ورود سامة / الفصل الرابع
#يحيى_ادريس
زياد / الله يبارك ماشاء الله زاد على جمالك جمال
ياسمين / على فكرة اول مره نفذ طلب حد ع الحجاب ياما امي زنت فوق راسي ونا ابدا
ضحك زياد وقال خليتيني نكسب اجر ..
ياسمين / عندك اسلوب ف الاقناع ..
زياد / بنسألك سؤال
ياسمين / تفضل
زياد / تصلي انتي
ياسمين / وجهها انحمر وقالت عليش
زياد / الصلاة عماد دين وانتي مسلمه
ياسمين / هو ف خاطري نصلي بس مش قادره
زياد / تسمعي ف اغاني
ياسمين / اها نسمع لشيرين وتامر حبيب قلبي
زياد / حبيب شنو
ياسمين / تامر حسني وعمرو دياب ومحمد فؤاد ولا ذكري واللي نموت فيها اليسا ..
زياد / هذول كلهم ف جهنم
ياسمين / ضحكت انت شفتهم غادي ولا كيف
زياد / ومن استمع إلى الغناء المحرم فقد ارتكب إثما واقترف وزراً ، وعرض نفسه لغضب الله تعالى وعذابه. وكل من ارتكب حراما ولم يتب منه فهو معرض للعذاب إن لم يتجاوز الله عنه. هذا في الآخرة ، وأما الدنيا: فإن المعاصي لها أثر في ظلمة القلب ، واسوداد الوجه ، وحرمان الرزق ، وحصول البلاء ، وجلب الشقاء ،
ياسمين / عادي يعني ناس كلها تسمع فيهن تغير جو
زياد / اما تصبي قدام الله سبحانه وتعالى هذ بيكون عذرك ناس كلها لا مش ناس كلها بدال الاغاني وتضيع الوقت اسمعي كلام الله القرآن واقريه ..
مش خيرلك من شياطين الانس هذول والله محد نافعك يوم لحساب ..
ياسمين / ابتسمت حاضر
زياد / شوفي جيت هنا عشان تختاري سراميك كوجينه
ياسمين / كلهن حلوات
زياد / اختاري هذ اكثر مكان بتقعدي فيه
ياسمين / ي سلام
...
رضيه / مضروبه
نسرين / لالا مش مضروبه
رضيه / وحياتك الا ضاربك شايفتني نمص ف صبعي
نسرين / خبطت ف الباب مش منه
رضيه / ان شاء الله
نسرين / بنقولك انه فرح سلفي وعمتي عزمتكم
رضيه / عرفتني نجهز ف فرح اختك كل يوم ف سوق
نسرين / امتى هو
رضيه / نهاية 7
نسرين / ربي يتمملها على خير حسيتها فرحانه
رضيه / تخيلي انها تحجبت
نسرين / ماشاء الله شكله كويس
رضيه / يالله ربي يهنيها ويسعدها ان شاء الله
نسرين / ان شاء الله
مهاب / نبي كورن فليكس
نسرين / فنصت فيه
رضيه / كنك تفنصي ف العيل امشي لخالتك ديرلك
نسرين / شيرتله بمعنى والله نوريك
خش مهاب او وراه بلال نبو كورن فليكس
نرجس ضحكت وقالت حاضرين ..
زهراء / خشت عيونها منفخات صباح الخير
نرجس / اي خير ساعة 5 ي حنه
زهراء / شن ديري
نرجس / كورن فليكس
زهراء / ديريلي
نرجس / شكلك ساهره
زهراء / اها كنت ع تلفزيون
نرجس / ع تلفزيون ولا تليفون شفت الارضي مكانه متغير
زهراء / وطي حسك
ضحكت نرجس مع من تحكي ..
زهراء / مدخلكش
نرجس / دوري من يديرلك كورن فليكس
زهراء / ندير بروحي مش واقفه عليك
...
نعيمه / خلاص تهيالي لك شهرين متريحه
توليب / شافتلها
نعيمه / اللي كيفك بطونهن قدامهن صبي الكنه دير غداء دير عشاء تخش ب طاجين باستي ..
توليب / بس نا منعرفش نسوي وندير هذين
نعيمه / صفقت بيدها وعليش تجوزي ي طياح سعدي تبن غير تضبطن راجل لكن تسواي ماتعرفن
توليب / تشوفلها بصدمه
نعيمه / نوضي ي حنه نوضي هي نعلمك
توليب / شافت لعلاء تبيه يقول حاجه
غمض علاء عيونه بمعنى سايريها زمطت علتها ولحقت عمتها ..
...
خشت ياسمين لبست ملايه صلاة وصلت حست براحه بذات ف اول سجده انها نظيفه كأنها طفله
وطلعت ياسمين لابسه ملايه صلاة كانت جميلة
بكل وكل من يشوفها تزهى بعينه ...
توليب / درااه كبد عليش تجوزي دام متعرفيش تسوي
نسرين / مازال ماريتي شي ..
توليب / انخنقت خلاص لولا علاء كنت فطستها
نسرين / ضحكت عطك الهناء
توليب / هناء ولا فتحية
نسرين / بارده خطرها كنك انتي وياسمين جوكن مش تمام
توليب / هي علقت خشمها وحدها
نسرين / رفعت حواجبها
توليب / نمشي نشوفها
نسرين / تمام
خشت توليب لكوجينه كانت ياسمين دير ف قهوة
توليب / مبروك الحجاب
ياسمين / بدون ماتشوفلها الله يبارك فيكي
توليب / ياسمين خلاص بالله عليك اهو جاك عريس وبتزوجي مزلتي زعلانه
ياسمين / مبتش ترد
توليب / حرام را اسمه قطع رحم هذ
ياسمين / كويس تعرفي الحرام
توليب / من امتى قلبك اسود هك
ياسمين / شافتلها من يوم دمرتي حياتي ي اختي
توليب / عيونها دموع حقك قاعد يوتخذ والله لو تشوفي حياتي تعرفي انك خذيتي حقك وزياده
ياسمين/عايشه مع راجلك اللي تحبي ومافي حالك سو
توليب / علاء يخون فيا
ياسمين / شافتلها
توليب / مش بس مكالمات خبر اخرى
ياسمين / فنصت وشن ديري قاعده معاه
توليب / حامل
ياسمين /
توليب / تبكي
ياسمين حضنتها
توليب / سامحيني
ياسمين / مسامحتك مسامحتك
..
سالم / صب من العصير كل وحده ربع كبايه
صفاء / صب الباقي عليش
سالم / خليه نلقو كل يوم نصبو ربع كبايه حرام نصبو كل واحد كبايه ف يوم وبكرة وبعد بكرة نقعدو هك
صفاء / باكو عصير ب جنيه حرام عليك
سالم / وجنيه شوي جنيه شوي
غاده / نا مانبيش منحبش عصير وناضت
امل / حتى نا
سالم / عليش تخلو فيني نصب كيف بنرده ف الباكو
صفاء / تشوفله بصدمه
سالم / خوذي هذ ونا ناخذ هذ
صفاء / لا حول ولا قوة الا بالله العلي العظيم
....
كانت ياسمين طالعه لسوق مع امها وخواتها
البنات وامهن مشن يشوفن ف دبش لهن عشان الفرح وياسمين قعدت تاخذ ف حاجات عرايس فجأة سمعت صوت خلاها توقف مصدومه ..
عاش من شافك برمت بشويه وشافته ..
عمر / تحجبتي طالع عليك
ياسمين / احترم نفسك نا توا مخطوبة
عمر / من وكيف وامتى
ياسمين / مايخصكش وحل عني احسن مانقوله وانت تعرف ضباط دمهم حامي ..
عمر / ضابط
ياسمين / وسيد رجاله مش ولد ماما
عمر / قعد ساكت وهي مشت من حذاه
توفيق / مش قتلك يراجل سيب بنت ف حالها
عمر / وراس توفيق نبيك تعرف من خطبها
توفيق / خليها مش انت شفت حالك وقريب وتجيك بنت ف طريق
عمر / مش قادر ي توفيق مش قادر
توفيق / تقدر خليها ف حالها بس
عمر مريحش نفسه وحط موضوع ف راسه
ودار اتصالاته وعرف من يكون خطيبها قرر يتلاقى بيه
زياد / تفضل من انت وشن تبي
عمر / جاي نقولك ان البنت اللي بتاخذها كانت دايره معاي علاقه قبلك وحد علمي ان ضباط ما ياخذوش كل من هب ودب نا نصحتك عشان راجل كيفي كيفك واللي مانرضهاش على روحي مانرضاها على غيري خصوصا اسد كيفك يستاهل كل خير
للحديث بقيه
أنت تقرأ
ورود سامة
Romantizmقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
