ورود سامة

34

ورود سامة
يحيى ادريس
‏34 part

نسرين : وين مشت ..
ياسمين : الله اعلم ..
زهراء : ليش ماجت عند وحده فينا ..
ياسمين : امي معش تبي سيرتها ..
نسرين : لا حول ولا قوة الا بالله امي قلبها قاسي
ياسمين : وطي صوتك ..
زهراء : بنعرف شن خطر عليها بس بعد لسنين ..
ياسمين : جنونهم ناضن عليهم ..
نسرين : نلوم ونعذر لو نا مكانها هندير كيفها واكثر
زهراء : مانقدرش نتخيل نفسي الصراحه بس معاها حق ..
ياسمين : اس امي ماتحمل حرف ف فجر را ..
نسرين : وين وردة ..
ياسمين : بدت تخدم ..
نسرين : ماشاء الله بسرعة هذ حصلت
زهراء : وهي تاكل ف بشكوط واسطاتي
نسرين : كان تقولي لراجلك يزرق اشرف معاه
زهراء مضغت وهي تفكر بعدين قالت توا نشوفه
نسرين : الله يربحك اي حاجه فيها فلوس واجد
زهراء : حاضر
..
توليب كانت مستلمة شقة ايجار خشت وكانت فاضيه ماعندها كيف ترقد بس مهم مكان يحميها
شافت لبنتها اللي ترتعد من صقع قالت بصوت يرجف حسبي الله ونعم الوكيل..
..
هارون : كيف بس ي امي تطلع وين مشت يعني ..
رضيه : صكر ع موضوعها خلاص وليه كبيرة وعاقله
اياد : شن اللي عاقله مهما كانت وليه ومعاها بنت وتوليب ماتعرفش تصرف كيف تطلقيها وحدها
رضيه : طلعت من راسها منعتها وماسمعتش
اياد  : عليك عناد فيك ي امي ماعندهاش حد غيرنا
رضيه : درنا فيها خير لسنين هذين كلهن ف الاخير ردت علينا ..
اياد : يمي مايجيش كلامك خير م خير هذي بنتنا طبيعي تبقى هنا معانا ..
رضيه : انت كنك تعلي ف حسك تبيها الحقها
اياد : طبعا نلحقها
رضيه : انزرف بعدين شافت لهارون رد بالك يطلع حرف لمرتك
هارون : تشوفي في عيل قدامك يام
رضيه : مدرعنكم
...
مقعمزه قدام مكتبها وتخدم ع كمبيوتر  ..
حد اتكى ع طاوله
عبد الرحمن : مرحبا ..
وردة : شهقت ومفنصه عيونها
عبد الرحمن : اسف مش قصدي وضحك
وردة : تفضل نقدر نساعدك ف حاجه
عبد الرحمن : ياريت بعدك محتاج عرم مساعدات
وردة : ف شنو بزبط
عبد الرحمن : واتز يور نيم
وردة بدت تضحك عليه اسمي وردة ..
عبد الرحمن : وانا عبدو ..
وردة : باهي قول شن تبي والا مدير هيطردني ..
عبد الرحمن : لا خوف عليكم عبدو لديكم ..
وردة : واللهي
عبدو : الله
وردة : امم عشان جبتلي شغل وهك
عبد الرحمن : لا ماهو نا مديرك
وردة : مالا من اللي جوا هذ درت معاه مقابله
عبد الرحمن : ضحك هذ صاحبي لما نمشي نكحل ف جامعة ياخذ مكاني ..
وردة : شافتله وهو ضحك نبصر معاك مش تافه لدرجة هذ كان عندي شوية شغل ف مكان اخرى
ركزي ف شغلك الغلطة ب ورطة ايوا وضحك وخش لمكتب وسيبها مطت شواربها للاسفل مكلوب شكله
..
طلعت توليب من شقتها بعد سقدت بنتها لمدرسة
شافت كوافيرة تحت العمارة خشت وقالت سلام
وعليكم سلام تفضلي فيني ساعدك ب شي ..
توليب : معلش وين صاحبة الرزق ..
البنت امعلمتي امعلمتي ..
اهلين وسهلين ..
توليب : مرحبا ..
تفضلي كيف بقدر ساعدك ..
توليب : نا جاية ندور على شغل ..
ومين قلك بنحتاج موظفين ..
توليب : انتو مش محتاجين بس نا محتاجه للقرش
مو باين عليك تباني بنت عالم وناس ..
توليب تمسح ف دموعها نا نصرف ع يتيمه وعايشه بروحي ايجار وكل حاجه فوق راسي وشقة ياما تبي
فراشات وبطاطين وفرش وكوجينه يعني ف عازة
كل قرش الله يفرجها ف وجهك ان شاء الله حتى نكنس الارضيه ..
صاحبة الرزق فصلتها من فوق لتحت وقالت بتفكير تمام
توليب ابتسمت الله يجبر بخاطرك
..
زهراء : نا نمشي
ياسمين : كان قعدتي
زهراء : شوي ويروح الجن من المدرسة
نسرين : ذكرتيني ب جنوني
زهراء : اسم الله عليك نا واحد ومش لاحقه عليه
نسرين : نابيدي جيش
ياسمين : قولي ماشاء الله تحسدي روحك
زهراء : هي باي
ياسمين : مع سلامه اه زهراء رد بالك تطلع منك قصة توليب
زهراء : تمام
غفران : عمتو
ياسمين : خير ي سمحه
غفران : جيعانه
نسرين : وين امك كنها م توكلكش
غفران : شن دخلك انتي نا طلبت منك ولا من عمتي ياسمين
نسرين : ي جالطه
ياسمين : غفران عيب كلام هذ عمتك
غفران : لا مش عمتي هذي غوله
نسرين : مافي غوله وانتي وامك ع وجه الارض
غفران : شقلبت عيونها
ياسمين : نسرين تحطي راسك ب راس طفله
نسرين : شن تبي ديري الغداء
ياسمين : بازين
غفران : يع شين عمتو ديريلنا كسكسو
نسرين : تبيلك فلفل على شواربك
غفران : من حكا معاك انتي
خش اياد ..خير
ياسمين : هاه شن صار معاك ..
اياد : دورت عليها ف كل مكان مستشفيات مراكز
نسرين : كان دورتو عند الاقارب
ياسمين : نحنا منبوش حد يعرف
نسرين : نسيت بس كيف بتطمنو عليها ماعندها وين تمشي
اياد : مشكلة وحدهن ما معاهن حد
نسرين : وبنيه مزالت صغيرة ع مرمده
غفران : من
ياسمين تفنص ف نسرين ..
نسرين : وحده ف تلفزيون ..
غفران : امم
ياسمين حطتلها سندوتش وطاسة عصير هاكي حبيبتي خذتها غفران وهم سكتو ..
اياد : وين باتك
غفران : شغل
نسرين : وهوكي
غفران : اسرار الحوش مانقولش فيهن
نسرين : اعوذ بالله وسيبتها وطلعت
..
وردة : طقت ع مكتب
عبد الرحمن : تفضل وكان يبرم بالكرسي
وردة : انا انتهى دوامي نقدر نمشي
عبد الرحمن : لالا مايصير شي
وجهها انحمر وقعدت ساكته ..
عبد الرحمن : انبصر معاك لما يكمل دوامك امشي بدون ما تستاذني عادي وردة صكرت باب وطلعت
وردة : مثقل دمه لالا مايصير شي ع اساس يضحك
طلعت وهي تنفتر عليه ..
..
نرجس : دكتور انا حاسه روحي تعبانه شعري يطيح معدتي على طول وجعتني اللي ناكلها على طول حشاك للحمام ف بداية قلت هف بس الوضع كله ماله يزيد اسوء
دكتور انتي لازم ديري تحاليل كاملات نشوفو شن عندك بزبط ونرجس تشوفله يعني مافي شي يخوف
شافلها وقال بسيطة ان شاء الله..
طلعت نرجس وهي خايفه اتصلت ب راجلها اللي ع اساس مسافر لشغل وهو قاعد ف وحده من فنادق
مع وحده اجنبيه وغارق ف الحرام ..
..
نسرين : امتى بتردي شغلك ..
ياسمين : وضع لبلاد يخوف تشوفي قدامك
نسرين : توقعت بعد تهدا الحرب تردي
ياسمين : الحرب هذ وين بدت الوحده ف حوشها وخايفه م بالك اطلع شغل انا حتى وردة مش راضيه على شغلتها بس الله غالب ..
نسرين : الحياة تمشي ما توقفيش حياتك عشان حد
ياسمين : حتى نا مش موقفتها شغل مؤقت بس توا نرد
..
فتحت الباب خشي خشي ..
غفران : تعرفي ياماما حوش جدي يطبخ طبخ
سحر  : بشريني وقعمزت وكأن تحكي مع وحده كبيرة مش مع طفله  ..
غفران : اول ماخشيت لقيت الغولات
سحر : من ومن
غفران : نسرين وزهراء
سحر : عطهن كسرة
غفران : خشيت قلت لعمتي ياسمين جيعانه نسرين قالت وين امك توكلك
سحر : رفعت حواجبها ريت ريت الدلفينو
غفران ؛ قتلها شدخلك
سحر : صحه لك بنت امك وبعدين
غفران : خش عمو اياد يدور ع وحده قال دورت عليها بس م لقاها والغوله قالت حرام وبنيه لصغيرة
دورتو عند اقارب وعمتي ياسمين متبيش اقارب يعرفو
سحر:حطت يدها تحت ذقنها وقالت زعما من منهن
غفران ؛ ماما
سحر : هاه ي ماما
غفران ؛ شن معنى كلام هذ
سحر : هاك حبيبتي العبي ب تليفوني وناضت وقفت عند روشن شافت وردة خشت رفعت حاجبها وتذكرت بنية صغيرة ضيقت عيونها بضحكة خبيثه وشهقت توليب هربت مع واحد