلعت سحر من جنبهم كنكم تقول ف عزاء تلبيسه را هي هو وبدت تغني ودير ف اجواء وردة زي دجاجه المذبوحه مقعمزه وساكته مش مستوعبه شي من اللي قاعد يصير ..
...
بعد مرور ايام
نرجس جابت فيهم
ياسمين : الله يبارك ماشاء الله عليها
رضيه : دامك تبي تجيبي عليش جاية هنا وين راجلك
نرجس : عنده شغل
رضيه : حتى تسليم ما سلم بعدين اياد قال جيتي مع عرب برانيه ماعرفش حد فيهم
نرجس : واياد كل حاجه ينشول فيها
رضيه : فنصت فيها
ياسمين : شن تبي تسميها
نرجس : ابتسمت وقالت جوري
وروح بيهم فجر لحوش وهم خاشين سمعو اصوات زغاريت من حوش جيرانهم خاف لا يكون خبر خطوبة
اميرة : نجحت يابابا نجحت
بوها حضنها بقوة ويلف بيها وامها تزغرت بفرحه
وصهيب : يغني وحياة قلبي وافراحو وهنا ومسا وصباحو واميرة ترقص بكتوفها وتغني ..
الناجح يرفع ايدو هيي الناجح يرفع ايدو